Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightനിർഭയ കേസ്​ പ്രതിക്ക്​ ...

നിർഭയ കേസ്​ പ്രതിക്ക്​ സ്​കീസോഫ്രീനിയയെന്ന്​ അഭിഭാഷകൻ

text_fields
bookmark_border
നിർഭയ കേസ്​ പ്രതിക്ക്​ സ്​കീസോഫ്രീനിയയെന്ന്​ അഭിഭാഷകൻ
cancel

ന്യൂഡൽഹി: നിർഭയ​ കൂട്ടബലാൽസംഗ കേസിലെ പ്രതി വിനയ്​ കുമാർ ശർമ്മക്ക്​ വിദഗ്​ധ ചികിൽസ വേണമെന്ന്​ ആവശ്യപ്പെട്ട്​ നൽകിയ ഹരജിയിൽ ഡൽഹി കോടതി തീഹാർ ജയിൽ അധികൃതരുടെ അഭിപ്രായമാരാഞ്ഞു. സ്​കീസോഫ്രീനിയ രോഗം (ചിത്തഭ്രമം) വിനയ്​ ശ ർമ്മക്കുണ്ടെന്നാണ്​ ഹരജിയിൽ പ്രധാനമായും പറയുന്നത്​.

വിനയ്​ ശർമ്മയുടെ തലക്കും കൈകൾക്കും പരിക്കുണ്ടെന്നും സ്​​കീസോഫ്രീനിയയുണ്ടെന്നുമാണ്​ ഹരജിയിൽ പറയുന്നത്. സ്വന്തം അമ്മയെ പോലും വിനയ്​ ശർമ്മക്ക് തിരിച്ചറിയാൻ പറ്റുന്നില്ലെന്നും അഭിഭാഷകൻ പറയുന്നു. ഇക്കാര്യത്തിൽ ഉടൻ മറുപടി സമർപ്പിക്കാൻ ജസ്​റ്റിസ്​ ദർമേന്ദർ റാണ ജയിൽ അധികൃതരോട്​ ആവശ്യപ്പെട്ടു. അതേസമയം, പ്രതികൾ നൽകിയ ഹരജിയെ പ്രോസിക്യൂഷൻ എതിർത്തു.

നിർഭയ കേസ്​ പ്രതിയായ വിനയ്​ ശർമ്മ ജയിലിൽ ആത്​മഹത്യക്ക്​ ശ്രമിച്ചിരുന്നു. ചുമരിൽ തലയിടിച്ചാണ്​ വിനയ്​ ആത്​മഹത്യക്ക്​ ശ്രമിച്ചത്​. ഇതിന്​ പിന്നാലെയാണ്​ ഹരജിയുമായി പ്രതിഭാഗം അഭിഭാഷകർ രംഗത്തെത്തിയത്​. നേരത്തെ നിർഭയ കേസ്​ പ്രതികളെ മാർച്ച്​ മൂന്നിന്​ തൂക്കിലേറ്റാൻ കോടതി മരണവാറണ്ട്​ പുറപ്പെടുവിച്ചിരുന്നു.

Show Full Article
TAGS:nirbhaya case schizophrenia india news malayalam news 
Next Story