സമ്പദ്​വ്യവസ്ഥ രണ്ടക്ക വളർച്ച നേടു​െമന്ന്​ നിതി ആയോഗ്​; കമ്പനികളുടെ ഓഹരി വിറ്റഴിക്കൽ അനുകൂലമാകും

ന്യൂഡൽഹി: രാജ്യാന്തര ​െക്രഡിറ്റ്​ റേറ്റിങ്​ ഏജൻസികളുടെ വിലയിരുത്തലിന്​ വിരുദ്ധമായി നടപ്പ് സാമ്പത്തിക വർഷം ഇന്ത്യയുടെ സമ്പദ്‌വ്യവസ്ഥ ഇരട്ട അക്ക വളർച്ച രേഖപ്പെടുത്തുമെന്ന്​ നിതി ആയോഗ് വൈസ് ചെയർമാൻ രാജീവ് കുമാർ. നടപ്പു സാമ്പത്തിക വർഷം രാജ്യത്തെ ഓഹരി വിറ്റഴിക്കൽ സാഹചര്യം മികച്ചതായിരിക്കുമെന്നും​ പി.ടി.ഐക്ക്​ നൽകിയ അഭിമുഖത്തിൽ അദ്ദേഹം പറഞ്ഞു.

നേരത്തേ ​െക്രഡിറ്റ്​ റേറ്റിങ്​ ഏജൻസികളായ ഫിച്ചും എസ്​ ആൻഡ്​ പിയും​ നടപ്പു സാമ്പത്തിക വർഷം ഇന്ത്യയുടെ സാമ്പത്തിക വളർച്ച നിരക്ക്​ കുറയുമെന്ന്​ ​ പ്രവചിച്ചിരുന്നു​​. ഇന്ത്യയുടെ സാമ്പത്തിക വളർച്ച 12.8 ശതമാനത്തിൽനിന്ന്​ 10 ആയി കുറയു​മെന്നായിരുന്നു ഫിച്ചി‍​െൻറ വിലയിരുത്തൽ. എസ്​ ആൻഡ്​ പി 11 ശതമാനത്തിൽനിന്ന് വളർച്ച നിരക്ക്​ ​ 9.5 ആയി കുറച്ചിരുന്നു. എന്നാൽ, കോവിഡ്​ ഒന്നാം തരംഗം ഏൽപിച്ച ആഘാതത്തിൽനിന്ന്​ കരകയറാനുള്ള ശ്രമം മന്ദഗതിയിലായ സാഹചര്യത്തിലാണ്​ സാമ്പത്തിക റേറ്റിങ്​ ഏജൻസികൾ രാജ്യത്തെ വളർച്ച നിരക്ക്​ കുറയുമെന്ന്​ വിലയിരുത്തിയത്​. വൈകാതെ അതു​ വീണ്ടും ഉയർത്തിയേക്കുമെന്നാണ്​ കരുതുന്നതെന്ന്​ രാജീവ്​ കുമാർ പറഞ്ഞു.

2021 മാർച്ച്​ 31ന്​ അവസാനിച്ച സാമ്പത്തിക വർഷം ഇന്ത്യയുടെ സാമ്പത്തിക വളർച്ച 7.3 ശതമാനമാണ്​. പുതിയ സാഹചര്യത്തിൽ ലഭിക്കുന്ന സൂചനകൾ വിലയിരുത്തു​േമ്പാൾ ഇന്ത്യക്ക്​ രണ്ടക്ക വളർച്ച കൈവരിക്കാൻ കരുത്തുണ്ടെന്നാണ്​ മനസ്സിലാക്കുന്നത്​. കോവിഡി‍​െൻറ രണ്ടു​ തരംഗങ്ങളിൽനിന്ന്​ പാഠം ഉൾക്കൊണ്ട്​ സംസ്ഥാനങ്ങൾ മൂന്നാം തരംഗം നേരിടാൻ സജ്ജമായിട്ടുണ്ട്​. രണ്ടാം പാദത്തിൽ സാമ്പത്തിക പ്രവർത്തനങ്ങൾ കൂടുതൽ കരുത്തുപ്രാപിച്ചിട്ടുമുണ്ട്​.

ഉരുക്ക്​, സിമൻറ്​ നിർമാണ മേഖലകളിൽ നിക്ഷേപ ശേഷി നിലവിൽ കൂടുതൽ വർധിച്ചതായാണ്​ കാണുന്നത്​​​. കോവിഡ്​ ഏൽപിച്ച സാമ്പത്തിക ആഘാതം മൂലം ഉപഭോക്താക്കളുടെ വാങ്ങൽ ത്വര കുറഞ്ഞു​. മൂന്നാം പാദത്തോടെ ഇതിൽ മാറ്റമുണ്ടാകും. മൂന്നാം തരംഗം നേരിടാൻ കേന്ദ്ര സർക്കാർ നടത്തുന്ന സജ്ജീകരണങ്ങൾ മികച്ചതാണ്​-അദ്ദേഹം പറഞ്ഞു.