Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമുഖ്യമന്ത്രിസ്​ഥാനം...

മുഖ്യമന്ത്രിസ്​ഥാനം കോൺ​ഗ്രസുമായി പങ്കുവെക്കില്ല -കുമാരസ്വാമി

text_fields
bookmark_border
മുഖ്യമന്ത്രിസ്​ഥാനം കോൺ​ഗ്രസുമായി പങ്കുവെക്കില്ല -കുമാരസ്വാമി
cancel

ബംഗളൂരു: കർണാടകയിൽ മുഖ്യമന്ത്രിസ്​ഥാനം കോൺഗ്രസുമായി പങ്കുവെക്കില്ലെന്ന്​ ജനതാദൾ നേതാവ്​ എച്ച്​.ഡി കുമാരസ്വാമി. കോൺഗ്രസും ജെ.ഡി.എസും ഉൗഴം ​െവച്ച്​ മുഖ്യമന്ത്രി സ്​ഥാനം പങ്കിടില്ല. സ്​ഥാനം പൂർണമായും ജെ.ഡി.എസിനു തന്നെയാണെന്നും  കുമാരസ്വാമി പറഞ്ഞു. ബി.ജെ.പിയുമായി 2007ൽ ഉണ്ടാക്കിയതുപോലെ കോൺഗ്രസുമായി മുഖ്യമന്ത്രിസ്​ഥാനം പങ്കുവെക്കുന്നതിൽ ധാരണയുണ്ടോ എന്ന ​മാധ്യമപ്രവർത്തകരു​െട ചോദ്യത്തിനാണ്​ കുമാരസ്വാമി മറുപടി നൽകിയത്​. 

2007ൽ ബി.ജെ.പിയുമായി സഖ്യത്തിലായിരുന്നപ്പോൾ ജനതാദൾ മുഖ്യമന്ത്രി സ്​ഥാനം പങ്കുവെച്ചിരുന്നു. അന്ന്​ 20 മാസങ്ങൾക്ക്​ ശേഷം ബി.ജെ.പി​- ജെ.ഡി.എസ്​ സഖ്യം പിളർന്നു. കുമാരസ്വാമി അധികാരം പങ്കിടാൻ തയാറാകുന്നില്ലെന്ന്​ ആരോപിച്ചായിരുന്നു ബി.ജെ.പി തെറ്റിപ്പിരിഞ്ഞത്​. 

ബുധനാഴ്​ചയാണ്​ കുമാരസ്വാമിയുടെ സത്യപ്രതിജ്​ഞ. ഭൂരിപക്ഷം തെളിയിക്കാനാകാതെ യെദിയൂരപ്പ രാജി​െവച്ചതിനെ തുടർന്നാണ്​ കുമാരസ്വാമി​െയ സർക്കാറുണ്ടാക്കാൻ ഗവർണർ വാജുഭായ്​ വാല ക്ഷണിച്ചത്​. ജെ.ഡി.എസിന്​ നിബന്ധനക​െളാന്നുമില്ലാതെ കോൺഗ്രസ്​ പൂർണ പിന്തുണ നൽകിയാണ്​ സഖ്യം രൂപീകരിച്ചത്​. ഏറ്റവും വലിയ ഒറ്റ കക്ഷിയായ ബി.ജെ.പി അധികാരത്തി​െലത്തുന്നത്​ തടയാൻ വേണ്ടിയാണ്​ കോൺഗ്രസ്​ തെരഞ്ഞെടുപ്പ്​ ഫലം വന്നതിനു ശേഷം സഖ്യം രൂപീകരിച്ചത്​.

തെരഞ്ഞെടുപ്പിൽ കോൺഗ്രസിന്​ 78 സീറ്റും ജെ.ഡി.എസിന്​ 38 സീറ്റുമാണ്​ ലഭിച്ചത്​. മന്ത്രിസഭയിൽ 20 മന്ത്രിമാർ കോൺഗ്രസിനും 13 മന്ത്രിമാർ ജെ.ഡി.എസിനുമായിരിക്കും എന്നാണ്​ സൂചന. 
 

Show Full Article
TAGS:Karnataka election Kumaraswami chief minister india news malayalam news 
News Summary - No Rotational Chief Ministership With Congress, Kumaraswami - India News
Next Story