Begin typing your search above and press return to search.
exit_to_app
exit_to_app
Altaf Miya
cancel
Homechevron_rightNewschevron_rightIndiachevron_right'യു.പിയിൽ മനുഷ്യാവകാശം ...

'യു.പിയിൽ മനുഷ്യാവകാശം അവശേഷിക്കുന്നുണ്ടോ​?'; കാസ്​ഗഞ്ച്​ കസ്റ്റഡി മരണത്തിൽ പ്രതിപക്ഷം

text_fields
bookmark_border

ന്യൂഡൽഹി: ഉത്തർപ്രദേശിലെ കാസ്​ഗഞ്ചിൽ 21കാരൻ പൊലീസ്​ കസ്റ്റഡിയിൽ മരിച്ചതിനെ തുടർന്ന്​ പ്രതി​ഷേധവുമായി പ്രതിപക്ഷം. തിങ്കളാഴ്ചയാണ്​ 21കാരനായ അൽത്താഫ്​ മിയ പൊലീസ്​ കസ്റ്റഡിയി​ലിരിക്കേ മരിച്ചത്​.

യുവാവ്​ ആത്മഹത്യ ചെയ്യുകയായിരുന്നുവെന്നാണ്​ പൊലീസിന്‍റെ വാദം. എന്നാൽ, പൊലീസ്​ കള്ളകളി കളിക്കുകയാണെന്ന്​ കുടുംബം ആരോപിച്ചു.

പെൺകുട്ടിയുമായി ഒളിച്ചോടിയതിനെ തുടർന്നാണ്​ യുവാവിനെ പൊലീസ്​ കസ്റ്റഡിയിലെടുത്തത്​. ചോദ്യം ചെയ്യലിനിടെ ശുചിമുറി​യിലേക്ക്​ പോയ യുവാവിനെ പിന്നീട്​ പൈപ്പിൽ തൂങ്ങിമരിച്ച നിലയിൽ കണ്ടെത്തുകയായിരുന്നുവെന്ന്​ പൊലീസ്​ പറഞ്ഞു. എന്നാൽ, മിയയെ കൊല​െപ്പടുത്തിയ ശേഷം കെട്ടിത്തൂക്കിയതാണെന്ന്​ അടുത്ത ബന്ധുക്കൾ ആരോപിച്ചു.

സംഭവത്തിൽ പ്രതികരണവുമായി കോൺഗ്രസ്​ നേതാവ്​ രാഹുൽ ഗാന്ധി രംഗത്തെത്തി. 'ഉത്തർപ്രദേശിൽ മനുഷ്യാവകാശം എന്നൊന്ന്​ അവശേഷിക്കു​ന്നുണ്ടോ?' -എന്നായിരുന്നു രാഹുൽ ഗാന്ധിയുടെ ചോദ്യം. കോൺഗ്രസ്​ നേതാവ്​ പ്രിയങ്ക ഗാന്ധി, സമാജ്​വാദി പാർട്ടി പ്രസിഡന്‍റ്​ അഖിലേഷ്​ യാദവ്​, ബഹുജൻ സമാജ്​വാദി പാർട്ടി നേതാവ്​ മായാവതി എന്നിവരും മറ്റു രാഷ്​ട്രീയ നേതാക്കളും പ്രതികരണം രേഖപ്പെടുത്തി.

'കാസ്​ഗഞ്ചിൽ അൽത്താഫ്​, ആഗ്രയിൽ അരുൺ വാൽമീകി, സുൽത്താൻപൂരിൽ രാജേഷ്​ കോരി എന്നിവരുടെ കസ്റ്റഡി മരണത്തിൽനിന്ന്​ വ്യക്തമാകും സംരക്ഷിക്കുന്നവർ തന്നെ കൊന്നുതിന്നുന്നുവെന്ന്​. രാജ്യത്ത്​ ഏറ്റവുമധികം കസ്റ്റഡി മരണം നടക്കുന്നത്​ യു.പിയിലാണ്​. സംസ്​ഥാനത്തെ ക്രമസമാധാന നില മുഴുവൻ ബി.ജെ.പി ഭരണത്തിൽ തകർന്നു. ആരും ഇവിടെ സുരക്ഷിതരല്ല' -പ്രിയങ്ക ഗാന്ധി പറഞ്ഞു.





അൽത്താഫിന്‍റെ കസ്റ്റഡി മരണത്തിൽ അഞ്ച്​ പൊലീസ്​ ഉദ്യോഗസ്​ഥരെ സസ്​പെൻഡ്​ ചെയ്​തതായി പൊലീസ്​ സൂപ്രണ്ട്​ രോഹൽ ബോത്രേ അറിയിച്ചു. കാസ്​ഗഞ്ച്​ സ്​റ്റേഷൻ ഹൗസ്​ ഓഫിസർ, രണ്ട്​ സബ്​ ഇൻസ്​പെക്​ടർമാർ, ഒരു ഹെഡ്​ ഓഫിസർ, കോൺസ്റ്റബ്​ൾ എന്നിവരെയാണ്​ സസ്​പെൻഡ്​ ചെയ്​തത്​.

Show Full Article
TAGS:Altaf Miya death Custodial Death UP Police Rahul Gandhi 
News Summary - No Human Rights in UP Rahul Gandhi Others Condemn Kasganj Custodial Death
Next Story