ദയാഹരജി നിരസിച്ചതിനെതിരെ നിർഭയ കേസ്​ പ്രതി സുപ്രീംകോടതിയിൽ

ന്യൂഡൽഹി: രാഷ്​ട്രപതി രാം​നാഥ്​ കോവിന്ദ്​ ദയാഹരജി നിരസിച്ചതിനെതിരെ നിർഭയ കേസ്​ പ്രതി സുപ്രീംകോടതിയിൽ. മുക േഷ്​ സിങ്ങാണ്​ സുപ്രീംകോടതിയിൽ ഹരജി സമർപ്പിച്ചത്​. ജനുവരി 16നാണ്​ രാംനാഥ്​ കോവിന്ദ്​ മുകേഷ്​ സിങ്ങി​​െൻറ ദയാഹരജി തള്ളിയത്​.

രാഷ്​ട്രപതി ദയാഹരജി തള്ളിയതോടെ നാല്​ പ്രതികളെയും ഫെബ്രുവരി ഒന്നിന്​ രാവിലെ ആറ്​ മണിക്ക്​ തൂക്കിലേറ്റാൻ മരവാറണ്ട്​ പുറപ്പെടുവിച്ചിരുന്നു. കേസിൽ വധശിക്ഷ വൈകിപ്പിക്കാൻ പ്രതികൾ ആസൂത്രിത ശ്രമം നടത്തുന്നുവെന്ന ആരോപണങ്ങൾക്കിടെയാണ്​ പുതിയ ഹരജി.

നേരത്തെ രേഖകൾ ആവശ്യപ്പെട്ട്​ നിർഭയ കേസ്​ പ്രതികൾ നൽകിയ ഹരജി ഡൽഹിയിലെ പട്യാല ഹൗസ്​ കോടതി തള്ളിയിരുന്നു.