ഇംറാൻ ഖാനെ സന്ദർശിക്കാനായി മംമ്​തയും രാഹുലും; വ്യാജചിത്രം പ്രചരിപ്പിച്ച്​ ബി.ജെ.പി

ന്യൂഡൽഹി: കോൺഗ്രസ്​ അധ്യക്ഷൻ രാഹുൽ ഗാന്ധിയും പശ്ചിമബംഗാൾ മുഖ്യമന്ത്രി മമത ബാനർജിയും പാകിസ്​താൻ പ്രധാനമന്ത ്രി ഇംറാൻ ഖാ​​​െൻറ ഔദ്യോഗിക വസതിയിലിരിക്കുന്ന ചിത്രങ്ങൾ പ്രചരിപ്പിച്ച്​ ബി.ജെ.പി. ഇംറാൻ ഖാനുമായുള്ള കൂടിക്കാഴ്​ചക്കായി രാഹുലും മമതയും കാത്തിരിക്കുവെന്ന അടികുറിപ്പോടെയാണ്​ വ്യാജചിത്രം സമൂഹമാധ്യമങ്ങളിൽ പ്രചരിപ്പിക്കുന്നത്​. ‘’നിങ്ങൾ കോൺഗ്രസിനാണ്​ വോട്ട്​ ചെയ്യുന്നതെങ്കിൽ ആ വോട്ട്​ പാകിസ്​താനുള്ളതാകും. ചിത്രം നോക്കൂ പാകിസ്​താ​​​െൻറ അടിമകൾ ഒരു കോണിൽ കുത്തിയിരിക്കുകയാണ്​’’ എന്നാണ്​ ചിത്രത്തി​ന്​ അടികുറിപ്പ്​ നൽകിയിരിക്കുന്നത്​.

പാക്​ പ്രധാനമന്ത്രി കരസേനമേധാവി ജനറൽ ജാവേദ്​ ബജ്​വയുമായി സംസാരിച്ചുകൊണ്ടിരിക്കെ സന്ദർശകർക്കായുള്ള സീറ്റിൽ രാഹുൽ ഗാന്ധിയും മമതയും പഞ്ചാബ്​ മന്ത്രി നവ്​ജോത്​ സിങ്​ സിദ്ദുവും ബി.ജെ.പിയിൽ നിന്ന്​ കോൺഗ്രസിലേക്ക്​ ചേക്കേറിയ ശത്രുഘ്​നൻ സിൻഹയും തങ്ങളുടെ ഊഴത്തിനായി കാത്തിരിക്കുന്ന തരത്തിലാണ്​ ചിത്രം ഫോ​ട്ടോഷോപ്പ്​ ചെയ്​തിരിക്കുന്നത്​.

ഏപ്രിൽ നാലിന്​ പാകിസ്​താൻ സർക്കാറി​​​െൻറ ഔ​ദ്യോഗിക ട്വിറ്റർ പേജിൽ പോസ്​റ്റ്​ ചെയ്​തിട്ടുള്ള ചിത്രമാണ്​ ഇത്തരത്തി​ൽ ​മാറ്റി പ്രചരിപ്പിക്കുന്നത്​. എന്നാൽ ഏപ്രിൽ 4ന്​ രാഹുൽ ഗാന്ധി​ വയനാട്​ മണ്ഡലത്തിൽ നാമനിർദേശ പത്രിക സമർപ്പിക്കുന്നതിനായി കേരളത്തിലായിരുന്നു.