Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightആശങ്കവേണ്ട; പക്ഷിപ്പനി ...

ആശങ്കവേണ്ട; പക്ഷിപ്പനി മനുഷ്യനിൽ നിന്ന്​ മനുഷ്യനിലേക്ക്​ പടരില്ലെന്ന്​ എയിംസ്

text_fields
bookmark_border
Bird Flu
cancel

ന്യൂഡൽഹി: പക്ഷിപ്പനി ബാധിച്ച്​ ഒരാൾ മരിച്ചുവെന്ന വാർത്ത കഴിഞ്ഞ ദിവസം പുറത്ത്​ വന്നതിന്​ പിന്നാലെ വലിയ ആശങ്കയിലാണ്​ രാജ്യം. ഇതിനിടെ ഇക്കാര്യത്തിൽ വിശദീകരണവുമായി രംഗത്തെത്തിയിരിക്കുകയാണ്​ എയിംസ്. വളരെ അപൂർവമായി മാത്രമേ പക്ഷിപ്പനി മനുഷ്യനിൽ നിന്ന്​ മനുഷ്യനിലേക്ക്​ പടരുവെന്ന്​ എയിംസ് മേധാവി രൺദീപ്​ ഗുലേറിയ പറഞ്ഞു. എങ്കിലും രോഗം ബാധിച്ച്​ മരിച്ച കുട്ടിയുമായി ബന്ധപ്പെട്ടവരെ കണ്ടെത്തും. ഈ പ്രദേശത്ത്​ കോഴിഫാമുകളിൽ കോഴികൾ കൂട്ടത്തോടെ ചത്തിട്ടുണ്ടോയെന്നും പരിശോധിക്കുമെന്നും എയിംസ്​ ഡയറക്​ടർ കൂട്ടിച്ചേർത്തു.

പക്ഷികളിൽ നിന്ന്​ മനുഷ്യരിലേക്ക്​ രോഗം പടരുന്ന സംഭവം അപൂർവമാണ്​. മനുഷ്യനിൽ നിന്നും മനുഷ്യനിലേക്ക്​ രോഗം വ്യാപകമായി പടർന്ന സംഭവം ഇതുവരെ റിപ്പോർട്ട്​ ചെയ്​തിട്ടില്ല. ചില ഫാമിലി ക്ലസ്റ്ററുകളിൽ രോഗം പടർന്നതായി റിപ്പോർട്ടുകളുണ്ട്​. എന്നാൽ ചെറിയ സമ്പർക്കം കൊണ്ട്​ രോഗം ഒരിക്കലും പടരില്ലെന്ന്​ എയിംസിലെ​ ഡോക്​ടറായ ഡോ. നീരജ്​ നിഷാലും വ്യക്​തമാക്കി. കുട്ടിയുമായി ബന്ധം പുലർത്തിയ ആർക്കും രോഗലക്ഷണങ്ങളില്ല. ആരോഗ്യപ്രവർത്തകരും സുരക്ഷിതരാണെന്ന്​ അ​േദഹം കൂട്ടിച്ചേർത്തു.

ശരിയായ രീതിയിൽ പാചകം ചെയ്​ത ഭക്ഷ്യവിഭവങ്ങൾ കഴിക്കുന്നത്​ കൊണ്ട്​ കുഴപ്പമില്ല. ഉയർന്ന താപനിലയിൽ ഭക്ഷണം പാചകം ചെയ്യുന്നത്​ വൈറസ്​ സാധ്യത ഇല്ലാതാക്കുമെന്നും എയിംസ്​ അറിയിച്ചു. പക്ഷിപ്പനി ബാധിച്ച്​ മരണം സംഭവിക്കാനുള്ള സാധ്യത 60 ശതമാനത്തോളമാണ്​. 70 ഡിഗ്രി സെൽഷ്യസിൽ 30 മിനിറ്റ്​ നേരം ഭക്ഷ്യവസ്​തുക്കൾ പാചകം ചെയ്​താൽ പക്ഷിപ്പനിക്ക്​ കാരണമാവുന്ന വൈറസിനെ ഇല്ലാതാക്കാനാകുമെന്ന്​ ലോകാരോഗ്യ സംഘടനയും വ്യക്​തമാക്കിയിട്ടുണ്ട്​.

Show Full Article
TAGS:bird flu 
News Summary - No need to panic as human-to-human transmission of bird flu rare
Next Story