Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightയുവാക്കളെ...

യുവാക്കളെ വഴിതെറ്റിക്കുന്നു; സ്​ട്രീമിങ്​ സേവനങ്ങൾ സെൻസർ ചെയ്യണമെന്ന് പ്രധാനമന്ത്രിയോട്​​ നിതീഷ്​ കുമാർ

text_fields
bookmark_border
യുവാക്കളെ വഴിതെറ്റിക്കുന്നു; സ്​ട്രീമിങ്​ സേവനങ്ങൾ സെൻസർ ചെയ്യണമെന്ന് പ്രധാനമന്ത്രിയോട്​​ നിതീഷ്​ കുമാർ
cancel

പട്​ന: സിനിമയും സീരിയലുകളും പ്രദർശിപ്പിക്കുന്ന സ്​ട്രീമിങ്​ സേവനങ്ങൾ സെൻസർ ചെയ്യണമെന്ന്​ അഭ്യർഥിച്ച്​​ പ്രധാനമന്ത്രി നരേന്ദ്ര മോദിക്ക്​ കത്തെഴുതി ബിഹാർ മുഖ്യമന്ത്രി നിതീഷ്​ കുമാർ. പേക്ഷകർ അനുചിതമായ ഉള്ളടക്കങ്ങൾ കാണാതിരിക്കാൻ എത്രയും പെട്ടന്ന്​ നടപടി സ്വീകരിക്കണമെന്നും അദ്ദേഹം കത്തിൽ ആവശ്യപ്പെട്ടു. ഇന്ത്യയിൽ വലിയ രീതിയിൽ പ്രചാരത്തിലുള്ള ആമസോൺ പ്രൈം, നെറ്റ്​ഫ്ലിക്​സ്​, ഹോട്​സ്റ്റാർ തുടങ്ങിയ ഒ.ടി.ടി പ്ലാറ്റ്​ഫോമുകളെ ഉദ്ദേശിച്ചാണ്​ നിതീഷ്​ കുമാർ പ്രധാനമന്ത്രിക്ക്​ കത്തെഴുതിയത്​.

ഇത്തരം സ്​ട്രീമിങ്ങ്​ സേവനങ്ങൾ സെൻസർ ചെയ്​തിട്ടില്ലെന്നും സബ്​സ്​ക്രൈബർമാർക്ക്​ ഏറെ വയലൻസും ലൈംഗികതയും വൃത്തികേടുമുള്ള ഉള്ളടക്കങ്ങൾ എളുപ്പം കാണാൻ അവ സഹായിക്കുന്നുവെന്നും കത്തിൽ പറയുന്നു. ഇത്തരം ഉള്ളടക്കം കാഴ്​ചക്കാരുടെ മനസിനെ മോശമായി ബാധിക്കുന്നു. പ്രത്യേകിച്ച്​ കുട്ടികളുടെ. കൂടുതൽ നേരം അതുപോലുള്ള സിനിമകളും സീരീസുകളും കാണുന്നത്​ അത്ര നല്ലതല്ല. അത്​ സ്​ത്രീകൾക്കും കുട്ടികൾക്കും നേരെയുള്ള അതിക്രമങ്ങൾ പോലെയുള്ള വലിയ സാമൂഹിക പ്രശ്​നങ്ങളും ഉണ്ടാക്കുന്നുവെന്നും നിതീഷ്​ കുമാർ കത്തിൽ ചൂണ്ടിക്കാട്ടി.

പോൺ വെബ്​സൈറ്റുകൾ നിരോധിക്കാനും ബിഹാർ മുഖ്യമന്ത്രി ആവശ്യപ്പെട്ടിട്ടുണ്ട്​. യുവാക്കളുടെ മാനസിക ആരോഗ്യനിലയെ അത്​ കാര്യമായി ബാധിക്കുന്നതായും സ്​ത്രീകൾക്കും കുട്ടികൾക്കും നേരെയുള്ള കുറ്റകൃത്യങ്ങളിലേക്ക്​ നയിക്കുന്നുവെന്നും അദ്ദേഹം പറയുന്നു. ഡി.ടി.എച്ച്​ സേവനങ്ങളേക്കാൾ ചീപ്പായ സ്​ട്രീമിങ്ങ്​ സേവനം ആളുകളുടെ ഇടയിൽ വലിയ സ്വാധീനമുണ്ടാക്കിയിട്ടുണ്ട്​.

ഇത്തരം പ്ലാറ്റ്​ഫോമുകളിലൂടെ സ്​ട്രീം ചെയ്യുന്ന ഉള്ളടക്കവുമായി ബന്ധപ്പെട്ടുള്ള നിയമവ്യവസ്ഥകളെ കുറിച്ച്​ വ്യക്​തത കുറവായതിനാൽ പരസ്യങ്ങൾ പോലുമില്ലാതെ സെൻസർ ചെയ്യാത്ത മോശം ഉള്ളടക്കങ്ങൾ ഉൾപെടുത്തിയുള്ള പ്രോഗ്രാമുകൾ പ്രദർശിപ്പിക്കുന്നു. ഇത്തരം സേവനങ്ങൾ സെൻസർ ചെയ്യാനുള്ള നടപടികൾ കേന്ദ്ര സർക്കാർ ഉടൻതന്നെ സ്വീകരിക്കണമെന്നും നിതീഷ്​ കുമാർ കൂട്ടിച്ചേർത്തു.

Show Full Article
TAGS:nitish kumar ott platform netflix amazon prime 
Next Story