Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപെണ്‍കുട്ടികളെ...

പെണ്‍കുട്ടികളെ അന്യായതടങ്കലിൽ വെച്ച കേസ്​: നിത്യാനന്ദ രാജ്യം വി​ട്ടെന്ന്​ സൂചന

text_fields
bookmark_border
പെണ്‍കുട്ടികളെ അന്യായതടങ്കലിൽ വെച്ച കേസ്​: നിത്യാനന്ദ രാജ്യം വി​ട്ടെന്ന്​ സൂചന
cancel

അഹമ്മദാബാദ്: പെണ്‍കുട്ടികളെ അന്യായമായി തടങ്കലില്‍ വച്ച കേസില്‍ പ്രതിയായ ആള്‍ദൈവം നിത്യാനന്ദ രാജ്യം വിട്ടെ ന്നതിൽ ഔദ്യോഗിക സ്ഥിരീകരണം ലഭിച്ചിട്ടില്ലെന്ന് കേന്ദ്രസര്‍ക്കാര്‍. വിദേശ സംഭാവന ലഭിക്കുന്നതിന്​ പെൺകുട്ടിക ളെ തട്ടികൊണ്ടുപോയി ആശ്രമത്തിൽ അന്യായ തടങ്കലിൽ വെച്ചെന്ന പരാതിയിൽ നിത്യാനന്ദക്കെതിതെ പൊലീസ്​ ​എഫ്​.ഐ.ആർ രജ ിസ്​റ്റർ ചെയ്​തിരുന്നു. തുടർന്ന്​ ഇയാൾ കരിബീയൻ ദ്വീപായ ട്രിനിഡാഡ്​ ആൻറ്​ ടൊബാഗോയിലേക്ക്​ കടന്നതായി വ്യാഴ ാഴ്ച ഗുജറാത്ത് പൊലീസ് റിപ്പോർട്ട്​ ചെയ്​തു. എന്നാൽ ഇത്​ സ്ഥിരീകരിച്ചിട്ടില്ലെന്ന്​ ആഭ്യന്തരമന്ത്രാലയം അറിയിച്ചു.

നിത്യാനന്ദ വിദേശത്തേക്ക്​ കടന്നുവെന്നതിൽ ഗുജറാത്ത്​ പൊലീസിൽ നിന്നോ ആഭ്യന്തരമന്ത്രാലയത്തിൽ നിന്നോ ഔ​ദ്യോഗിക സ്ഥിരീകരണം ലഭിച്ചിട്ടില്ല. വിദേശത്തേക്ക് കടന്നവരെ തിരിച്ചെത്തിക്കാന്‍ അവിടുത്തെ സര്‍ക്കാരിനോട് ആവശ്യപ്പെടണമെങ്കില്‍ അയാളുള്ള സ്ഥലവും പൗരത്വ വിവരങ്ങളും അറിയണം. നിത്യാനന്ദയെ കുറിച്ച്​ അത്തരം വിവരങ്ങളൊന്നും ലഭിച്ചിട്ടി​ല്ലെന്നും വിദേശമന്ത്രാലയ വക്താവ് പറഞ്ഞു.

നിത്യാനന്ദ വിദേശത്തേക്ക്​ കടന്നുവെന്നും ആവശ്യം വന്നാല്‍ കൃത്യമായ നടപടികളിലൂടെ കസ്​റ്റഡി ആവശ്യപ്പെടുമെന്നും അഹമ്മദാബാദ് പൊലീസ് സൂപ്രണ്ട് ആര്‍.വി അസാരി വ്യക്തമാക്കിയിരുന്നു. എന്നാല്‍ ആഭ്യന്തരമന്ത്രാലയം പൊലീസ്​ റിപ്പോർട്ട്​ തള്ളുകയാണുണ്ടായത്​.

നിത്യാനന്ദയുടെ അഹമ്മദാബാദിലെ സർവ്വ ജഞാനപീഠം ആശ്രമത്തിനായി വിദേശ സംഭാവന ശേഖരിക്കാൻ നാലു പെണ്‍കുട്ടികളെ തട്ടിക്കൊണ്ടുപോയി അന്യായ തടങ്കലിൽ വെച്ചെന്നാണ്​ കേസ്​. തട്ടികൊണ്ടുപോകൽ, അന്യായ തടങ്കലിൽ വെക്കൽ, പീഡനം തുടങ്ങിയ കുറ്റങ്ങൾക്ക്​ ​ നിത്യാനന്ദയുടെ അനുയായികളായ പ്രാണപ്രിയ, പ്രിയതത്വ റിദ്ദി കിരണ്‍ എന്നിവരെ പൊലീസ് അറസ്​റ്റു ചെയ്​തിരുന്നു. ഇവരെ കസ്​റ്റഡിയിൽ വെച്ച്​ ചോദ്യം ചെയ്​തുവരികയാണ്​. കേസിൽ നിത്യാനന്ദക്കെതിരായ തെളിവുകള്‍ പൊലീസ്​ ശേഖരിച്ചുവരികയാണ്​.

അഹമ്മദാബാദിലെ ഫ്ലാറ്റിൽ നിന്ന്​ പൊലീസ്​ രക്ഷപ്പെടുത്തിയ നാല് കുട്ടികളുടെ മൊഴിയുടെ അടിസ്ഥാനത്തിലാണ് നിത്യാനന്ദക്കെതിരെ കേസ് രജിസ്റ്റര്‍ ചെയ്തത്. നിത്യാനന്ദയുടെ ആശ്രമത്തിൽ നിന്ന് തങ്ങളുടെ പെൺമക്കളെ വിട്ടുകിട്ടണമെന്ന പരാതിയുമായി ബംഗളൂരു സ്വദേശികൾ ഹൈകോടതിയെ സമീപിക്കുകയും ചെയ്​തിരുന്നു. ഇവരുടെ പ്രായപൂർത്തിയാകാത്ത മക്കളെ പൊലീസ്​ രക്ഷപ്പെടുത്തിയെങ്കിലും 21, 18 വയസുള്ള പെൺകുട്ടികളെ ആശ്രമത്തിൽ താമസിപ്പിച്ചിരിക്കുകയാണ്​. മാതാപിതാക്കളു​ടെ ഹരജി പരിഗണിച്ച സുപ്രീംകോടതി ആൾദൈവത്തിനെതിരെ നടപടി ആവശ്യപ്പെട്ട്​ സർക്കാറിന്​ നോട്ടീസ്​ അയച്ചിരുന്നു.

Show Full Article
TAGS:Nithyananda information centre Fleeing Abroad india news 
News Summary - "No Formal Information": Centre On Reports Of Nithyananda Fleeing Abroad - India news
Next Story