ബി.ജെ.പി ഉറപ്പ്​ എഴുതി നൽകണമെന്ന്​ ശിവസേന

മുംബൈ: മഹാരാഷ്​ട്രയിൽ ബി.ജെ.പി-ശിവസേന സഖ്യ സർക്കാർ രൂപീകരണം വീണ്ടും പ്രതിസന്ധിയിലേക്ക്​. രണ്ടര വർഷകാലത്തേക്ക ്​ മുഖ്യമന്ത്രിസ്ഥാനം പങ്കുവെക്കാമെന്ന വ്യവസ്ഥ ബി.ജെ.പി എഴുതി നൽകണമെന്നാണ്​ ശിവസേനയുടെ ആവശ്യം. ഇതിന്​ ശേഷം മാ ത്രമേ സർക്കാർ രൂപീകരണത്തിനുള്ളുവെന്നാണ്​ ശിവസേനയുടെ നിലപാട്​.

അമിത്​ ഷായോ ദേവേന്ദ്ര ഫട്​നാവിസോ മ​ുഖ്യമന്ത്രിസ്ഥാനം രണ്ടര വർഷം പങ്കുവെക്കാമെന്ന്​ എഴുതി നൽകിയാൽ മാത്രമേ സഖ്യ രൂപീകരണത്തിന്​ ശിവസേന അധ്യക്ഷൻ ഉദ്ധവ്​ താക്കറെ തയ്യാറാകുവെന്ന്​ ​പാർട്ടി എം.എൽ.എ പ്രതാപ്​ സാരാനായിക്​ പറഞ്ഞു.

ലോക്​സഭ തെരഞ്ഞെടുപ്പിന്​ മുമ്പ്​ അമിത്​ ഷാ 50:50 എന്ന ഫോർമുലയാണ്​ മുന്നോട്ട്​ വെച്ചത്​. രണ്ടര വർഷം ശിവസേന മുഖ്യമന്ത്രിയും രണ്ടര വർഷം ബി.ജെ.പി മുഖ്യമന്ത്രിയും. ഈ ഉറപ്പ്​ പാലിക്കാൻ അദ്ദേഹം തയാറാവണമെന്നും സാരാനായിക്​ ആവശ്യപ്പെട്ടു.