അംബേദ്​കറിന്​ ബി.ജെ.പി സർക്കാർ നൽകിയതു​പോലെ ആദരം മറ്റാരും നൽകിയിട്ടില്ലെന്ന്​ മോദി

ന്യൂഡൽഹി: ഭരണഘടനാ ശിൽപി ഡോ. ബി.ആർ അംബേദ്​കറിന്​ ബി.ജെ.പി സർക്കാർ നൽകിയതുപോ​ലെ ബഹുമാനം മറ്റൊരു സർക്കാറും നൽകിയിട്ടില്ലെന്ന്​ പ്രധാനമന്ത്രി നരേന്ദ്രമോദി. അംബേദ്​കർ തെളിച്ച പാതയിലൂടെയാണ്​ ഞങ്ങൾ നടന്നുകൊണ്ടിരിക്കുന്നത്​. അദ്ദേഹത്തി​​​െൻറ തത്വം ഒരുമയും സഹവർത്തിത്വവുമായിരുന്നു. പാവപ്പെട്ടവർക്കു വേണ്ടി  പ്രവർത്തിക്കുകയെന്നതാണ്​ സർക്കാറി​​​െൻറ ലക്ഷ്യമെന്നും മോദി പറഞ്ഞു. 

പ​ട്ടി​ക വി​ഭാ​ഗ​ക്കാ​ർക്ക്​ അ​നു​കൂ​ല​മാ​യ നി​യ​മം ദു​ർ​ബ​ല​പ്പെ​ടു​ത്തി​യ സു​പ്രീം​കോ​ട​തി വി​ധി​ക്കെ​തി​രെ ദ​ലി​ത്​ സം​ഘ​ട​ന​ക​ൾ ന​ട​ത്തി​യ ഭാ​ര​ത്​ ബ​ന്ദ്​ സംബന്ധിച്ച്​ പാർലമ​​െൻറിൽ സംസാരിക്കുകയായിരുന്നു അദ്ദേഹം. 

അംബേദ്​കറി​​​െൻറ ജീവിതവുമായി ബന്ധമുള്ള പ്രധാനകേന്ദ്രങ്ങളെ അടയാളപ്പെടുത്തിയത്​ അടൽ ബിഹാരി വാജ്​പേയി നയിച്ച  എൻ.ഡി.എ സർക്കാറാണ്​. ഇന്ത്യൻ ഭരണഘടനയുടെ ശിൽപിക്ക്​ വളരെ അഭിമാനത്തോടെയാണ്​ സർക്കാർ പ്രണാമം അർപ്പിക്കുന്നതെന്നും മോദി പറഞ്ഞു. 

തിങ്കളാഴ്​ച ദ​ലി​ത്​ സം​ഘ​ട​ന​ക​ൾ ന​ട​ത്തി​യ ഭാ​ര​ത്​ ബ​ന്ദിൽ മഹാരാഷ്​ട്രയിലും രാജസ്ഥാനിലും ഉത്തർപ്രദേശിലുമായി പതിനൊന്ന്​ പേർ മരിക്കുകയും നിരവധിപേർക്ക്​ പരിക്കേൽക്കുകയും ചെയ്​തിരുന്നു.