നിർമല സീതാരാമൻ ഉപയോഗിക്കുന്നത്​ സ്വദേശി ഐപാഡോ അതോ ആപ്പ്​ളിന്‍റെയോ?

ന്യൂഡൽഹി: കേന്ദ്രബജറ്റ്​ ചരിത്രത്തി​ൽ ആദ്യമായി പേപ്പർ രഹിത ബജറ്റ്​ അവതരിപ്പിക്കാനൊരുങ്ങുകയാണ്​ ധനമന്ത്രി നിർമല സീതാരാമൻ. രണ്ടുവർഷം മുമ്പ്​ പരമ്പരാഗതമായി ഉപയോഗിച്ചുവന്നിരുന്ന തവിട്ടുനിറത്തിലെ പെട്ടി​ മാറ്റി ചു​വന്ന പട്ടിൽ പൊതിഞ്ഞാണ്​ ബജറ്റ്​ പേപ്പറുകൾ കൊണ്ടുവന്നത്​. എന്നാൽ ഇത്തവണ പ്രിന്‍റ്​ ചെയ്​ത പേപ്പറുകൾ ഒഴിവാക്കി ടാബ്​ലെറ്റ്​ ഉപയോഗിച്ചായിരിക്കും​ ബജറ്റ്​ അവതരണം. സ്വർണനിറത്തിൽ ദേശീയ ചിഹ്നം പതിച്ച ചുവന്ന നിറത്തിലുള്ള കവറി​ൽ പൊതിഞ്ഞ ടാബ്​​െലറ്റുമായാണ്​ ധനമന്ത്രി പാർലമെന്‍റിലെത്തുക. കേന്ദ്രസർക്കാർ മുന്നോട്ടുവെക്കുന്ന ഡിജിറ്റൽ ഇന്ത്യയെ പ്രോത്സാഹിപ്പിക്കലാണ്​ ലക്ഷ്യം.

ആത്മനിർഭർ ഭാരതിലൂടെ ഇന്ത്യൻ നിർമിത വസ്​തുക്കൾ പ്രോത്സാഹിപ്പിക്കുന്ന കേന്ദ്രസർക്കാർ ഏതു കമ്പനിയുടെ ടാബ്​ലറ്റാണ്​ ഉപയോഗിക്കുന്നതെന്നാണ്​ ഇപ്പോൾ സമൂഹ മാധ്യമങ്ങളിൽ ഉയരുന്ന വാദം. സ്വദേശി ടാബ്​ ഉപയോഗിച്ചായിരിക്കും ബജറ്റ്​ അവതരിപ്പിക്കുകയെന്ന സൂചന പരന്നതോടെ 'ഐപാഡ്​' ട്വിറ്ററിൽ ട്രെൻഡിങ്ങിലെത്തി. ആപ്പ്​ളിന്‍റെ ഐപാഡ്​ ഉപയോഗിച്ചായിരിക്കും ബജറ്റ്​ അവതരിപ്പിക്കുകയെന്നാണ്​ ചിലർ ഉയർത്തുന്ന വാദം. എന്നാൽ സ്വദേശി ഐപാഡ്​ ആണോ അതോ ആ​പ്പ്​​ളിന്‍റെ ഐപാഡാണോ എന്ന കാര്യം ബജറ്റ്​ അവതരണം തുടങ്ങു​േമ്പാൾ മാത്രമേ അറിയാനാകൂ.

ദീർഘകാലമായി നിലനിൽക്കുന്ന കൊ​േളാണിയൽ സംസ്​കാരം അവസാനിപ്പിക്കുന്നതിന്‍റെ ഭാഗമാണെന്നായിരുന്നു ധനമന്ത്രി തവിട്ടുനിറത്തിലെ പെട്ടി​ മാറ്റിയപ്പോഴുണ്ടായ വിലയിരുത്തൽ.

ജനുവരി ആദ്യം 'യൂനിയൻ ബജറ്റ്​ മൊബൈൽ ആപ്​' ധനമന്ത്രി അവതരിപ്പിച്ചിരുന്നു. പരമ്പരാഗത ഹൽവ സെറിമണിയിലാണ്​ ബജറ്റ്​ പേപ്പർ രഹിതമാക്കുന്നതിന്‍റെ ഭാഗമായി ആപ്ലിക്കേഷൻ അവതരിപ്പിച്ചത്​. ഇതുവഴി ബജറ്റ്​ വിവരങ്ങൾ എം.പിമാർക്ക്​ മൊബൈലിലൂടെ അറിയാനാകും. കേന്ദ്ര ബജറ്റ്​ രേഖകൾക്ക്​ പുറമെ ധനബിൽ ഉൾപ്പെടെയുള്ളവയും ഇതുവഴി ലഭ്യമാകും. പാർലമെന്‍റിൽ ധനമന്ത്രിയുടെ ബജറ്റ്​ പ്രസംഗം അവസാനിച്ചതിന്​ ശേഷമാകും മൊബൈൽ ആപ്​ വഴി ബജറ്റ്​ വിവരങ്ങൾ ലഭിക്കുക.

കോവിഡ്​ 19നെ തുടർന്നുണ്ടായ സാമ്പത്തിക പ്രതിസന്ധിക്കിടെ അവതരിപ്പിക്കുന്ന കേന്ദ്ര ബജറ്റ്​ 2021-22 മു​മ്പ്​ അവതരിപ്പിച്ചതുപോലെയുള്ള ബജറ്റായിരിക്കില്ലെന്ന്​ ധനമന്ത്രി നിർമല സീതാരാമൻ പറഞ്ഞിരുന്നു.