മാതൃക വിനോദസഞ്ചാരകേന്ദ്രം: ബി.ജെ.പി ഭരിക്കാത്ത സംസ്ഥാനങ്ങൾക്ക് അവഗണന

ന്യൂഡൽഹി: മാതൃക വിനോദ സഞ്ചാര കേന്ദ്രങ്ങളെ തെരഞ്ഞെടുത്തതിൽ ബി.ജെ.പി സർക്കാർ അവഗണന കാണിച്ചുവെന്ന്​  ആരോപണം. മാതൃക വിനോദസഞ്ചാര കേന്ദ്രങ്ങളാക്കി വികസിപ്പിക്കുന്നതിനായി 17 സ്ഥലങ്ങളാണ്​ ചുരുക്കപ്പട്ടികയിൽ ഇടംപിടിച്ചത്​. 12 സംസ്ഥാനങ്ങളിൽ നിന്നാണ്​ 17 കേന്ദ്രങ്ങളെ ​സർക്കാർ തെരഞ്ഞെടുത്തത്​. ഇതിൽ എട്ട്​ സംസ്ഥാനങ്ങളും ബി.ജെ.പി ഭരിക്കുന്നതാണ്​. എല്ലാ സംസ്ഥാനങ്ങൾക്കും അർഹമായ പരിഗണന നൽകിയില്ലെന്നാണ്​​ ചില സംസ്ഥാനങ്ങളുടെ ആക്ഷേപം.

ഇന്ത്യയിലെ പ്രധാനപ്പെട്ട ടുറിസം ​േ​കന്ദ്രമായ സുവർണക്ഷേത്രം പരിഗണിക്കാതിരുന്നത്​ ശരിയായില്ലെന്നായിരുന്നു പഞ്ചാബ്​ വിനോദസഞ്ചാര വകുപ്പ്​ മന്ത്രി നവ്​ജ്യോത്​ സിങ്​ സിദ്ദു പ്രതികരിച്ചത്​. ഇതോടൊപ്പം ആന്ധ്രപ്രദേശ്​, ഒഡീഷ, പുതുച്ചേരി, പശ്​ചിമബംഗാൾ തുടങ്ങിയ സംസ്ഥാനങ്ങളിലെ മന്ത്രിമാരും സർക്കാർ തീരുമാനത്തിനെതിരെ രംഗത്തെത്തിയിരുന്നു. അതേ സമയം, സന്ദർശകരുടെ എണ്ണം, വികസനത്തിനുള്ള സാധ്യത, പദ്ധതികൾ നടപ്പിലാക്കാനുള്ള പ്ര​ായോഗികത എന്നിവ മുൻനിർത്തിയാണ്​ ടൂറിസം കേന്ദ്രങ്ങളെ തെരഞ്ഞെടുത്തതെന്ന്​ ​േ​കന്ദ്രമന്ത്രി അൽഫോൺസ്​ കണ്ണന്താനം പ്രതികരിച്ചു.

2018-19 ​േ​കന്ദ്രബജറ്റിലാണ്​ മാതൃക വിനോദസഞ്ചാര കേന്ദ്രങ്ങൾ വികസിപ്പിക്കുന്നതിനുള്ള പദ്ധതിക്ക്​ ധനമന്ത്രി അരുൺ​ ജെയ്​റ്റ്​ലി രൂപം നൽകിയത്​. ചരിത്രസ്​മാരകങ്ങൾ, ക്ഷേത്രങ്ങൾ, വന്യജീവി സ​േങ്കതങ്ങൾ തുടങ്ങിയവയായിരുന്നു പരിഗണനക്ക്​ വന്നിരുന്നത്​. യു.പി, മഹാരാഷ്​ട്ര, ഡൽഹി, ഗോവ, രാജസ്ഥാൻ, ഗുജറാത്ത്​, മധ്യപ്രദേശ്​, കർണാടക, തമിഴ്​നാട്​, ആസാം, കേരളം തുടങ്ങിയ സംസ്ഥാനങ്ങളിലെ വിനോദസഞ്ചാര കേന്ദ്രങ്ങളാണ്​ പട്ടികയിൽ ഉൾപ്പെട്ടിരുന്നത്​.