Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ പ്രതിരോധ...

കോവിഡ്​ പ്രതിരോധ കുത്തിവെപ്പ്​ എടുത്തില്ലെങ്കിൽ സർക്കാർ ജീവനക്കാർക്ക്​ ശമ്പളമില്ല; ഉത്തരവിട്ട്​ ജില്ലാ ഭരണകൂടം

text_fields
bookmark_border
vaccination
cancel

ഫിറോസാബാദ്: വാക്സിനേഷൻ എടുത്തില്ലെങ്കിൽ സർക്കാർ ജീവനക്കാർക്ക് ശമ്പളം ലഭിക്കില്ലെന്ന് ഉത്തരവിട്ട്​ ഉത്തർപ്രദേശിലെ ഫിറോസാബാദ് ജില്ലാ ഭരണകൂടം. കോവിഡ് പ്രതിരോധ കുത്തിവെപ്പ്​ പ്രോത്സാഹിപ്പിക്കുന്നതിനായാണ്​ ഇത്തരത്തിൽ ഉത്തരവിട്ടത്​.

ജില്ലാ മജിസ്‌ട്രേറ്റ് ചന്ദ്ര വിജയ് സിങ് ആണ്​​ ഇത്തരത്തിൽ വാക്കാലുള്ള ഉത്തരവ് പുറപ്പെടുവിച്ചതെന്ന്​ചീഫ് ഡെവലപ്‌മെന്റ് ഓഫീസർ ചാർചിത് ഗൗർ പറഞ്ഞു.

ഉത്തരവ് പ്രകാരം, ഒരു ജീവനക്കാരൻ കോവിഡ് വാക്സിൻ എടുക്കുന്നില്ലെങ്കിൽ, വകുപ്പ് അയാൾക്കെതിരെ നടപടികൾ ആരംഭിക്കുകയും മെയ് മാസത്തെ ശമ്പളം തടഞ്ഞുവെക്കുകയും ചെയ്യും.

ഉത്തരവ് നടപ്പാക്കാൻ ജില്ലാ ട്രഷറി ഉദ്യോഗസ്ഥർക്കും മറ്റ് വകുപ്പ് മേധാവികൾക്കും നിർദ്ദേശം നൽകിയിട്ടുണ്ടെന്നും ഒരു പട്ടിക തയാറാക്കി വാക്സിനേഷൻ ഉറപ്പാക്കാൻ ആവശ്യപ്പെട്ടിട്ടുണ്ട്​. ശമ്പളം തടഞ്ഞുവെക്കുമെന്ന്​ ഭയന്ന് സ്വയം പ്രതിരോധ കുത്തിവെപ്പ്​ നടത്താൻ ജീവനക്കാർ ശ്രമിച്ചുകൊണ്ടിരിക്കുകയാണെന്നും അദ്ദേഹം കൂട്ടിച്ചേർത്തു.

Show Full Article
TAGS:COVID vaccination salary Firozabad uttarpradesh 
News Summary - No vaccination, no salary for govt employees in UP's Firozabad
Next Story