കശ്​മീരിലെ സമാധാനം: ത​െൻറ കൈയിൽ മാന്ത്രികദണ്ഡില്ലെന്ന്​ മധ്യസ്​ഥൻ

ശ്രീനഗർ: ജമ്മു^കശ്​മീരിൽ സമാധാനം കൊണ്ടുവരാൻ ത​​െൻറ കൈയിൽ മാന്ത്രികവടിയൊന്നുമില്ലെന്നും മറിച്ച്​ ഗൗരവമേറിയ ഇടപെടലുകൾ മാ​ത്രമാണെന്നും കേന്ദ്രം നിയമിച്ച പ്ര​ത്യേക മധ്യസ്​ഥൻ ദിനേശ്വർ ശർമ. സമാധാനത്തിനുവേണ്ടിയുള്ള  ത​​െൻറ പരിശ്രമങ്ങൾ ആത്​മാർഥതയോടെ വിലയിരുത്തപ്പെട​ണമെന്നും അത്​ ഭൂതകാലത്തി​​െൻറ കണ്ണാടി വെച്ചാവരുതെന്നും അദ്ദേഹം പറഞ്ഞു. 

കശ്​മീരിൽ വിവിധ കക്ഷികളുമായുള്ള ചർച്ച തുടങ്ങുന്നതിനുമുമ്പായി അന്തിമ തീർപ്പിൽ എത്താൽ കഴിയില്ല. ഗൗരവമേറിയ ശ്രമമാണ്​ ത​​െൻറ ഭാഗത്തുനിന്ന്​ ഉണ്ടാവുക. താഴ്​വരയിലെ ജനങ്ങളുമായി കൂടിക്കാഴ്​ച നടത്തി അവരുടെ വേദനകളും ബുദ്ധിമുട്ടുകളും മനസ്സിലാക്കി അതിനുവേണ്ട പരിഹാരം ക​ണ്ടെത്തുമെന്നും മുൻ ഇൻറലിജൻസ്​ ബ്യൂറോ ഡയറക്​ടർ കൂടിയായ ശർമ കൂട്ടിച്ചേർത്തു.