ചരിത്രം തിരുത്താൻ ആർക്കാണ് കഴിയുക? -അമിത് ഷാക്കെതിരെ നിതീഷ് കുമാർ

പാട്ന: ചരിത്രം ആർക്കും തിരുത്താൻ കഴിയുന്ന ഒന്നല്ലെന്ന് ബിഹാർ മുഖ്യമന്ത്രി നിതീഷ് കുമാർ. ''ചരിത്രം രേഖപ്പെടുത്തപ്പെട്ട കാര്യങ്ങളാണ്. എങ്ങനെയത് മറ്റൊരാൾക്ക് തിരുത്താൻ കഴിയും. തനിക്കറിയില്ല''- അദ്ദേഹം പറഞ്ഞു. അടിസ്ഥാനപരമായ ചരിത്രം തിരുത്താൻ സാധിക്കില്ലൈന്നും നിതീഷ് കുമാർ വ്യക്തമാക്കി.

ചരിത്രം മാറ്റിയെഴുതണമെന്ന​ കേന്ദ്ര ആഭ്യന്തരമന്ത്രി അമിത് ഷായുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം. മിക്ക ചരിത്രകാരൻമാരും മുഗളൻമാരുടെ ചരിത്രം രേഖപ്പെടുത്തുന്നതിന് അമിത പ്രാധാന്യം നൽകിയെന്നും പാണ്ഡ്യ, ചോള, മൗര്യ സാമ്രാജ്യങ്ങളെ അവഗണിച്ചുവെന്നും അതിനാൽ ഇത് തിരുത്തേണ്ട ആവശ്യം അതിക്രമിച്ചിരിക്കുന്നുവെന്നുമായിരുന്നു അമിത്ഷായുടെ പരാമർശം.