കൈക്കൂലി സംഭാഷണം: ശബ്ദം​ ത​െൻറ ഭാര്യയുടെതല്ലെന്ന്​ കോൺഗ്രസ്​ എം.എൽ.എ

ബംഗളൂരു: കർണാടകയിൽ ബി.എസ്​.​ െയദിയുരപ്പ സർക്കാറുണ്ടാക്കുന്നത്​ തടയാൻ ശ്രമിച്ച കോൺഗ്രസിന്​ കിട്ടിയ വടിയായിരുന്നു കൂറുമാറാൻ കൈക്കൂലി വാഗ്​ദാനം ചെയ്​തുകൊണ്ട്​ ബി.ജെ.പി നേതാക്കൾ നടത്തിയ ഫോൺകോളുകൾ. എന്നാൽ അത്തരമൊരു ഫോൺ കോൾ ഇപ്പോൾ സംശയം ജനിപ്പിക്കുകയാണ്​. 

വിശ്വാസവോട്ടിൽ നിന്ന്​ വിട്ടു നിന്നാൽ കോൺഗ്രസി​​​​െൻറ ​െയല്ലാപ്പുർ എം.എൽ.എ ശിവറാം ഹെബ്ബാറിന്​ 15 കോടി രൂപ നൽകാമെന്ന്​ ബി.ജെ.പി നേതാവ്​ ഹെബ്ബാറി​​​​െൻറ ഭാര്യയോട്​ പറയുന്നതാണ് ഇൗ സംഭാഷണം​. എന്നാൽ ഇൗ സംഭാഷണത്തിലുള്ള സ്​ത്രീ ശബ്ദം തൻറ ഭാര്യ വനജാക്ഷിയുടെതല്ലെന്ന്​ ഹെബ്ബാർ പറഞ്ഞു. ഇത്തരം ആവശ്യവുമായി തന്നെയോ ഭാര്യയേയോ ആര​ും സമീപിച്ചിട്ടില്ലെന്നും ഹെബ്ബാർ ഫേസ്​ ബുക്ക്​ പോസ്​റ്റിലൂടെ അറിയിച്ചു. 

വിശ്വാസവോട്ടിൽ വിജയിക്കാനായി ബി.ജെ.പി കോൺഗ്രസ്​ എം.എൽ.എമാരെ സമീപിക്കുന്നതറിഞ്ഞ ഉടൻ ഫോൺ കോളുകൾ റെക്കോർഡു ചെയ്യാൻ നേതൃത്വം നിർദേശിക്കുകയായിരുന്നു. ഇതുപ്രകാരം നിരവധി കോൾ റെക്കോർഡുകളാണ്​ കോൺഗ്രസ്​ പുറത്തു വിട്ടത്​. യെദിയൂരപ്പയും മകനുമുൾപ്പെടെ കൈക്കൂലി വാഗ്​ദാനം ചെയ്യുന്ന ഒാഡിയോ ക്ലിപ്പുകൾ കോൺഗ്രസ്​ പുറത്തു വിട്ടിരുന്നു. അതിലൊരു സംഭാഷണമാണ്​ വിവാദമായത്​. 

എന്നാൽ സംഭാഷണത്തിലുള്ളത്​ ഹെബ്ബാറി​​​​െൻറ ഭാര്യയാണെന്ന്​ തങ്ങൾ അവകാശപ്പെട്ടിട്ടില്ലെന്ന്​ കോൺഗ്രസ്​ അറിയിച്ചു. സംഭാഷണത്തിലുള്ള സ്​ത്രീ തങ്ങളുടെ ആശയ
ത്തോട്​ ചേർന്ന്​ നിൽക്കുന്നവരാണെന്നും അവർ രഹസ്യ നീക്കം നടത്തി റെക്കോർഡ്​ ചെയ്​തതാണ്​ സംഭാഷണമെന്നും കോൺഗ്രസ്​ പറഞ്ഞു. തങ്ങളുടെ എം.എൽ.എമാരെ വശത്താക്കാൻ ശ്രമിച്ച പല ബി.ജെ.പി നേതാക്കളെയും കെണിയിൽ വീഴ്​ത്തിയിട്ടുണ്ടെന്നും കോൺഗ്രസ്​ അവകാശ​െപ്പട്ടു. 

15 ദിവസം എന്നത്​ 24 മണിക്കൂറിലേക്ക്​ ചുരുങ്ങിയതോടെ കോൺഗ്രസ്​ എം.എൽ.എമാർക്ക്​ വേണ്ടി എന്ന പേരിൽ സംസാരിക്കുന്ന ആരോടും രാഷ്​ട്രീയ കച്ചവടത്തിന്​ ബി.ജെ.പി തയാറായിരുന്നുവെന്നും കോൺഗ്രസ്​ ​വക്​താവ്​ വി.എസ്​ ഉഗ്രപ്പ ആരോപിച്ചു.