'മാധ്യമങ്ങളിലൂടെ എന്നോട് സംസാരിക്കേണ്ട ആവശ്യമില്ല'- ജി 23 നേതാക്കളോട്​ സോണിയ ഗാന്ധി

ന്യൂഡൽഹി: കോൺഗ്രസ്​ നേതൃത്വത്തിനെതിരെ വിമർശനം ഉന്നയിച്ച ജി-23 നേതാക്കൾക്ക്​ പ്ര​വ​ർ​ത്ത​ക സ​മി​തി​യി​ൽ മറുപടി നൽകി സോണിയ ഗാന്ധി. താൻ എപ്പോഴും തുറന്നുപറച്ചിൽ വിലമതിച്ചിരുന്നുവെന്നും മാധ്യമങ്ങളിലൂടെ എന്നോട് സംസാരിക്കേണ്ട ആവശ്യമില്ലെന്നും സ്ഥിരം പ്രസിഡന്‍റിന്‍റെ അഭാവത്തിൽ അസ്വസ്ഥതകൾ പരസ്യമായി പ്രകടിപ്പിച്ച ചില നേതാക്കളെ പരാമർശിച്ചുകൊണ്ട് സോണിയ പറഞ്ഞു.

'ഞാൻ എപ്പോഴും തുറന്നു സംസാരിക്കുന്നതിനെ വിലമതിച്ചിട്ടുണ്ട്. മാധ്യമങ്ങളിലൂടെ എന്നോട് സംസാരിക്കേണ്ട ആവശ്യമില്ല. അതിനാൽ നമുക്കെല്ലാവർക്കും സ്വതന്ത്രവും സത്യസന്ധവുമായി ചർച്ച നടത്താം. എന്നാൽ ഈ മുറിയുടെ നാല് ചുവരുകൾക്ക് പുറത്ത് ആശയവിനിമയം നടത്തേണ്ടത് പ്രവർത്തക സമിതിയുടെ കൂട്ടായ തീരുമാനമാണ്' -സോണിയ ഗാന്ധി പറഞ്ഞു.

കോൺഗ്രസ്​ നേതൃത്വത്തിനെതിരെ വിമർശനം ഉന്നയിച്ച്​ നേതാക്കൾ എഴുതിയ കത്ത്​ മാധ്യമങ്ങളിലൂടെ പുറത്ത്​ വന്നതിൽ അതൃപ്​തി പ്രകടിപ്പിക്കുക കൂടിയായിരുന്നു സോണിയ.

കോൺഗ്രസിന്​ അധ്യക്ഷനില്ലെന്നും ആരാണ്​ തീരുമാനങ്ങൾ എടുക്കുന്നതെന്ന്​ അറിയില്ലെന്നും മുതിർന്ന നേതാവ്​ കപിൽ സിബൽ അടുത്തിടെ വിമർശിച്ചിരുന്നു. സിബൽ, ഗുലാം നബി ആസാദ്​, ശശി തരൂർ എന്നിവരടക്കമുള്ള ജി-23 നേതാക്കൾ ന​യി​ക്കാ​ൻ നേ​താ​വി​ല്ലാ​തെ പാ​ർ​ട്ടി അ​നി​ശ്ചി​ത​ത്ത്വ​ത്തി​ലാ​ണെ​ന്നും അ​ടി​യ​ന്ത​ര​മാ​യി പ്ര​വ​ർ​ത്ത​ക സ​മി​തി വി​ളി​ക്ക​ണ​മെ​ന്നും ആ​വ​ശ്യപ്പെട്ടിരു​ന്നു.

2019 ലോക്സഭ തെരഞ്ഞെടുപ്പ്​ പരാജയത്തിന്​ പിന്നാലെ രാഹുൽ ഗാന്ധി രാജിവെച്ചതോടെയാണ്​ സോണിയ ഗാന്ധി ഇടക്കാല അധ്യക്ഷയായത്​. അ​ടു​ത്ത വ​ർ​ഷം സെ​പ്​​റ്റം​ബ​റി​ൽ പു​തി​യ പ്ര​സി​ഡ​ൻ​റ്​ വ​രു​ന്ന​തു വ​രെ സോ​ണി​യ​ഗാ​ന്ധി തു​ട​രും.

അ​നി​ശ്ചി​ത​ത്ത്വം നീ​ക്കാ​ൻ രാ​ഹു​ൽ പ​ദ​വി ഏ​റ്റെ​ടു​ക്കു​ക ത​ന്നെ വേ​ണ​മെ​ന്ന മു​റ​വി​ളി ആ​വ​ർ​ത്തി​ച്ച​പ്പോ​ഴാ​ണ്​ 'പ​രി​ഗ​ണി​ക്കാം' എ​ന്ന്​ രാ​ഹു​ൽ പ്ര​വ​ർ​ത്ത​ക​സ​മി​തി യോ​ഗ​ത്തി​ൽ പ്ര​തി​ക​രി​ച്ച​ത്. കോ​ൺ​ഗ്ര​സ്​ ഭ​രി​ക്കു​ന്ന മൂ​ന്നു സം​സ്​​ഥാ​ന​ങ്ങ​ളി​ലെ മു​ഖ്യ​മ​ന്ത്രി​മാ​രും മു​തി​ർ​ന്ന നേ​താ​വ്​ എ.​കെ. ആ​ൻ​റ​ണി അ​ട​ക്ക​മു​ള്ള​വ​രു​മാ​ണ്​ രാ​ഹു​​ലി​നോ​ട്​ അ​ഭ്യ​ർ​ഥ​ന ആ​വ​ർ​ത്തി​ച്ച​ത്.

പു​തി​യ നേ​താ​വി​നെ പ്ര​ഖ്യാ​പി​ക്കു​ന്ന​തി​ന്​ പ​ര​മാ​വ​ധി സ​മ​യം നീ​ട്ടി​യെ​ടു​ത്ത കോ​ൺ​ഗ്ര​സ്​, അം​ഗ​ത്വ വി​ത​ര​ണ​ത്തി​ൽ തു​ട​ങ്ങി എ.​ഐ.​സി.​സി സ​മ്മേ​ള​ന​ത്തി​ൽ സ​മാ​പി​ക്കു​ന്ന വി​ധം ഒ​രു വ​ർ​ഷം നീ​ളു​ന്ന തെ​ര​ഞ്ഞെ​ടു​പ്പ്​ സ​മ​യ​പ​ട്ടി​ക​യാ​ണ്​ പ്ര​ഖ്യാ​പി​ച്ച​ത്. അ​ടു​ത്ത മാ​സം ഒ​ന്നി​ന്​ അം​ഗ​ത്വ വി​ത​ര​ണം ആ​രം​ഭി​ച്ച്​ ബൂ​ത്ത്​, ​​ബ്ലോ​ക്ക്​, ജി​ല്ല, സം​സ്​​ഥാ​ന ത​ല​ങ്ങ​ൾ പി​ന്നി​ട്ട്​ അ​ടു​ത്ത ഒ​ക്​​ടോ​ബ​റി​നു മു​മ്പാ​ണ്​ എ.​ഐ.​സി.​സി സ​മ്മേ​ള​നം. കോ​ൺ​ഗ്ര​സ്​ പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പ്​ 2022 ആ​ഗ​സ്​​റ്റ്​ 21നും ​സെ​പ്​​റ്റം​ബ​ർ 20നും ​ഇ​ട​ക്ക്. പാ​ർ​ട്ടി പ്ര​വ​ർ​ത്ത​ക​ർ​ക്കാ​യി അ​ടു​ത്ത​മാ​സം പ​രി​ശീ​ല​ന പ​രി​പാ​ടി​യും പ്ര​ഖ്യാ​പി​ച്ചു.