നോട്ട്​ പിൻവലിക്കൽ: നടപടി ആത്​മഹത്യാപരമെന്ന്​ അരുൺ ഷൂരി

ന്യൂഡൽഹി: നോട്ട്​ പിൻവലിക്കൽ നടപടി ആത്​മഹത്യാപരമെന്ന്​ ബി.ജെ.പി നേതാവും  മുൻ കേന്ദ്രമന്ത്രിയുമായ അരുൺ ഷൂരി. ചില വെളിപാടുകളുടെ അടിസ്ഥാനത്തിലാണ്​ എൻ.ഡി.എ സർക്കാർ മുന്നോട്ട്​ പോകുന്നത്​. ഒരു ദിവസം നോട്ട്​ പിൻവലിക്കാൻ വെളിപാടുണ്ടായി​. ധീരമായ നടപടിയാണ്​ നോട്ട്​ പിൻവലിക്കലെന്നാണ്​ സർക്കാർ അവകാശപ്പെടുന്നത്​. ശരിയാണ്​ ആത്​മഹത്യയും ധീരമായ നടപടിയാണെന്ന്​ സർക്കാറി​​െൻറ തീരുമാനത്തെ പരിഹസിച്ച്​ ഷൂരി പറഞ്ഞു.

തികച്ചും ബുദ്ധിശൂന്യമായ തീരുമാനമായിരുന്നു നോട്ട്​ പിൻവലിക്കൽ. മുഴുവൻ ആളുകളും കള്ളപ്പണം ​വെള്ളപണമാക്കി മാറ്റിയതാണ്​ നോട്ട്​ പിൻവലിക്കലി​​​​​െൻറ നേട്ടം. 99 ശതമാനം കറൻസിയും തിരിച്ചെത്തിയിട്ടുണ്ടെന്ന്​ ആർ.ബി.​െഎ തന്നെ വ്യക്​തമാക്കിയിട്ടുണ്ട്​. ഇതോടെ കള്ളപ്പണം ഇല്ലാതാക്കുകയെന്ന  നോട്ട്​ പിൻവലിക്കലി​​​​​െൻറ ലക്ഷ്യം പൂർത്തീകരിക്കാൻ സാധിച്ചില്ലെന്നും ഷൂരി പറഞ്ഞു.

ജി.എസ്​.ടി ചരിത്രത്തിലെ തന്നെ സുപ്രധാനമായ സാമ്പത്തിക പരിഷ്​കാരമായിരുന്നു. എന്നാൽ അത്​ നടപ്പിലാക്കുന്നതിൽ സർക്കാർ പൂർണമായും പരാജയപ്പെട്ടു. മൂന്ന്​ മാസത്തിനിടെ ഏഴ്​ തവണയാണ്​ ജി.എസ്​.ടിയുടെ നിയമത്തിൽ ഭേദഗതി വരുത്തി​യ​െതന്നും ഷൂരി കുറ്റപ്പെടുത്തി. നരേന്ദ്രമോദിയും അമിത്​ ഷായും ചേർന്നാണ്​ രാജ്യത്തി​​​​​െൻറ മുഴുവൻ സാമ്പത്തിക നയങ്ങളും തീരുമാനിക്കുന്നതെന്നും അദ്ദേഹം ആരോപിച്ചു.

നേരത്തെ യശ്വന്ത്​ സിൻഹയുടെ മോദി സർക്കാറി​​​​​െൻറ സാമ്പത്തിക നയങ്ങൾക്കെതിരെ രൂക്ഷ വിമർശനവുമായി രംഗത്തെത്തിയിരുന്നു. ഇതിന്​ പിന്നാലെയാണ്​ ഷൂരിയും സാമ്പത്തിക നയങ്ങൾക്കെതിരെ കടുത്ത വിമർശനങ്ങളുയർത്തുന്നത്​. വളർച്ച നിരക്ക്​ മൂന്ന്​ വർഷത്തിനിടയിലെ ഏറ്റവും താഴ്​ന്ന നിരക്കായ 5.8 ശതമാനത്തിലേക്ക്​ എത്തിയതോടെയാണ്​ ബി.ജെ.പി നേതാക്കളുൾപ്പടെ കേന്ദ്രസർക്കാറി​​​​​െൻറ സാമ്പത്തിക നയങ്ങളെ വിമർശിച്ച്​ രംഗത്തെത്തിയത്​.