പൊ​തു ആ​വ​ശ്യ​ങ്ങ​ൾ​ക്ക് ഭൂ​മി ഏ​റ്റെ​ടു​ക്കു​മ്പോ​ൾ പു​ന​ര​ധി​വാ​സം മൗ​ലി​കാ​വ​കാ​ശ​മ​ല്ല -സു​പ്രീം​കോ​ട​തി

ന്യൂ​ഡ​ൽ​ഹി: പൊ​തു ആ​വ​ശ്യ​ത്തി​ന് ഏ​റ്റെ​ടു​ക്കു​ന്ന ഭൂ​മി​യു​ടെ ഉ​ട​മ​ക​ൾ​ക്ക് പു​ന​ര​ധി​വാ​സ​മോ പ​ക​രം ഭൂ​മി​യോ മൗ​ലി​കാ​വ​കാ​ശ​മ​ല്ലെ​ന്ന് സു​പ്രീം​കോ​ട​തി വി​ധി​ച്ചു. ജീ​വി​ക്കാ​നും ജീ​വി​തോ​പാ​ധി​ക്കു​മു​ള്ള ഭ​ര​ണ​ഘ​ട​ന​യു​ടെ 21ാം അ​നു​ച്ഛേ​ദം വ്യാ​ഖ്യാ​നി​ച്ചാ​ണ് അ​ത് ഭൂ​മി ഏ​റ്റെ​ടു​ക്ക​ൽ കേ​സു​ക​ൾ​ക്ക് ബാ​ധ​ക​മ​ല്ലാ​താ​ക്കു​ന്ന സു​പ്രീം​കോ​ട​തി​യു​ടെ നി​ർ​ണാ​യ​ക വി​ധി. പൊ​തു ആ​വ​ശ്യ​ത്തി​നു​ള്ള ഭൂ​മി ഏ​റ്റെ​ടു​ക്കു​​മ്പോ​ൾ മാ​ന്യ​മാ​യ ന​ഷ്ട​പ​രി​ഹാ​ര​മാ​ണ് ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന​തെ​ന്നും പു​ന​ര​ധി​വാ​സ​മ​​ല്ലെ​ന്നും ജ​സ്റ്റി​സു​മാ​രാ​യ ജെ.​ബി. പ​ർ​ദീ​വാ​ല, ആ​ർ. മ​ഹാ​ദേ​വ​ൻ എ​ന്നി​വ​ര​ട​ങ്ങു​ന്ന ബെ​ഞ്ച് വി​ധി​ച്ചു. ഹ​രി​യാ​ന​യി​ൽ ഭൂ​മി ന​ഷ്ട​പ്പെ​ട്ട​വ​ർ പ​ക​രം ഭൂ​മി ചോ​ദി​ച്ച് ന​ൽ​കി​യ ഹ​ര​ജി ത​ള്ളി​യാ​ണ് സു​പ്രീം​കോ​ട​തി വി​ധി. പൊ​തു ആ​വ​ശ്യ​ത്തി​ന് ഭൂ​മി ഏ​റ്റെ​ടു​ക്കേ​ണ്ടി​വ​രു​മ്പോ​ൾ അ​ത് ജീ​വി​ക്കാ​നും ജീ​വി​തോ​പാ​ധി​ക്കു​മു​ള്ള അ​വ​കാ​ശ​ത്തി​ൽ​പ്പെ​ടി​ല്ലെ​ന്ന് നി​സ്സം​​ശ​യം ത​ങ്ങ​ൾ വ്യ​ക്ത​മാ​ക്കു​ക​യാ​ണെ​ന്ന് ബെ​ഞ്ച് പ​റ​ഞ്ഞു. ഇ​ത് നി​യ​മ​ത്തി​ന്റെ ലം​ഘ​ന​മാ​കു​ന്നി​ല്ലെ​ന്ന് ബെ​ഞ്ച് വി​ധി​യി​ൽ വ്യ​ക്ത​മാ​ക്കി. സ​ർ​ക്കാ​റി​ന്റെ ന​യ​ത്തി​ൽ പ​ക​രം പു​ന​ര​ധി​വാ​സം പ​റ​യു​ന്നി​ല്ലെ​ങ്കി​ൽ പു​റ​ന്ത​ള്ള​പ്പെ​ടു​ന്ന​യാ​ൾ​ക്ക് പ​ക​രം ഭൂ​മി​യോ വീ​ടോ ന​ൽ​കാ​ൻ ഭ​ര​ണ​കൂ​ടം ബാ​ധ്യ​സ്ഥ​മ​ല്ല.

ഈ ​നി​യ​മ​വ്യ​വ​ഹാ​രം എ​ല്ലാ​വ​രു​ടെ​യും ക​ണ്ണു​തു​റ​പ്പി​ക്ക​ണ​മെ​ന്ന് കോ​ട​തി ആ​വ​ശ്യ​പ്പെ​ട്ടു. ജ​ന​ങ്ങ​ളെ പ്രീ​ണി​പ്പി​ക്കാ​നു​ള്ള ജ​ന​പ്രി​യ പു​ന​ര​ധി​വാ​സ പ​ദ്ധ​തി​ക​ളെ രൂ​ക്ഷ​മാ​യി വി​മ​ർ​ശി​ച്ച സു​പ്രീം​കോ​ട​തി അ​ത് പ​ല​​പ്പോ​ഴും ഭൂ​മി ഏ​റ്റെ​ടു​ക്ക​ലി​നെ സ​ങ്കീ​ർ​ണ​മാ​ക്കു​മെ​ന്നും നീ​ണ്ടു​നി​ൽ​ക്കു​ന്ന നി​യ​മ​വ്യ​വ​ഹാ​ര​ങ്ങ​ൾ​ക്ക് വ​ഴി​വെ​ക്കു​മെ​ന്നും കു​റ്റ​പ്പെ​ടു​ത്തി. അ​പൂ​ർ​വ​ങ്ങ​ളി​ൽ അ​ത്യ​പൂ​ർ​വ​മാ​യ കേ​സു​ക​ളി​ൽ മാ​ത്രം സ​ർ​ക്കാ​ർ ന​ഷ്ട​പ​രി​ഹാ​ര​മാ​യി പ​ണം ന​ൽ​കു​ന്ന​തി​ന് പ​ക​രം പു​ന​ര​ധി​വാ​സം ആ​ലോ​ചി​ച്ചാ​ൽ മ​തി. പു​ന​ര​ധി​വാ​സ​ത്തെ​ക്കു​റി​ച്ച് ഭ​ര​ണ​കൂ​ടം ആ​ലോ​ചി​ക്കു​ന്നു​ണ്ടെ​ങ്കി​ൽ പോ​ലും ഏ​റ്റെ​ടു​ക്കു​ന്ന ഭൂ​മി​യു​മാ​യി പ​ര​മ്പ​രാ​ഗ​ത​മാ​യി ബ​ന്ധ​മു​ള്ള​വ​രു​ടെ കാ​ര്യം മാ​ത്രം പ​രി​ഗ​ണി​ച്ചാ​ൽ മ​തി.

ഭൂ​മി ഏ​റ്റെ​ടു​ക്കു​മ്പോ​ൾ എ​ത്ര സ​ദു​ദ്ദേ​ശ്യ​ത്തോ​ടെ​യാ​ണെ​ങ്കി​ലും അ​നാ​വ​ശ്യ ക്ഷേ​മ​പ​ദ്ധ​തി​ക​ളെ​ക്കു​റി​ച്ചു​ള്ള പ്ര​തീ​ക്ഷ ജ​ന​ങ്ങ​ളി​ലു​ണ്ടാ​ക്ക​രു​ത്. എ​ല്ലാ​യ്പോ​ഴും ജ​ന​ങ്ങ​ളെ തൃ​പ്തി​പ്പെ​ടു​ത്താ​ൻ വേ​ണ്ടി, ഭൂ​മി​ക​ളി​ല്ലാ​താ​കു​ന്ന​വ​രെ പു​ന​ര​ധി​വ​സി​പ്പി​ക്കാ​ൻ സ​ർ​ക്കാ​റു​ക​ളു​ണ്ടാ​ക്കു​ന്ന പ​ദ്ധ​തി​ക​ൾ ആ​ത്യ​ന്തി​ക​മാ​യി പ്ര​യാ​സ​ങ്ങ​ളി​ൽ അ​ക​പ്പെ​ടു​ത്തു​ക​യാ​ണ് ചെ​യ്യു​ക. അ​റ്റ​മി​ല്ലാ​ത്ത നി​യ​മ​വ്യ​വ​ഹാ​ര​ങ്ങ​ൾ​ക്കാ​ണ് അ​ത് വ​ഴി​വെ​ക്കു​ക. വി​ധി പ​റ​യു​ന്ന ഈ ​കേ​സ് അ​തി​ന്റെ ക്ലാ​സി​ക് ഉ​ദാ​ഹ​ര​ണ​മാ​ണെ​ന്നും സു​പ്രീം​കോ​ട​തി കൂ​ട്ടി​ച്ചേ​ർ​ത്തു.