പ്രതിപക്ഷം ബഹിഷ്‍കരിച്ചു; നിതീഷ് വിശ്വാസ​ വോട്ട് നേടി, മൂന്ന് ആർ.ജെ.ഡി എം.എൽ.എമാർ മറുകണ്ടം ചാടി

പ​ട്ന: രാ​ഷ്ട്രീ​യ നി​റം​മാ​റ്റ​ങ്ങ​​ൾ​ക്കൊ​ടു​വി​ൽ മ​ഹാ​സ​ഖ്യം വി​ട്ട് എ​ൻ.​ഡി.​എ​ക്കൊ​പ്പം ചേ​ർ​ന്ന് ഒ​മ്പ​താം ത​വ​ണ​യും ബി​ഹാ​ർ മു​ഖ്യ​മ​ന്ത്രി​യാ​യ ജ​ന​താ​ദ​ൾ (യു) ​നേ​താ​വ് നി​തീ​ഷ് കു​മാ​ർ നി​യ​മ​സ​ഭ​യി​ൽ വി​ശ്വാ​സ വോ​ട്ട് നേ​ടി. പ്ര​തി​പ​ക്ഷ ബ​ഹി​ഷ്‍ക​ര​ണ​ത്തി​നു​പി​ന്നാ​ലെ ന​ട​ന്ന വോ​ട്ടെ​ടു​പ്പി​ൽ 243 അം​ഗ സ​ഭ​യി​ലെ 129 പേ​ർ നി​തീ​ഷി​നെ പി​ന്തു​ണ​ച്ചു (129-0). കേ​വ​ല ഭൂ​രി​പ​ക്ഷ​ത്തി​ന് 122 പേ​രു​ടെ പി​ന്തു​ണ​യാ​ണ് വേ​ണ്ടി​യി​രു​ന്ന​ത്. മൂ​ന്ന് രാ​ഷ്ട്രീ​യ ജ​ന​താ​ദ​ൾ (ആ​ർ.​ജെ.​ഡി) എം.​എ​ൽ.​എ​മാ​ർ എ​ൻ.​ഡി.​എ​ക്കൊ​പ്പം ചേ​ർ​ന്ന് നി​തീ​ഷി​ന് വോ​ട്ട് ചെ​യ്ത​ത് പ്ര​തി​പ​ക്ഷ​ത്തി​ന് തി​രി​ച്ച​ടി​യാ​യി.

2005നു​മു​മ്പു​ള്ള 15 വ​ർ​ഷ ഭ​ര​ണ​കാ​ല​ത്ത് ആ​ർ.​ജെ.​ഡി വ​ൻ അ​ഴി​മ​തി ന​ട​ത്തി​യെ​ന്നും പു​തി​യ സ​ർ​ക്കാ​ർ ഇ​തി​നെ​ക്കു​റി​ച്ച് ​അ​ന്വേ​ഷ​ണം ന​ട​ത്തു​മെ​ന്നും വി​ശ്വാ​സ വോ​ട്ട് ച​ർ​ച്ച​യി​ൽ സം​സാ​രി​ക്ക​വേ നി​തീ​ഷ് കു​മാ​ർ പ്ര​ഖ്യാ​പി​ച്ചു. ത​ന്റെ ഭ​ര​ണ​നേ​ട്ട​ങ്ങ​ളു​ടെ ക്രെ​ഡി​റ്റ് ത​ട്ടി​യെ​ടു​ക്കാ​നാ​ണ് ആ​ർ.​ജെ.​ഡി ശ്ര​മി​ച്ച​ത്. ബി​ഹാ​റി​ന്റെ വി​ക​സ​ന​ത്തി​നാ​യി ലാ​ലു, റാ​ബ്റി സ​ർ​ക്കാ​റു​ക​ൾ ഒ​ന്നും ചെ​യ്തി​ല്ലെ​ന്നും നി​തീ​ഷ് കു​റ്റ​പ്പെ​ടു​ത്തി.

നി​തീ​ഷ് കു​മാ​റി​നെ പി​താ​വി​നെ​പ്പോ​ലെ​യാ​ണ് ക​ണ്ടി​രു​ന്ന​തെ​ന്നും മ​ഹാ​സ​ഖ്യ​ത്തെ വ​ഞ്ചി​ച്ച് വീ​ണ്ടും എ​ൻ.​ഡി.​എ​ക്കൊ​പ്പം ചേ​രാ​നു​ള്ള അ​ദ്ദേ​ഹ​ത്തി​ന്റെ തീ​രു​മാ​നം അ​ത്ഭു​ത​പ്പെ​ടു​ത്തി​യെ​ന്നും ബ​ഹി​ഷ്‍ക​ര​ണ​ത്തി​ന് മു​മ്പു​ള്ള പ്ര​സം​ഗ​ത്തി​ൽ ആ​ർ.​ജെ.​ഡി നേ​താ​വും മു​ൻ ഉ​പ​മു​ഖ്യ​മ​ന്ത്രി​യു​മാ​യ തേ​ജ​സ്വി യാ​ദ​വ് പ​റ​ഞ്ഞു. മോ​ദി​യു​ടെ ഗാ​ര​ന്റി​യെ​ക്കു​റി​ച്ച് വ​ലി​യ അ​വ​കാ​ശ​വാ​ദ​ങ്ങ​ൾ ഉ​ന്ന​യി​ക്കു​ന്ന ബി.​ജെ.​പി​ക്ക് നി​തീ​ഷ് കു​മാ​ർ വീ​ണ്ടും മ​ല​ക്കം​മ​റി​യു​മോ​യെ​ന്ന കാ​ര്യ​ത്തി​ൽ വ​ല്ല ഉ​റ​പ്പും ഉ​ണ്ടോ​യെ​ന്നും തേ​ജ​സ്വി പ​രി​ഹ​സി​ച്ചു.

ഗ​വ​ർ​ണ​റു​ടെ ന​യ​പ്ര​ഖ്യാ​പ​ന പ്ര​സം​ഗ​ത്തി​നു​പി​ന്നാ​ലെ സ്പീ​ക്ക​റെ അ​വി​ശ്വാ​സ പ്ര​മേ​യ​ത്തി​ലൂ​ടെ പു​റ​ത്താ​ക്കി​യ​തി​നാ​ൽ ഡെ​പ്യൂ​ട്ടി സ്പീ​ക്ക​ർ മ​ഹേ​ശ്വ​ർ ഹ​സാ​രി​യാ​ണ് വി​ശ്വാ​സ വോ​ട്ടെ​ടു​പ്പ് നി​യ​ന്ത്രി​ച്ച​ത്. ആ​ർ.​ജെ.​ഡി എം.​എ​ൽ.​എ​മാ​രാ​യ ചേ​ത​ൻ ആ​ന​ന്ദ്, നീ​ലം ദേ​വി, പ്ര​ഹ്ലാ​ദ് യാ​ദ​വ് എ​ന്നി​വ​ർ ഭ​ര​ണ​പ​ക്ഷ ബെ​ഞ്ചി​ലി​രു​ന്നു. തേ​ജ​സ്വി യാ​ദ​വ് ക്ര​മ​പ്ര​ശ്നം ഉ​ന്ന​യി​ച്ചെ​ങ്കി​ലും ഡെ​പ്യൂ​ട്ടി സ്പീ​ക്ക​ർ പ​രി​ഗ​ണി​ച്ചി​ല്ല.

പ്ര​തി​പ​ക്ഷം ബ​ഹി​ഷ്‍ക​രി​ച്ച​തി​നാ​ൽ ശ​ബ്ദ​വോ​ട്ടോ​ടെ വി​ശ്വാ​സ പ്ര​മേ​യം പാ​സാ​ക്കി. ബി.​ജെ.​പി​ക്ക് 78, ജെ.​ഡി.​യു​വി​ന് 45, ജി​ത​ൻ റാം ​മാ​ഞ്ചി​യു​ടെ ഹി​ന്ദു​സ്ഥാ​ൻ അ​വാം മോ​ർ​ച്ച​ക്ക് നാ​ല് സീ​റ്റു​മാ​ണ് ബി​ഹാ​ർ നി​യ​മ​സ​ഭ​യി​ലു​ള്ള​ത്. ഒ​രു സ്വ​ത​ന്ത്ര എം.​എ​ൽ.​എ​യു​ടെ പി​ന്തു​ണ​യും സ​ർ​ക്കാ​റി​നു​ണ്ട്. ആ​ർ.​ജെ.​ഡി- കോ​ൺ​ഗ്ര​സ് പ്ര​തി​പ​ക്ഷ സ​ഖ്യ​ത്തി​ന് 114 സീ​റ്റാ​ണു​ള്ള​ത്.

സ്പീക്കർ പുറത്ത്

പ​ട്ന: ഭ​ര​ണ​പ​ക്ഷം കൊ​ണ്ടു​വ​ന്ന അ​വി​ശ്വാ​സ പ്ര​മേ​യം വി​ജ​യി​ച്ച​തി​നെ തു​ട​ർ​ന്ന് ബി​ഹാ​ർ നി​യ​മ​സ​ഭ സ്പീ​ക്ക​ർ അ​വ​ധ് ബി​ഹാ​രി ചൗ​ധ​രി പു​റ​ത്ത്. പ്ര​മേ​യ​ത്തി​ന് അ​നു​കൂ​ല​മാ​യി 125 പേ​ർ വോ​ട്ട് ചെ​യ്ത​പ്പോ​ൾ 112 പേ​ർ എ​തി​ർ​ത്തു. നി​തീ​ഷ് കു​മാ​ർ എ​ൻ.​ഡി.​എ പി​ന്തു​ണ​യോ​ടെ മു​ഖ്യ​മ​ന്ത്രി​യാ​യ​തു മു​ത​ൽ, ആ​ർ.​ജെ.​ഡി നേ​താ​വാ​യ ചൗ​ധ​രി​ക്കു​മേ​ൽ സ്ഥാ​ന​മൊ​ഴി​യാ​ൻ സ​മ്മ​ർ​ദ​മു​ണ്ടാ​യി​രു​ന്നു. എ​ന്നാ​ൽ, അ​ദ്ദേ​ഹം കൂ​ട്ടാ​ക്കി​യി​രു​ന്നി​ല്ല. തു​ട​ർ​ന്നാ​ണ് നി​യ​മ​സ​ഭ സ​മ്മേ​ള​ന​ത്തി​ൽ ഗ​വ​ർ​ണ​റു​ടെ ന​യ​പ്ര​ഖ്യാ​പ​ന പ്ര​സം​ഗ​ത്തി​നു പി​ന്നാ​ലെ ബി.​ജെ.​പി എം.​എ​ൽ.​എ ന​ന്ദ്കി​ഷോ​ർ യാ​ദ​വ് അ​വി​ശ്വാ​സ പ്ര​മേ​യം അ​വ​ത​രി​പ്പി​ച്ച​ത്.