‘വൈവാഹിക ബലാത്സംഗം’എന്നൊന്നില്ല: ആർ.എസ്​.എസ്​ വനിതാ അധ്യക്ഷ

ന്യൂഡൽഹി: വൈവാഹിക ബലാത്സംഗം എന്നൊന്ന്​ ഇല്ലെന്ന്​ ആർ.എസ്​.എസ്​ വനിതാ വിഭാഗം​ അധ്യക്ഷ സീത അന്നദാനം. ഭാരതീയ സംസ്കാരത്തിൽ വിവാഹം പരിശുദ്ധമായ ഉടമ്പടിയാണ്​. സഹവർത്തിത്വമാണ്​ വൈവാഹിക ജീവിതത്തിലെ ആനന്ദം. ദാമ്പത്യത്തിൽ അത്​ കണ്ടെത്താൻ കഴിഞ്ഞാൽ ‘വൈവാഹിക ബലാത്സംഗമെന്ന’ ഒന്നുണ്ടാകില്ലെന്നും സീത അന്നദാനം പറഞ്ഞു. ആർ എസ്​ എസി​​െൻറ വനിതാ സമിതിയായ രാഷ്​ട്രീയ സേവിക സമിതി അധ്യക്ഷയാണ്​ സീത അന്നദാനം. സമിതിയുടെ വാർഷിക ആഘോഷങ്ങളിൽ പ​െങ്കടുത്ത്​ സംസാരിക്കുകയായിരുന്നു അവർ.

വിവാഹത്തിലൂടെ സ്ത്രീക്ക്​ സുരക്ഷിത്വമാണ്​ ഉണ്ടാകേണ്ടത്​. മുത്തലാഖ്​ പോലുള്ള നിയമങ്ങൾ ഭീതിദമാണ്​. രാജ്യത്തെ സ്​ത്രീകൾക്കെല്ലാം നിയമത്തി​​െൻറ കീഴിൽ ​ഒരേ നീതി ലഭിക്കണം. മുസ്​ലിം സ്​ത്രീകൾ ശാക്തീകരിക്കപ്പെട്ടവരാണ്​. മുത്തലാഖ്​ വിഷയത്തിൽ മാറ്റത്തിനു വേണ്ടിയുള്ള സംവാദങ്ങളാണ്​ നടക്കേണ്ടതെന്നും സീത അന്നദാനം പറഞ്ഞു.

ഭാര്യയുമായുള്ള നിർബന്ധിത ലൈംഗിക ബന്ധം (മാരിറ്റൽ റേപ്​)ക്രിമിനൽ കുറ്റക്കരമാക്കണമെന്ന്​ കേന്ദ്രവനിതാ ശിശുക്ഷേമ മന്ത്രി മേനക ഗാന്ധി നേരത്തേ അറിയിച്ചിരുന്നു. വിഷയം ഇപ്പോൾ ലോ കമ്മീഷ​​െൻറ പരിഗണനയിലാണ്​.