തനിക്കായി പ്രത്യേക സൗകര്യങ്ങൾ ഒരുക്കരുതെന്ന്​ യോഗി ആദിത്യനാഥ്​

ലഖ്​നോ: ഒൗദ്യോഗിക സന്ദർശനത്തിന്​ പ്രത്യേക സജീകരണങ്ങൾ ഒരുക്കേണ്ടതില്ലെന്ന്​ മുഖ്യമന്ത്രി യോഗി ആദിത്യനാഥ്​.  മുഖ്യമന്ത്രിയുടെയോ ഉദ്യോഗസ്ഥരുടെയോ സന്ദർശനങ്ങൾക്കായി പ്രത്യേക സൗകര്യങ്ങൾ ഒരുക്കേണ്ടതില്ലെന്ന്​ വ്യക്തമാക്കി യോഗി ചീഫ്​ സെക്രട്ടറിക്കും മുതിർന്ന ഉദ്യോഗസ്ഥർക്കും ഉത്തരവ്​ കൈമാറി. 
തങ്ങൾ നിലത്തിരുന്ന്​ ശീലിച്ചവരാണ്​. അതിനാൽ പ്രത്യേക ഒരുക്കങ്ങളൊന്നും ആവശ്യമില്ല. സംസ്ഥാനത്തെ ജനങ്ങൾക്ക്​ നൽകുന്ന ബഹുമാനം തന്നെയാണ്​ മുഖ്യമന്ത്രിയെന്ന നിലക്ക്​ താനും അർഹിക്കുന്നതെന്നും യോഗി ആദിത്യനാഥ്​ ഉത്തരവിൽ വ്യക്തമാക്കുന്നു. 

പാക്​ വെടിവെപ്പിൽ കൊല്ലപ്പെട്ട ബി.എസ്​.എഫ്​ ജവാ​ൻ പ്രേം സാഗറി​​​െൻറ വീട്​ സന്ദർശനത്തിന്​ യോഗി എത്തുന്നതിന്​ മുമ്പ്​ എ.സി ഉൾപ്പെടെയുള്ള സൗകര്യങ്ങൾ ഒരുക്കിയതും പിന്നീട്​ തിരിച്ചുകൊണ്ടുപോയതും വിവാദമായിരുന്നു. 
കുശിനഗറിൽ  യോഗി പ​​െങ്കടുത്ത വാക്​സിൻ ബോധവത്​കരണ ഉദ്​ഘാടന ചടങ്ങിന്​ മുന്നോടിയായി ദലിത്​ കുടുംബങ്ങൾക്ക്​ സോപ്പും ഷാംപുവും നൽകി കുളിച്ച്​ ശുദ്ധം വരുത്തി എത്താൻ ഉദ്യോഗസ്ഥർ നിർദേശിച്ചതും വിവാദമായിരുന്നു. കുശിനഗറിൽ ​ യോഗിയുടെ സന്ദർശനത്തി​​​െൻറ പശ്ചാത്തലത്തിൽ   ശൗചാലയങ്ങൾ ഉൾപ്പെടെ ഒരുക്കുകയും റോഡ്​ വൃത്തിയാക്കുകയും ചെയ്​തിരുന്നു.