Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകാർഷികമേഖലക്കായി...

കാർഷികമേഖലക്കായി ഒരുലക്ഷം കോടി രൂപയുടെ പദ്ധതി -ധനമന്ത്രി

text_fields
bookmark_border
കാർഷികമേഖലക്കായി ഒരുലക്ഷം കോടി രൂപയുടെ പദ്ധതി -ധനമന്ത്രി
cancel

ന്യൂഡൽഹി: കാർഷിക, ഭക്ഷ്യധാന്യ മേഖലക്ക്​ പ്രധാന്യം നൽകിയാണ്​ സാമ്പത്തിക പാക്കേജിൻെറ​ മൂന്നാം ഘട്ടമെന്ന്​ ധനമന്ത്രി നിർമല സീതാരാമൻ. 11 ഇന കർമപദ്ധതിയിൽ ഊന്നിയായിരിക്കും​ പ്രധാനമായും പാക്കേജ്​. ഇതിൽ എ​ട്ടെണ്ണം നിർമാണം, കാർഷികം, ഗതാഗതം, വിതരണശൃംഘല തുടങ്ങിയ അടിസ്​ഥാന മേഖലക്ക്​ പ്രധാന്യം നൽകിയായിരിക്കും. ഭരണ നിർവഹണത്തിനുവേണ്ടിയായിരിക്കും മറ്റു മൂന്നിന കർമപദ്ധതികൾ.

കാർഷികമേഖലക്കായി ഒരുലക്ഷം കോടി രൂപയുടെ പദ്ധതി നടപ്പാക്കുമെന്ന്​ ധനമന്ത്രി. വിളകളുടെ സംഭരണം മെച്ചപ്പെടുത്താനാണ്​ ഈ തുക. ഭക്ഷ്യമേഖലയിലെ നാമമാത്ര സംരംഭങ്ങൾക്ക്​ 10,000 കോടിയും അനുവദിക്കും. കാർഷിക മേഖലക്കായി ഒരുലക്ഷം കോടി വകയിരുത്തുന്നത്​ ആഗോള തലത്തിൽ പ്രവർത്തിക്കാൻ തയാറെടുക്കുന്ന സ്വകാര്യ കമ്പനികൾക്കും സ്​റ്റാർട്ട്​ അപ്പുകൾക്കും ഉത്തേജനമാകും.

പ്രധാനമന്ത്രി നരേന്ദ്ര മോദി പ്രഖ്യാപിച്ച 20 ലക്ഷം കോടി രൂപയുടെ ആത്മനിർഭർ ഭാരത്​ സാമ്പത്തിക ഉത്തേജന പാക്കേജിൻെറ മൂന്നാംഘട്ട വിവരങ്ങൾ വാർത്ത സമ്മേളനത്തിൽ വിശദീകരിക്കുകയായിരുന്നു ധനമന്ത്രി.

വാർത്താ​സമ്മേളനത്തിലെ പ്രസക്ത ഭാഗങ്ങൾ

  • തേനീച്ച വളർത്തലിന്​ 500 കോടി
  • മൃഗസംരക്ഷണത്തിൻെറ അടിസ്​ഥാന സൗകര്യ വികസനത്തിന്​ 15,000 ​േകാടി
  • പശുക്കളുടെ കുളമ്പുരോഗം നിയന്ത്രിക്കാൻ ദേശീയ പദ്ധതി കുളമ്പുരോഗത്തിനും മറ്റുമായി 13,343 കോടി രൂപ
  • പ്രധാനമന്ത്രി മത്സ്യ സമ്പദ്​ യോജന നടപ്പാക്കും. ഇതിലേക്കായി 20,000 കോടി രൂപ വകയിരുത്തും. 55 ലക്ഷം പേർക്ക്​ ഇതിൻെറ ഗുണം ലഭിക്കുമെന്നാണ്​ വിലയിരുത്തൽ
  • ഔഷധസസ്യ കൃഷിക്കായി 4000 കോടി രൂപ നൽകും. 10,00000 ഹെക്​ടർ ഭൂമിയിൽ രണ്ടുവർഷത്തിനിടയിൽ ഔഷധസസ്യ കൃഷി നടപ്പാക്കും
  • ഗംഗാതീരത്ത്​ 800 ഹെക്​ടർ ഔഷധ സസ്യ ഇടനാഴി നിർമിക്കും
  • ഭക്ഷ്യ സംസ്​കരണ മേഖലയിൽ 10,000 കോടി രൂപയു​ടെ സഹായം ലഭ്യമാക്കും
  • ക്ഷീര സഹകരണ സംഘങ്ങൾക്ക്​ 5000 കോടി. രണ്ടുകോടി കർഷകർക്ക്​ ഇതിൻെറ ഗുണം ലഭിക്കും
  • മത്സ്യത്തൊഴിലാളികൾക്ക്​ 20,000 കോടി രൂപ. ഉൾനാടൻ മത്സ്യബന്ധനത്തിന്​ പ്രോത്സാഹനം നൽകും.
  • ചെമ്മീൻ പാടങ്ങളുടെ രജിസ്​ട്രേഷൻ കാലാവധി നീട്ടി​
  • 9000 കോടി രൂപ മേഖലയിലെ അടിസ്​ഥാന സൗകര്യ വികസനത്തിന്​​
  • സ്​ത്രീകളുടെ സംരംഭങ്ങൾക്കും അസംഘടിത മേഖലക്കും മുൻതൂക്കം​
  • പ്രദേശിക ഉൽപ്പന്നങ്ങൾക്ക്​ ആഗോള ബ്രാൻഡിങ്​​ മൂല്യം ഉറപ്പാക്കും
  • കാർഷികമേഖലയിൽ കയറ്റുമതി പ്രോത്സാഹിക്കും. ഇതിനായി സർക്കാർ സഹായം നൽകും
  • പ്രാദേശിക വൈവിധ്യങ്ങളെ പ്രോത്സാഹിക്കും
  • രാജ്യത്ത്​ 85 ശതമാനം ചെറുകിട കർഷകരുണ്ട്​. പ്രതിസന്ധിക്കിടയിലും ഇന്ത്യ കാർഷിക മേഖലയിൽ വിജയം കൈവരിച്ചു 
  • ഇന്ത്യ ലോകത്തിലെ ഏറ്റവും വലിയ ക്ഷീര, ചണം എന്നിവയുടെ പ്രധാന ഉൽപ്പാദകർ ഇന്ത്യയാണ്​.
  • മൃഗസംരക്ഷണത്തിനും പ്രധാന്യം നൽകും
  • ലോക്​ഡൗണിനിടെ 74,300 കോടി രൂപ കാർഷികമേഖലയിൽ ചെലവാക്കി. അടച്ചുപൂട്ടൽ കാലയളവിൽ രണ്ടുകോടി കർഷകർക്ക്​ ഇതിൻെറ ഗുണം ലഭിച്ചു
  • പി.എം കിസാൻ സമ്മാൻ പദ്ധതി വഴി 18,700 കോടി കർഷകരുടെ അക്കൗണ്ടിൽ നിക്ഷേപിച്ചു
Show Full Article
TAGS:nirmala sitharaman Financial Package finance malayalam news india news 
News Summary - Nirmala Sitharaman Press Conference Third Session -India news
Next Story