Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightസംശയമൊന്നുമില്ല...

സംശയമൊന്നുമില്ല നിതീഷ്​ തന്നെ മുഖ്യമന്ത്രി -ബി.ജെ.പി നേതാവ്​ സുശീൽ മോദി

text_fields
bookmark_border
സംശയമൊന്നുമില്ല നിതീഷ്​ തന്നെ മുഖ്യമന്ത്രി -ബി.ജെ.പി നേതാവ്​ സുശീൽ മോദി
cancel
camera_alt

നിതീഷ്​ കുമാറും സുശീൽ മോദിയും

പട്ന: ബിഹാറിൽ ജെ.ഡി.യു നേതാവ്​ നിതീഷ്​ കുമാർ തന്നെ മുഖ്യമന്ത്രിയാകുമെന്നും അക്കാര്യത്തിൽ യാതൊരു തർക്കവുമില്ലെന്ന്​ ബി.ജെ.പി നേതാവ്​ സുശീൽ മോദി. എൻ.ഡി.എ വിട്ട്​ മഹാസഖ്യത്തോടൊപ്പം ചേരാൻ കോൺഗ്രസ്​ നേതാവ്​ ദിഗ്​വിജയ സിങ്​ ആഹ്വാനം ചെയ്​തതിന്​ പിന്നാലെയാണ്​ നിതീഷിനെ ചേർത്തു പിടിച്ചുകൊണ്ട്​ ബി.ജെ.പിയുടെ പ്രഖ്യാപനം.

243 സീറ്റിലേക്ക്​ നടന്ന തെരഞ്ഞെടുപ്പിൽ 74 സീറ്റുകളുമായി ബി.ജെ.പി എൻ.ഡി.എ സഖ്യത്തിലെ ഏറ്റവും വലിയ കക്ഷിയായി മാറിയിരുന്നു. ഭരണം നിലനിർത്തിയെങ്കിലും 43 സീറ്റുകളിലേക്ക്​ ഒതുങ്ങിയ ജെ.ഡി.യുവിന്​ തെരഞ്ഞെടുപ്പ്​ നിരാശയാണ്​ സമ്മാനിച്ചത്​.

സഖ്യത്തിൽ മേൽക്കോയ്​മ ലഭിച്ച സാഹചര്യത്തിൽ സംസ്​ഥാനത്ത്​ ആദ്യമായി മുഖ്യമന്ത്രി പദം അലങ്കരിക്കാനുള്ള അവസരം ബി.ജെ.പിയുടെ മുന്നിലെത്തിയിരുന്നു. എന്നാൽ തുടർച്ചയായ നാലാം തവണയും നിതീഷിന്​ മുഖ്യമന്ത്രിയാക്കാൻ ബി.ജെ.പി സമ്മതം മൂളുകയായിരുന്നു.

'ഞങ്ങളുടെ പ്രതിബദ്ധത പോലെ നിതീഷ്ജി മുഖ്യമന്ത്രിയായി തുടരും. ഇതിൽ ആശയക്കുഴപ്പമില്ല. ചിലർ കൂടുതൽ വിജയിക്കും ചിലർ കുറച്ചും. എന്നാൽ ഞങ്ങൾ തുല്യരായ പങ്കാളികളാണ്​' -ബി.ജെ.പി നേതാവും ഉപമുഖ്യമന്ത്രിയുമായ സുശീൽകുമാർ മോദി ചൊവ്വാഴ്​ച പറഞ്ഞു.

സ്വന്തം നിലയിൽ ഭൂരിപക്ഷമില്ലാത്ത ബി.ജെ.പിക്ക്​ സർക്കാർ രൂപീകരിക്കാൻ നിതീഷി​െൻറ പിന്തുണ കൂടിയേ തീരൂ. കിങ്​മേക്കർ ആകുമെന്ന്​ വിലയിരുത്തപ്പെട്ടിരുന്ന എൽ.ജെ.പിയുടെ ചിരാഗ്​ പാസ്വാൻ ഒരു സീറ്റിലൊതുങ്ങിയിരുന്നു. നിതീഷുമായി ഉടക്കി ഒറ്റക്ക്​ മത്സരിച്ച ചിരാഗാണ്​ ജെ.ഡി.യുവി​െൻറ ഫലത്തെ നിർണായകമായി സ്വാധീനിച്ചത്​. ബി.ജെ.പി മത്സരിച്ച സീറ്റുകളിൽ ചിരാഗ്​ സ്​ഥാനാർഥികളെ നിർത്തിയിരുന്നില്ല.

ഇക്കുറി 76 സീറ്റുകളിൽ വിജയിച്ച്​ ആർ.ജെ.ഡി ബിഹാറിലെ ഏറ്റവും വലിയ ഒറ്റകക്ഷിയായി. വൻമുന്നേറ്റം നടത്തിയ ബി.ജെ.പി 73 സീറ്റുമായി എൻ.ഡി.എയിലെ ഏറ്റവും വലിയ കക്ഷിയായി മാറി. വോട്ടുവിഹിതത്തി​െൻറ കാര്യത്തിലും ബി.ജെ.പി (23.03) മുന്നിലെത്തി. എൻ.ഡി.എയിൽ നിന്ന്​ മാറി 150 ഇടങ്ങളിൽ ഒറ്റക്ക്​ മത്സരിച്ച ചിരാഗ്​ പാസ്വാ​െൻറ എൽ.ജെ.പിക്ക്​ ഒരു സീറ്റ്​ മാത്രമാണ്​ നേടാനായത്​.

70 സീറ്റുകളിൽ മത്സരിച്ച കോൺഗ്രസിന്​ 19 സീറ്റുകൾ കൊണ്ട്​ തൃപ്​ത്തിപെടേണ്ടി വന്നു​. 29 സീറ്റുകളിൽ മത്സരിച്ച ഇടതു പാർട്ടികളായ സി.പി.ഐ (എം.എൽ), സി.പി.ഐ, സി.പി.എം എന്നിവർ 16 സീറ്റിൽ വിജയിച്ച്​ മികച്ച പ്രകടനം കാഴ്​ചവെച്ചു. മായാവതിയുടെ ബി.എസ്​.പിയുമായി സഖ്യത്തിലേർപെട്ടിരുന്ന അസദുദ്ദീൻ ഉവൈസിയുടെ എ.ഐ.എം.ഐ.എം അഞ്ച്​ സീറ്റ്​ നേടി.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:nitish kumarSushil Modibihar election 2020
Next Story