കേദാർനാഥിൽ തെരഞ്ഞെടുപ്പ്​ കമീഷന്​ നന്ദിപറഞ്ഞ്​ മോദി

കേദാർനാഥ്​: പെരുമാറ്റച്ചട്ടം നിലനിൽക്കു​േമ്പാഴും തനിക്ക്​ കേദാർനാഥ്​ ക്ഷേത്രം സന്ദർശിക്കാൻ അനുമതി നൽകിയ ത െരഞ്ഞെടുപ്പ്​ കമീഷന്​ പ്രധാനമന്ത്രി നരേന്ദ്ര മോദി നന്ദി പറഞ്ഞു. ക്ഷേത്രത്തിന്​ സമീപമുള്ള ഗുഹയിൽ 17 മണിക്കൂറേ ാളമാണ്​ മോദി കഴിഞ്ഞത്​. പ്രാർഥനാവേളയിൽ എന്തെങ്കിലും ആവശ്യപ്പെടുന്നത്​ ത​​െൻറ രീതിയല്ലെന്ന്​ മോദി വാർത്താലേഖകരോട്​ പറഞ്ഞു.

ആവ​ശ്യപ്പെടാനല്ല; നൽകാനുള്ള കഴിവാണ്​ ദൈവം നമുക്ക്​ നൽകിയത്​. സർവശക്തൻ ഇന്ത്യയെ മാത്രമല്ല; ലോക​ത്തിലാകെ ക്ഷേമവും ഐശ്വര്യവും ചൊരിയും. പലതവണ ഈ ക്ഷേത്രത്തിലെത്താനുള്ള ഭാഗ്യമുണ്ടായി. ഇവി​ടത്തെ വികസന പ്രവർത്തനങ്ങൾ പ്രകൃതിയെയും പരിസ്​ഥിതിയെയും ടൂറിസത്തെയും ബാധിക്കാത്ത വിധമാകണമെന്നും അദ്ദേഹം പറഞ്ഞു.

ഉത്തരാഖണ്ഡ്​ സന്ദർശനത്തിലെ രണ്ടാംദിനത്തിൽ നരേന്ദ്ര മോദി ബദരീനാഥ്​ ക്ഷേത്രത്തിൽ പൂജനടത്തി. കേദാർനാഥിൽ 20 മണിക്കൂർ ചെലവിട്ടശേഷമാണ്​ അദ്ദേഹം 40 കിലോമീറ്റർ അകലെയുള്ള ബദ്​രിയിൽ എത്തിയത്​. ഇവി​ടത്തെ ക്ഷേത്രത്തിലെ ഏറ്റവും ഉൾഭാഗത്തെ ശ്രീകോവിലിലായിരുന്നു മോദിയുടെ പൂജ. ബദ്​രീനാഥ്​ ക്ഷേത്രത്തിലെ സൗകര്യങ്ങൾ വർധിപ്പിക്കാനും ടെലികമ്യൂണിക്കേഷൻ സംവിധാനങ്ങൾ കൂടുതൽ കാര്യക്ഷമമാക്കാനും നടപടി സ്വീകരിക്കണമെന്ന്​ ആവശ്യപ്പെടുന്ന മെമ്മോറാണ്ടം ക്ഷേത്ര കമ്മിറ്റി ഭാരവാഹികൾ പ്രധാനമന്ത്രിക്ക്​ സമർപ്പിച്ചു.