You are here

നീതി ആയോഗ്​ വൈസ്​ ചെയർമാൻ പെരുമാറ്റച്ചട്ടം ലംഘിച്ചുവെന്ന്​ തെരഞ്ഞെടുപ്പ്​ കമീഷൻ

21:47 PM
05/04/2019
nithi-ayog-23

ന്യൂഡൽഹി: നീതി ആയോഗ്​ വൈസ്​ ചെയർമാൻ രാജീവ്​ കുമാർ മാതൃക പെരുമാറ്റച്ചട്ടം ലംഘിച്ചുവെന്ന്​ തെരഞ്ഞെടുപ്പ്​ കമീഷൻ. കോൺഗ്രസിൻെറ ന്യായ്​ പദ്ധതിക്കെതിരെ സംസാരിച്ചതാണ്​ അദ്ദേഹത്തിന്​ വിനയായത്​. ഇതുമായി ബന്ധപ്പെട്ട്​ രാജീവ്​ കുമാറിൻെറ മറുപടി തൃപ്​തികരമല്ലെന്ന്​ കമീഷൻ വ്യക്​തമാക്കി. നീതി ആയോഗ്​ വൈസ്​ ചെയർമാൻ എന്ന നിലയിലല്ല സാമ്പത്തികശാസ്​ത്രജ്ഞൻ എന്ന രീതിയിലാണ്​ താൻ ന്യായ്​ പദ്ധതിയെ കുറിച്ച്​ അഭിപ്രായപ്രകടനം നടത്തിയതെന്നായിരുന്നു രാജീവ്​ കുമാറിൻെറ മറുപടി.

സർക്കാർ ജീവനക്കാർ പക്ഷപാതിത്വപരമായ പ്രസ്​താവനകൾ നടത്തരുതെന്നും അത്​ തെരഞ്ഞെടുപ്പ്​ പെരുമാറ്റച്ചട്ടത്തിൻെറ ലംഘനമാവുമെന്നും കമീഷൻ ചൂണ്ടിക്കാട്ടി. രാജീവ്​ കുമാറിൻെറ പ്രസ്​താവനയി​ലുള്ള അതൃപ്​തി പ്രകടമാക്കിയ കമീഷൻ ഇനി ആവർത്തിക്കരുതെന്ന്​ താക്കീത്​ ചെയ്യുകയും ചെയ്​തു. 

തെരഞ്ഞെടുപ്പ്​ വാഗ്​ദാനം മാത്രമാണ്​ കോൺഗ്രസിൻെറ ന്യായ്​ പദ്ധതിയെന്നായിരുന്നു രാജീവ്​ കുമാറിൻെറ വിമർശനം. ഒരിക്കലും ഇത്​ നടപ്പിലാക്കാൻ കഴിയില്ലെന്നും അദ്ദേഹം വ്യക്​തമാക്കിയിരുന്നു.

Loading...
COMMENTS