കിസാൻ സമ്മാൻ നിധി കടലാസ്​ പദ്ധതിയല്ല - ​മോദി

ഗൊരഖ്​പൂർ: പ്രധാനമന്ത്രി കിസാൻ സമ്മാൻ നിധി കടലാസ്​ പദ്ധതിയല്ലെന്ന്​ പ്രധാനമന്ത്രി നരേന്ദ്രമോദി. ​യു.പിയില െ ഗൊരഖ്​പൂരിൽ പദ്ധതിയുടെ ഉദ്​ഘാടനം നിർവ്വഹിച്ച്​ സംസാരിക്കുകയായിരുന്നു അദ്ദേഹം. മുൻ സർക്കാറുകൾ രൂപീകരിച്ച പദ്ധതികൾ ​പോലെ കടലാസിൽ മാത്രമുള്ള പദ്ധതിയല്ല കിസാൻ സമ്മാൻ നിധി. ചെറുകിട കർഷകർക്ക്​ ആറായിരം രൂപ വ​രെ ധനസഹായം ല ഭിക്കുന്ന പദ്ധതിയാണിത്​. എത്രയും പെ​െട്ടന്ന്​ തുക കർഷകരിലെത്തും. കാർഷിക വായ്​പ എഴുതിത്തള്ളുന്നത്​ എളുപ്പമുള്ള പണിയാണ്​. എന്നാൽ കഴിഞ്ഞ 30-40 വർഷമായി പൂർത്തിയാകാത്ത ഇറിഗേഷൻ പദ്ധതിക്കായി ഒരു ലക്ഷം കോടി രൂപയെന്ന വൻ തുക മാറ്റിവെച്ചിരിക്കുകയാണ്​ ഇൗ സർക്കാർ- മോദി പറഞ്ഞു.

മുൻ വർഷത്തെ സർക്കാറുകൾ കൂടുതൽ പറയുകയും പദ്ധതികൾ കടലാസിൽ മാത്രം ഒതുക്കുകയും ചെയ്​തവരാണ്​. അവരുടെ താത്​പര്യങ്ങൾ കർഷകരെ ശാക്​തീകരിക്കുകയായിരുന്നില്ല. മറിച്ച്​ ചെറിയ കാര്യങ്ങളിൽ കുടുക്കിയിടുക എന്നതായിരുന്നുവെന്നും മോദി വിമർശിച്ചു.

ഹിന്ദി ഹൃദയഭൂമിയായ മധ്യപ്രദേശ്​, രാജസ്​ഥാൻ, ഛത്തീസ്​ഗഡ്​ എന്നിവിടങ്ങളിൽ കർഷക രോഷമാണ്​ ഭരണം നഷ്​ടപ്പെടാൻ ഇടയാക്കിയതെന്ന തിരിച്ചറിവാണ്​ ബി.ജെ.പിയെ കർഷക മിത്രം പദ്ധതികൾക്ക്​ പ്രേരിപ്പിച്ചിരിക്കുന്നത്​. അതേസമയം, കിസാൻ സമ്മാൻ പദ്ധതി വോട്ടിനു പണം പദ്ധതിയാണെന്ന്​ കോൺഗ്രസ്​ നേതാവും മുൻ കേന്ദ്ര ധനകാര്യ മന്ത്രിയുമായ പി.ചിദംബരം വിമർശിച്ചു.