മോദി വീണ്ടും കബളിപ്പിക്കപ്പെട്ടുവൊ? റഫാലിനെ ആർക്കും വേണ്ടെന്ന്​ റിപ്പോർട്ടുകൾ

ഏറെ കൊട്ടിഘോഷിച്ച്​ രാജ്യത്ത്​ എത്തിച്ച റഫാൽ പോർ വിമാനങ്ങൾ ലോകരാജ്യങ്ങളിൽ മിക്കവരും കയ്യൊഴിഞ്ഞവയെന്ന്​ റിപ്പോർട്ടുകൾ. പാകിസ്​ഥാ​െൻറ കൈവശമുള്ള അമേരിക്കൻ നിർമിത എഫ്​ 16 ഫൈറ്ററുകളോടൊ, ചൈനീസ്​ ജെറ്റുകളോടൊ പിടിച്ചുനിൽക്കാൻ റഫാലിന്​ കഴിയുമൊ എന്ന കാര്യം സംശയമാണെന്ന്​ മേഖലയിലെ വിദഗ്​ധർ പറയുന്നു.

അന്താരാഷ്ട്ര വിപണിയിലെ ഏറ്റവും ചെലവേറിയ പോർവിമാനങ്ങളിലൊന്നാണ് റാഫേൽ. ഇന്ത്യക്ക്​ നൽകുന്ന 36 ജെറ്റുകളുടെ വില 60,000 കോടിയാണ്​ (കരാർ ഒപ്പിട്ട കാലത്തെ വിലയാണിത്​. പിന്നീടിത്​ എത്ര കൂടിയെന്നോ എത്രയാണ്​ കൃത്യമായ വിലയെന്നോ പുറത്തുവിട്ടിട്ടില്ല). ഫ്രാൻസി​െൻറ പ്രതിരോധ മേഖലയിലെ പൊതുവായ കാര്യക്ഷമതയില്ലായ്​മ കാരണമാണ് വിമാനങ്ങൾക്ക്​ ഉയർന്ന ചെലവ് വരുന്നതെന്ന്​ മേഖലയിലുള്ളവർ പറയുന്നു.

യു.‌എസ്​, റഷ്യ തുടങ്ങിയ വമ്പൻമാരുമായി തട്ടിച്ചുനോക്കിയാൽ ഫ്രാൻസി​െൻറ പ്രതിരോധ ഗവേഷണത്തിനും വികസനത്തിനുമുള്ള ബജറ്റ് വളരെ ചെറുതാണ്. ഇന്ത്യക്ക്​ ആവശ്യമായ റഫാലുകൾ നിർമിച്ച്​ നൽകാനാകാത്തതിന്​ കാരണവും ഇതുതന്നെയാണ്​. ചെറിയ ഉൽ‌പാദനത്തിന്​ മാത്രമായുള്ള പ്രൊഡക്ഷൻ ലൈനുകകളാണ്​ റഫാലി​െൻറ നിർമാതാവായ ദസ്സോയിലുള്ളത്​.

അഞ്ച്​ വിമാനങ്ങൾ ഇന്ത്യയിലെത്തിക്കാൻ അഞ്ചുവർഷം എടുത്തു എന്നത്​ ദസ്സോയുടെ കാര്യക്ഷമതയില്ലായ്​മയാണ്​ കാണിക്കുന്നത്​. ലോകത്തിലെ മിക്ക മിലിട്ടറി ഷോകളിലും പിൻതള്ളപ്പെട്ടുപോയ ഫൈറ്റർ ജെറ്റാണ്​ റഫാൽ. ലോക രാജ്യങ്ങളില മൂന്നെണ്ണം മാത്രമാണ്​ ഫ്രാൻസിനെ കൂടാതെ ഇവ സ്വന്തമാക്കിയിട്ടുള്ളത്​. ഇൗജിപ്​ത്​, ഖത്തർ, ഇന്ത്യ എന്നിവരാണാ രാജ്യങ്ങൾ.

യുനെസ്​കൊ ചെയർ ഒാഫ്​ വാട്ടർ കോർപറേഷനിൽ പ്രഫസറായ അശോക് സ്വൈൻ ചൂണ്ടിക്കാണിക്കുന്ന കാര്യങ്ങൾ വളരെ പ്രസക്​തമാണ്​. 'അഞ്ച്​ റാഫേലുകൾ വന്നതോടെ സർക്കാർ മെച്ചപ്പെട്ടതെന്തൊ നേടിയെന്ന തരത്തിലാണ്​ മാധ്യമങ്ങൾ ആഘോഷിക്കുന്നത്. റാഫേൽ വളരെ മികച്ചതാണെങ്കിൽ, ഒമാൻ, കൊറിയ, സിംഗപ്പൂർ, ലിബിയ, കുവൈറ്റ്, കാനഡ, ബ്രസീൽ, ബെൽജിയം, യു.എ.ഇ, സ്വിറ്റ്സർലൻഡ്, മലേഷ്യ എന്നിവ അത് വാങ്ങാൻ വിസമ്മതിച്ചത് എന്തുകൊണ്ടാണ്. ഇന്ത്യയെ കൂടാതെ ഖത്തറും ഈജിപ്തും മാത്രമാണ് ഇത് വാങ്ങിയത്'-അദ്ദേഹം പറയുന്നു.

റാഫേലിനെ ലോക സൈനിക വിപണിയിൽ പരാജയമാക്കുന്നത്​ ഉയർന്ന വിലയും അത്രമാത്രം ആധുനികമല്ലെന്നതുമാണ്​. ഉയർന്ന നിലവാരമുള്ള പോർ വിമാനം​ ആവശ്യമുള്ളവർ റാഫേലിനെ തെരഞ്ഞെടുക്കുന്നില്ലെന്ന്​ സാരം. എഫ് -15, സുഖോയ്​ -35, എഫ് -16 വി, എഫ് -18 ഇ, മിഗ് -35 എന്നിവയെല്ലാം​ റാഫേലിനേക്കാൾ ചെലവ്​ കുറഞ്ഞതും കൂടുതൽ കാര്യക്ഷമതയുള്ളതുമായ ഫൈറ്റർ ജെറ്റുകളായാണ്​ സൈനിക വിപണിയിൽ അറിയപ്പെടുന്നത്​​​.