Begin typing your search above and press return to search.
exit_to_app
exit_to_app
Sharad Pawar
cancel
Homechevron_rightNewschevron_rightIndiachevron_rightരാഷ്​ട്രപതി...

രാഷ്​ട്രപതി സ്​ഥാനാർഥിയാകില്ല; അഭ്യൂഹങ്ങൾ തള്ളി എൻ.സി.പി നേതാവ്​ ശരദ്​ പവാർ

text_fields
bookmark_border

മുംബൈ: 2022ൽ രാഷ്​ട്രപതി സ്​ഥാനാർഥിയായി മത്സരിക്കുമെന്ന അഭ്യൂഹങ്ങളെ തള്ളി എൻ.സി.പി തലവൻ ശരദ്​ പവാർ. രാഷ്​ട്രപതി സ്​ഥാനാർഥിയായി മത്സരിക്കുമെന്ന അഭ്യൂഹങ്ങൾ പരന്നതോടെയായിരുന്നു പാർട്ടി വൃത്തങ്ങളുടെ പ്രതികരണം.

പാർലമെന്‍റിൽ ബി.ജെ.പിക്ക്​ 300ലധികം അംഗങ്ങൾ ഉള്ളപ്പോൾ മത്സരത്തിനിറങ്ങുന്നതിന്‍റെ അനന്തരഫലം മുൻകൂട്ടി കാണുന്നതിനാലാണ് പവാറിന്‍റെ​ പിന്മാറ്റമെന്ന്​ അടുത്ത വൃത്തങ്ങൾ അഭിപ്രായപ്പെടുന്നു.

കഴിഞ്ഞദിവസങ്ങളിൽ തെരഞ്ഞെടുപ്പ്​ തന്ത്രജ്ഞൻ പ്രശാന്ത്​ കിഷോറും പവാറും രണ്ടുവട്ടം കൂടിക്കാഴ്ച നടത്തിയിരുന്നു. കൂടാതെ കിഷോർ കോൺഗ്രസ്​ നേതാക്കളായ സോണിയ ഗാന്ധി, പ്രിയങ്ക ഗാന്ധി, രാഹുൽ ഗാന്ധി എന്നിവരുമായും കൂടിക്കാഴ്ച നടത്തിയിരുന്നു. ഇതോടെ മഹാരാഷ്​ട്ര മുൻ മുഖ്യമന്ത്രിയും മുൻ കേന്ദ്രമന്ത്രിയുമായ ശരദ്​ പവാർ രാഷ്​ട്രപതി സ്​ഥാനാർഥിയായേക്കുമെന്ന അഭ്യൂഹങ്ങൾ പരക്കുകയായിരുന്നു.

ഇതോടെ തെറ്റായ വിവരങ്ങളാണ്​ പ്രചരിക്കുന്നതെന്നും താൻ രാഷ്​​ട്രപതി തെരഞ്ഞെടുപ്പിൽ മത്സരിക്കില്ലെന്നും വ്യക്തമാക്കി പവാർ തന്നെ രംഗത്തെത്തുകയായിരുന്നു. പ്രശാന്ത്​ കിഷോറുമായി രാഷ്​ട്രപതി തെര​െഞ്ഞടുപ്പ്​ സംബദ്ധിച്ചല്ല, 2024ലെ തെരഞ്ഞെടുപ്പുമായി ബന്ധപ്പെട്ടാണ്​ ചർച്ച നടത്തിയതെന്നും അദ്ദേഹം കൂട്ടിച്ചേർത്തു.

Show Full Article
TAGS:Presidential election 2022 Sharad Pawar NCP 
News Summary - Not a candidate for presidential election Sharad Pawar
Next Story