Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightബി.ജെ.പിയിലേക്കല്ല;...

ബി.ജെ.പിയിലേക്കല്ല; ബിഹാർ മുൻ ഡി.ജി.പി ഗുപ്​തേശ്വർ പാണ്ഡെ ജെ.ഡി.യുവിൽ

text_fields
bookmark_border
ബി.ജെ.പിയിലേക്കല്ല; ബിഹാർ മുൻ ഡി.ജി.പി ഗുപ്​തേശ്വർ പാണ്ഡെ ജെ.ഡി.യുവിൽ
cancel
camera_alt

ഗുപ്​തേശ്വർ പാണ്ഡെ നിതീഷ്​ കുമാറിൽ നിന്നും പാർട്ടി അംഗത്വം സ്വീകരിക്കുന്നു

പട്​ന: സർവിസിൽ നിന്ന്​ സ്വമേധയാ വിരമിച്ച്​ രാഷ്​ട്രീയ പ്രവർത്തനത്തിനിറങ്ങുന്ന മുൻ ബിഹാർ ഡി.ജി.പി ഗുപ്​തേശ്വർ പാണ്ഡെ ജനതാദൾ യുവിൽ ചേർന്നു. ബിഹാർ മുഖ്യമന്ത്രിയും ജെ.ഡി.യു നേതാവുമായ നിതീഷ്​ കുമാറി​െൻറ വസതിയിൽ വെച്ചായിരുന്നു പാർട്ടി പ്രവേശനം. നിതീഷ്​ കുമാറി​െൻറ ക്ഷണപ്രകാരമാണ്​ പാർട്ടിയിൽ ചേർന്നതെന്ന്​ പണ്ഡെ മാധ്യമങ്ങളോട്​ പ്രതികരിച്ചു. വരുന്ന നിയമസഭ തെരഞ്ഞെടുപ്പിൽ ബി.ജെ.പിക്ക്​ വേണ്ടി മത്സരിക്കാനാണ്​ ഗുപ്​തേശ്വർ പാണ്ഡെയുടെ രാജിയെന്ന്​​ നേരത്തെ ദേശീയ മാധ്യമങ്ങൾ റിപ്പോർട്ട്​ ചെയ്തിരുന്നു​.

'മുഖ്യമന്ത്രിയാണ്​ പാർട്ടിയിൽ ചേരുന്നതിനായി എന്നെ ക്ഷണിച്ചത്​. പാർട്ടി എന്ത്​ ആവശ്യപ്പെടുന്നോ അത്​ ഞാൻ ചെയ്യും. രാഷ്​ട്രീയം എനിക്കറിയില്ല. സമൂഹത്തിലെ താഴെക്കിടയിലുള്ള വിഭാഗങ്ങൾക്കായി സമയം മാറ്റിവെച്ച സാധാരണക്കാരനായ മനുഷ്യനാണ്​ ഞാൻ'- പ​ാണ്ഡെ പറഞ്ഞു.

അടുത്ത മാസം നിയമസഭ തെരഞ്ഞെടുപ്പിനൊപ്പം നടക്കാൻ പോകുന്ന ലോക്​സഭ ഉപതെരഞ്ഞെടുപ്പിൽ വാൽമീകി നഗറിൽ പാണ്ഡെയെ ജെ.ഡി.യു മത്സരിപ്പിച്ചേക്കും. 1987 ബാച്ചിലെ ഐ.പി.എസ്​ ഉദ്യോഗസ്​ഥനായ​ പാണ്ഡെയെ നിയമസഭ തെര​െഞ്ഞടുപ്പിൽ ജന്മനാട്ടിലെ ബക്​സർ മണ്ഡലത്തിൽ നിന്നും മത്സരിപ്പിക്കുമെന്നും അഭ്യൂഹങ്ങൾ ഉയരുന്നുണ്ട്​.

കഴിഞ്ഞ വെള്ളിയാഴ​്​ചയാണ്​ ബിഹാർ നിയമസഭ തെരഞ്ഞെടുപ്പ്​ തിയതി പ്രഖ്യാപിച്ചത്​. ഒക്​ടോബർ 23, നവംബർ മൂന്ന്​, നവംബർ ഏഴ്​ തിയതികളിലായി മൂന്ന്​ ഘട്ടങ്ങളിലായാണ്​ തെരഞ്ഞെടുപ്പ്​. നവംബർ ഏഴിന്​ വേ​ട്ടെണ്ണും.

പാണ്ഡെയുടെ രാഷ്​ട്രീയ ആഭിമുഖ്യ സൂചനകൾ സുശാന്ത്​ സിങ്​ രാജ്​പുത്തി​െൻറ കേസിൽ പ്രകടമായിരുന്നു. സുശാന്ത്​ സിങ് കേസിൽ ​മുംബൈ പൊലീസ്​ നിയവിരുദ്ധമായാണ്​ പെരുമാറിയതെന്ന്​ പാണ്ഡെ പ്രതികരിച്ചിരുന്നു. മഹാരാഷ്​ട്രയിലെ സഖ്യസർക്കാറിനെ അപകീർത്തിപ്പെടുത്താൻ ബി.ജെ.പിയുടെയും സഖ്യകക്ഷിയുടെയും നിർദേശങ്ങൾക്കനുസരിച്ചാണ്​ പാണ്ഡെ പെരുമാറുന്നതെന്ന്​ അന്നേ ആരോപണമുയർന്നിരുന്നു.

2014 ലോക്​സഭ തെരഞ്ഞെടുപ്പിന്​ മുമ്പ്​ പാണ്ഡെ രാജിക്കൊരുങ്ങിയിരുന്നെങ്കിലും സീറ്റ്​ കിട്ടില്ലെന്ന്​ കണ്ടതോടെ രാജി​ അപേക്ഷ പിൻവലിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:JDUGupteshwar PandeyBJP
News Summary - not in BJP Former Bihar DGP Gupteshwar Pandey joins JDU
Next Story