ഒറ്റ​ൈകയ്യടിച്ചാൽ ശബ്​ദമുണ്ടാകില്ല; പൊലീസിനെയും അഭിഭാഷകരെയും വിമർശിച്ച്​ സുപ്രീംകോടതി

ന്യൂഡൽഹി: തിസ്​ ഹസാരി കോടതി വളപ്പിൽ നടന്ന പൊലീസ്​- അഭിഭാഷക സംഘർഷത്തിൽ ഇരുവിഭാഗത്തെയും രൂക്ഷമായി വിമർശിച്ച ്​ സുപ്രീംകോടതി. ഒറ്റകൈയ്യടിച്ചാൽ ശബ്​ദമുണ്ടാകില്ല. സംഘർഷമുണ്ടായതിൽ ഇരു വിഭാഗത്തിനും പങ്കുണ്ട്​. തങ്ങൾ അങ്ങനെ പെരുമാറിയപ്പോഴാണ്​ ​ മറുവിഭാഗം ഇങ്ങനെ ​പെരുമാറിയത്​ എന്ന തരത്തിലുള്ള വാഗ്വാദങ്ങൾക്ക്​ പ്രസക്തിയില്ല. വിഷയത്തിൽ കോടതി മൗനം പാലിക്കുന്നതാണ്​ ഇരുകൂട്ടർക്കും നല്ലത്​. അതിൽ കൂടുതൽ പറയാനില്ലെന്നും അഭിഭാഷകരുടെ ഹരജി പരിഗണിച്ച രണ്ടംഗ ബെഞ്ച്​ വ്യക്തമാക്കി.

പൊലീസ്​ ഏകപക്ഷീയമായി ആക്രമിക്കുകയായിരുന്നുവെന്ന്​ ചൂണ്ടിക്കാട്ടി ബാർ കൗൺസിൽ ഓഫ്​ ഇന്ത്യ ചെയർമാൻ മനൻ മിശ്ര നൽകിയ ഹരജി സുപ്രീംകോടതി തള്ളി. സഞ്​ജയ്​ കിഷൻ കൗൾ, കെ.എം ജോസഫ്​ എന്നിവരടങ്ങിയ ബെഞ്ചാണ്​ ഹരജി തള്ളിയത്​.

നവംബർ രണ്ടിന്​ തീസ്​ ഹസാരി കോടതി പരിസരത്ത്​ നടന്ന പൊലീസ്​ -അഭിഭാഷക ഏറ്റുമുട്ടലിൽ 30 ഓളം പേർക്ക്​ പരിക്കേൽക്കുകയും നിരവധി വാഹനങ്ങൾ കത്തിക്കുകയും ചെയ്​തിരുന്നു.