സാർക്ക്​ ഉച്ചകോടിയുമായി മുന്നോട്ട്​ ​േപാകാൻ സാധിക്കില്ലെന്ന്​ ഇന്ത്യ

ന്യൂഡൽഹി: അതിർത്തി കടന്നുള്ള തീവ്രവാദത്തിന്​ പാകിസ്​താൻ പിന്തുണ നൽകുന്ന സാഹചര്യത്തിൽ സാർക്ക്​ ഉച്ചകോടിയുമായി മുന്നോട്ട്​ പോകാൻ സാധിക്കില്ലെന്ന്​ ഇന്ത്യ. നേപ്പാൾ പ്രധാനമന്ത്രി കെ.പി.ശർമ്മ ഒലിയുമായി നരേന്ദ്രമോദി നടത്തിയ ചർച്ചകൾക്കിടയിലാണ്​ സാർക്​ ഉച്ചകോടി സംബന്ധിച്ച വിഷയം ഉയർന്ന്​ വന്നത്​.

കാഠ്​മണ്ഡുവിൽ 2014ൽ നടന്ന സാർക്ക്​ ഉച്ചകോടിയിൽ ഇന്ത്യ ഉൽസാഹത്തോടെയാണ്​ പ​െങ്കടുത്തത്​. എന്നാൽ, അതിർത്തി കടന്നുള്ള ഭീകരവാദം വർധിക്കുന്ന സാഹചര്യത്തിൽ സാർക്കുമായി മ​ുന്നോട്ട്​ പോകാനാവില്ലെന്ന്​ പ്രധാനമന്ത്രി മോദി വ്യക്​തമാക്കി.

രണ്ട്​ വർഷത്തിലൊരിക്കലാണ്​ സാർക്ക്​ ഉച്ചകോടി നടക്കുന്നത്​. 2014ൽ കാഠ്​മണ്ഡവിൽ നടന്ന ഉച്ചകോടിയിൽ ഇന്ത്യ പ​െങ്കടുത്തിരുന്നു. 2016ൽ ഇസ്ലാമാബാദിലാണ്​ ഉച്ചകോടി നടന്നത്​. എന്നാൽ ഉറിയിലെ ഭീകരാക്രമണം ചൂണ്ടിക്കാട്ടി ഉച്ചകോടിയിൽ നിന്ന്​ ഇന്ത്യ വിട്ടുനിൽക്കുകയായിരുന്നു. 2018ലെ ഉച്ചകോടിയിൽ പ​െങ്കടുക്കുന്നതിനായി രാജ്യത്തിന്​ മേൽ സമ്മർദമുണ്ടെന്ന വാർത്തകൾക്കിടയിലാണ്​ നിലപാട്​ വ്യക്​തമാക്കി ഇന്ത്യ രംഗത്തെത്തിയിരിക്കുന്നത്​.