Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭക്ഷണമോ വെള്ളമോ...

ഭക്ഷണമോ വെള്ളമോ ഇല്ല; തെലങ്കാനയിൽ നിന്നും ഛത്തീസ്​ഗഡിലേക്ക്​ തൊഴിലാളികളുടെ ട്രക്ക്​ യാത്ര

text_fields
bookmark_border
ഭക്ഷണമോ വെള്ളമോ ഇല്ല; തെലങ്കാനയിൽ നിന്നും ഛത്തീസ്​ഗഡിലേക്ക്​ തൊഴിലാളികളുടെ ട്രക്ക്​ യാത്ര
cancel

റായ്​പൂർ: സംസ്ഥാനങ്ങൾ പ്രത്യേക ട്രെയിനും വാഹനങ്ങളും ഏർപ്പെടുത്തിയിട്ടും സ്വന്തം നാട്ടിലെത്താനുള്ള അന്തർ സംസ്ഥാന തൊഴിലാളികളുടെ ദുരിതം നീളുന്നു. ആവശ്യത്തിന്​ വെള്ളമോ ഭക്ഷണമോ ഇല്ലാ​തെ തെലങ്കാനയിൽ നിന്നും ഒരു സംഘം തൊഴിലാളികൾ ഛത്തീസ്ഗഡി​ലേക്ക്​ തിരിച്ചത്​ ​ടാർപോളിൻ കൊണ്ട്​ പോലും മറക്കാത്ത ട്രക്കിൽ. റായ്​പൂരിനടുത്ത്​ ദേശീയപാതയിൽ നിർത്തിയിട്ട ഹെവി ലിഫ്​റ്റ്​ ട്രക്കി​ന്​ പിറകിൽ  പൊരിവെയിലും കൊണ്ടിരിക്കുന്ന തൊഴിലാളികളെ മാധ്യമപ്രവർത്തകർ കണ്ടെത്തു​മ്പോൾ അവർ 800 കിലോമീറ്ററിലധികം പിന്നിട്ടിരുന്നു. 

​കനത്ത വെയിലേറ്റ്​ ചുട്ടുപഴുത്ത ട്രക്കിൽ കുട്ടികളും സ്​ത്രീകളും ഉൾപ്പെടെ നൂറോളം പേരാണ്​ ഉണ്ടായിരുന്നത്​. ഹൈദരാബാദിൽ നിന്നും കയറിയ തൊഴിലാളികളും കുടുംബവും നാലു ദിവസമാണ്​ ട്രക്കിൽ യാത്ര ചെയ്​തത്​​. 

‘‘ഛത്തീസ്​ഗഡ്​ സർക്കാർ ഒരു സൗകര്യവും സഹായവും നൽകിയില്ല. കൈതൊട്ടാൽ ​പൊള്ളുന്ന ട്രക്കിലിരുന്നാണ്​ ഞങ്ങൾ നാലു ദിവസം യാത്ര ചെയ്​തത്​. ഭക്ഷണമില്ല, കുടിക്കാൻ ആവശ്യത്തിന്​ വെള്ളവുമില്ല’’ - ട്രക്കിലുള്ള തൊഴിലാളികളിലെരാൾ പറയുന്നു. 

സൂര്യാതപമേൽക്കാതിരിക്കാൻ കുട്ടികളെ അമ്മമാർ  സാരി ഉപയോഗിച്ച് മൂടിയിട്ടുണ്ട്​. മുഖത്തേക്ക്​ വെയിലും പൊടിയും അടിക്കുന്നത്​ തടയാൻ ചിലർ തോർത്ത്​ തലയിലിട്ട്​ ഇരിക്കുന്നു. മാധ്യമപ്രവർത്തകരെ കണ്ടതും കുട്ടികൾക്കെങ്കിലും ഭക്ഷണവും വെള്ളവും നൽകണമെന്ന് അവർ ആവശ്യപ്പെട്ടു. 

ലോക്​ഡൗൺ പ്രഖ്യാപിച്ചതോടെ തൊഴിൽ നഷ്​ടപ്പെട്ടതിനാൽ നാട്ടിലേക്ക്​ മടങ്ങാൻ പോലും പണമില്ലാതായെന്നും അതുകൊണ്ടാണ്​ അനധികൃതമായി ട്രക്കിൽ യാത്രതുടർന്നതെന്നും തൊഴിലാളികൾ പറയുന്നു. 

ലോക്​ഡൗൺ ഇളവു ചെയ്​തതോടെ ആയിരക്കണക്കിന് അന്തർ സംസ്ഥാന തൊഴിലാളികളാണ്​ നാട്ടിലേക്ക് മടങ്ങുന്നത്​. കേന്ദ്രസർക്കാർ പ്രത്യേക ട്രെയിനുകൾ അനുവദിച്ചിട്ടുണ്ടെങ്കിലും ടിക്കറ്റിന്​ പണമില്ലാത്തതിനാലും കൃത്യമായ രേഖകളില്ലാത്തിനാലും നിരവധിപേരാണ്​ ദിവസങ്ങളോളം നടന്നും സൈക്കിളിലും ട്രക്കുകളിലും മറ്റ്​ വാഹനങ്ങളിലും കയറിയും സ്വന്തം നാട്ടിലേക്ക്​ മടങ്ങുന്നത്​.

Show Full Article
TAGS:lock down migrants truck cargo india news 
News Summary - No Food, No Water, Migrants Packed In Truck's Cargo Hold Travel 800 Km - India news
Next Story