സർക്കാറില്ലാതെ കർണാടക; ബി.ജെ.പിയുടെ സർക്കാർ രൂപീകരണം അനിശ്ചിതത്വത്തിൽ

ബംഗളൂരു: കർണാടകയിൽ വിശ്വാസ വോട്ടിൽ പരാജയപ്പെട്ട്​ കുമാരസ്വാമി സർക്കാർ വീണുവെങ്കിലും പുതിയ സർക്കാർ രൂപീകരി ക്കുന്നതിൽ ബി.ജെ.പിയിൽ തീരുമാനമായില്ല. തിരക്കിട്ട്​ സർക്കാർ രൂപീകരണത്തിലേക്ക്​ കടക്കേണ്ടതി​ല്ലെന്ന നിലപാടിലാണ്​​ ബി.ജെ.പി.

സർക്കാർ രൂപീകരണവുമായി ബന്ധ​പ്പെട്ട്​ തീരുമാനമറിയാൻ കർണാടക ബി.ജെ.പി നേതാക്കൾ ദേശീയ അധ്യക്ഷൻ അമിത്​ ഷാ, വർക്കിങ്​ പ്രസിഡൻറ്​ ജെ.പി നദ്ദ എന്നിവരുമായി കൂടിക്കാഴ്​ച നടത്തിയിരുന്നു.

എന്നാൽ ആദ്യ ഘട്ട ചർച്ചയിൽ തീരുമാനമായിട്ടില്ല​. ഇന്ന്​ ഉച്ചക്ക്​ ശേഷം മൂന്ന്​ മണിക്ക്​ വീണ്ടും ചർച്ച നടത്തേണ്ടതുണ്ടെന്നും പാർലമ​െൻററി പാർട്ടി യോഗത്തിൽ അന്തിമ തീരുമാനം കൈക്കൊള്ളുമെന്നും ബി.ജെ.പി നേതാവ്​ ജഗദീഷ്​ ഷെട്ടാർ പറഞ്ഞു.