രണ്ടു​​ ഡോസ്​ വാക്​സിൻ എടുത്തവർക്ക്​ അന്തർ സംസ്​ഥാന യാത്രകളിൽ ആർ.ടി.പി.സി.ആർ വേണ്ട

ന്യൂഡൽഹി: രണ്ടു​ ഡോസ്​ വാക്​സിൻ എടുത്തവർക്ക്​ അന്തർ സംസ്​ഥാന യാത്രകളിൽ ആർ.ടി.പി.സി.ആർ നെഗറ്റിവ​്​ സർട്ടിഫിക്കറ്റ്​ വേണ്ട. പകരം രണ്ടാം ഡോസ്​ സ്വീകരിച്ചതി​െൻറ സർട്ടിഫിക്കറ്റ്​ കരുതിയാൽ മതി. കേന്ദ്ര ആരോഗ്യ മന്ത്രാലയം ഇതുസംബന്ധിച്ച്​ പുതുക്കിയ മാർഗനിർദേശം പ്രസിദ്ധീകരിച്ചു​.

അന്തർ സംസ്​ഥാന യാത്രകൾ വിലക്കരുത്​. രണ്ടു ഡോസ് വാക്‌സിന്‍ സ്വീകരിച്ച് 15 ദിവസം കഴിഞ്ഞവര്‍ക്ക് രോഗലക്ഷണങ്ങളില്ലെങ്കിൽ ആർ.ടി.പി.സി.ആർ ടെസ്​റ്റ്​ റിസൽട്ട്​​ വേണ്ട​. വിമാനയാത്രികർ പി.പി.ഇ കിറ്റ്​ ധരിക്കേണ്ടത​ി​ല്ലെന്നും മാർഗനിർദേശത്തിൽ പറയുന്നു.​

അതേസമയം, യാത്രക്കാരുടെ ക്വാറൻറീൻ, ഐ​െസാലേഷന്‍ എന്നിവയുടെ കാര്യത്തില്‍ സംസ്ഥാനങ്ങള്‍ക്ക് തീരുമാനമെടുക്കാം. മാസ്​ക്​, സാനിറ്റൈസര്‍, ശാരീരിക അകലം, തെര്‍മല്‍ സ്‌ക്രീനിങ്​ എന്നിവ നിര്‍ബന്ധമാണെന്നും പുതുക്കിയ മാർഗനിർദേശത്തിൽ പറയുന്നു.