Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ ഭീതി മൂലം...

കോവിഡ്​ ഭീതി മൂലം സമീപവാസികൾ പിൻമാറി; ഇന്ദോറിൽ ശവസംസ്​കാരം നടത്തിയത്​ മുസ്​ലിം യുവാക്കള്‍

text_fields
bookmark_border
കോവിഡ്​ ഭീതി മൂലം സമീപവാസികൾ പിൻമാറി; ഇന്ദോറിൽ ശവസംസ്​കാരം നടത്തിയത്​ മുസ്​ലിം യുവാക്കള്‍
cancel

ഭോപ്പാല്‍: മധ്യപ്രദേശിലെ ഇന്ദോറിൽ മരിച്ച ഹിന്ദു വയോധികയുടെ മൃതദേഹം സംസ്കരിച്ചത് മുസ്​ലിം യുവാക്കള്‍. ലോക ്ക്​ഡൗണിനെ തുടർന്ന്​ വാഹനങ്ങൾ ലഭ്യമാകാതിരുന്നതേ​ാടെ മൃതദേഹം ചുമന്ന്​ ശ്​മശാനത്തിലെത്തിച്ചതും സംസ്​കാര ചടങ ്ങുകൾ നടത്തിയതും അയൽവാസികളായ മുസ്​ലിം യുവാക്കളായിരുന്നു.

ശാരീരിക അസ്വാസ്ഥ്യം മൂലം കിടപ്പിലായിരുന്ന ദുര ്‍ഗ എന്ന 65കാരിയാണ്​ മരിച്ചത്​. മറ്റ് സ്ഥലങ്ങളില്‍ ദിവസ വേതനത്തിന് ജോലി ചെയ്തിരുന്ന മക്കള്‍ ഇന്‍ഡോറിലെത്തിയെങ ്കിലും സംസ്കാര ചടങ്ങുകള്‍ക്കുള്ള പണം ഇവരുടെ പക്കല്‍ ഇല്ലായിരുന്നു. കോവിഡ്​ ഭീതി മൂലം സമീപവാസികൾ കൂടി പിൻമാറിയതോടെ അയല്‍വാസികളായ മുസ്​ലിം യുവാക്കൾ ചടങ്ങുകള്‍ ഏറ്റെടുത്ത് നടത്തുകയായിരുന്നു.

മാസ്​ക്​ ധരിച്ച ഇവർ രണ്ടര കിലോ മീറ്റർ അക​െലയുള്ള ശ്​മശാനത്തിലേക്ക്​ ശവമഞ്ചം ചുമന്ന്​ നടക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്​. ആകില്‍, അസ്​ലം, മുദ്ദസര്‍, റഷീദ് ഇബ്രാഹിം, ഇമ്രാന്‍ സിറാജ് എന്നിവരാണ് ചടങ്ങുകള്‍ക്ക് നേതൃത്വം നല്‍കിയത്.

ചടങ്ങുകളുടെ ചിത്രങ്ങള്‍ മധ്യപ്രദേശ് മുന്‍മുഖ്യമന്ത്രി കമല്‍നാഥ് ട്വിറ്ററില്‍ പങ്കുവച്ചതോടെ നിരവധി പേരാണ് യുവാക്കളെ അഭിനന്ദിച്ച് മുന്നോട്ട് വന്നത്​.

നമ്മുടെ സാഹോദര്യത്തിന്‍റെ സംസ്കാരം ഇതാണെന്നും പരസ്പര സ്നേഹവും സമഭാവനയും ഉള്ളയിടങ്ങളിലേ ഇത്തരം ദൃശ്യങ്ങള്‍ കാണാന്‍ സാധിക്കൂവെന്നും കമല്‍നാഥ് ട്വീറ്റ്​ ​ചെയ്​തു.

കുട്ടിക്കാലം മുതൽ തങ്ങൾക്ക്​ അടുത്ത്​ പരിചയമുള്ള സ്​ത്രീയാണ്​ മരിച്ചതെന്നും അവരുടെ അന്ത്യകർമങ്ങൾ നടത്തുക എന്നത്​ കടമയാണെന്നുമാണ്​ യുവാക്കൾ വാർത്താ ഏജൻസിയോട്​ പ്രതികരിച്ചത്​.

Show Full Article
TAGS:lockdown transport Muslim men Hindu Woman Bier cremation indore india news 
News Summary - No Transport, Muslim Men Carry Hindu Woman's Bier For Cremation In Indore -India news
Next Story