ലോക്​സഭാ സ്​ഥാനാർഥികളിൽ 19 ശതമാനവും കൊലപാതക-ബലാത്​സംഗക്കേസുകളിൽ പ്രതികൾ

ന്യൂഡൽഹി: ​േലാക്​സഭാ തെരഞ്ഞെടുപ്പി​േലക്ക്​ മത്​സരിക്കുന്ന സ്​ഥാനാർഥികളിൽ അഞ്ചി​െലാരാൾ കൊടും കുറ്റങ്ങളിൽ പ്രതികളാണെന്ന്​ റിപ്പോർട്ട്​. തെ​രഞ്ഞെടുപ്പിൽ മത്​സരിക്കുന്ന സ്​ഥാനാർഥികളിൽ 19 ശതമാനം പേരും ബലാത്​സംഗം, കൊ ലപാതകം,തട്ടിക്കൊണ്ടുപോകൽ തുടങ്ങിയ കുറ്റകൃത്യങ്ങളിൽ കേസ്​ ചുമത്തപ്പെട്ടവരാണെന്നും ഡൽഹി ആസ്​ഥാനാമാക്കി പ് രവർത്തിക്കുന്ന അസോസിയേഷൻ ഒാഫ്​ ഡെമോക്രാറ്റിക്​ റിഫോംസ്​ തയാറാക്കിയ റിപ്പോർട്ടിൽ പറയുന്നു. സ്​ഥാനാർഥികൾ നാമനിർദേശ പത്രികക്കൊപ്പം നൽകിയ സത്യവാങ്​മൂലം പരിശോധിച്ചാണ്​ റിപ്പോർട്ട്​ തയാറാക്കിയത്​.

ക്രിമിനൽ കേസുകളിൽ പ്രതികളായ സ്​ഥാനാർഥികളുടെ എണ്ണം വർധിച്ചു വരികയാണ്​. ഏ​െതങ്കിലും തരത്തിലുള്ള കുറ്റകൃത്യങ്ങളിൽ പങ്കാളിയാണെന്ന്​ തെളിഞ്ഞവരെയോ രണ്ടോ അതിലധികമോ വർഷം ജയിൽ ശിക്ഷ അനുഭവിച്ചവരെയോ തെരഞ്ഞെടുപ്പിൽ മത്​സരിക്കുന്നതിൽ നിന്ന്​ ഇന്ത്യൻ നിയമം വിലക്കുന്നുണ്ട്​. എന്നാൽ സ്​ഥാനാർഥിയുടെ പേരിൽ കേസുണ്ടെങ്കിലും മത്​സരിക്കാം. കേസിൽ തീരുമാനമെടുക്കാൻ വർഷങ്ങൾ വേണ്ടി വരുമെന്നതിനാലാണ്​ കേസുള്ളവർക്ക്​ മത്​സരിക്കാൻ അവസരം നൽകുന്നത്​. ഇത്തരം സ്​ഥാനാർഥികൾ 2009ൽ 15 ശതമാനവും 2014ൽ 17 ശതമാനവുമായിരുന്നു.

ബി.ജെ.പിയുടെ സ്​ഥാനാർഥികളിൽ 40 ശതമാനം പേർക്കെതിരെ ക്രിമിനൽ കേസുകളുണ്ട്​. 39 ശതമാനം കോൺഗ്രസ്​ സ്​ഥാനാർഥികൾക്കെതിരെയും​ ക്രിമിനൽ കേസുകളുണ്ട്​.

സ്​ഥാനാർഥകളിൽ കോടീശ്വരൻമാരും നിരവധിയാണ്​. 29 ​ശതമാനം പേർക്ക്​ 10 മില്യണിലധികം സ്വത്തുണ്ട്​. ബി.ജെ.പിയുടെയും കോൺഗ്രസിൻെറയും 83 ശതമാനം സ്​ഥാനാർഥികളും കോടീശ്വരൻമാരാണ്​. വിവിധ നേതാക്കളിൽ നിന്നായി 34 ബില്യൺ രൂപയുടെ സ്വർണം, മദ്യം, പണം എന്നിങ്ങ​െന വിവിധ സാധനങ്ങൾ എൻഫോഴ്​സ്​​െമൻറ്​ ഡയറക്​ടറേറ്റ്​ പിടിച്ചെടുത്തിരുന്നു.

സ്​ഥാനാർഥികളിൽ 48 ശതമാനം പേർക്ക്​ മാത്രമാണ്​ ബിരുദവിദ്യാഭ്യാസമുള്ളത്​. 60 ശതമനം പേരും 50 വയസിനു താഴെയുള്ളവരാണ്​. ഒമ്പതു ശതമാനം സ്​ഥാനാർഥികൾ മാത്രമാണ്​​ സ്​ത്രീകൾ​.