ഗോവയിൽ ബീഫിന്​ ക്ഷാമമുണ്ടായാൽ കർണാടകയിൽനിന്ന്​ കൊണ്ടുവരും -പരീകർ

​ന്യൂഡൽഹി: ​ഗോവയിൽ ബീഫിന്​ ക്ഷാമമുണ്ടാകില്ലെന്നും അഥവാ, അങ്ങനെയുണ്ടായാൽ കർണാടകയിൽനിന്ന്​ ഇറക്കുമതി​ ചെയ്യുമെന്നും മുഖ്യമന്ത്രി മനോഹർ പരീകർ. ആവ​ശ്യമെങ്കിൽ കർണാടകയിലെ ബൽഗാമിൽനിന്ന്​ ബീഫ്​ കൊണ്ടുവരാൻ സാധിക്കുമെന്നും അദ്ദേഹം വ്യക്​തമാക്കി. 

ഇറക്കുമതി ചെയ്യുന്ന ബീഫ്​ ഡോക്​ടർ ഉൾ​പ്പെടുന്ന വിദഗ്​ധ സംഘം അതിർത്തിയിൽവെച്ച്​ പരിശോധിച്ചശേഷമായിരിക്കും സംസ്​ഥാനത്ത്​ വിതരണം ചെയ്യുക. അംഗീകൃത അറവുശാലയായ ഗോവ മീറ്റ്​ കോംപ്ലക്​സിൽ പ്രതിദിനം 200 കിലോയാണ്​ വിൽക്കുന്നത്​. മൃഗങ്ങളെ അറുക്കാൻ കർണാടകയിൽനിന്ന്​ എത്തിക്കുന്നതിനെ സർക്കാർ തടയില്ല -അദ്ദേഹം പറഞ്ഞു.