സിന്ധ്യപക്ഷത്തുള്ള 19 എം.എൽ.എമാർ രാജിക്കത്ത്​ നൽകി

ഭോപ്പാൽ: മധ്യപ്രദേശിൽ കമൽനാഥ്​ സർക്കാറുമായി ഇടഞ്ഞു നിൽക്കുന്ന എം.എൽ.എമാരിൽ 19 പേർ രാജിക്കത്ത്​ നൽകി. ബംഗളൂരുവ ിലെ അജ്ഞാത കേന്ദ്രത്തിൽ കഴിയുന്ന 17എം.എൽ.എമാരും ഇമെയിൽ വഴി രാജ്​ഭവനിലേക്ക്​ രാജിക്കത്തയച്ചത്​. രാജികത്ത്​ നൽകി യതിൽ ആറ്​ സഹമന്ത്രിമാരും ഉൾപ്പെടുന്നു.

മുതിർന്ന കോൺഗ്രസ്​ നേതാവ്​ ജ്യോതിരാദിത്യ സിന്ധ്യ രാജിവെച്ചതോടെയാണ്​ 19 എം.എൽ.എമാർ രാജിസന്നദ്ധത അറിയിച്ചത്​. സിന്ധ്യപക്ഷത്തുള്ള 17 എം.എൽ.എമാരെ കഴിഞ്ഞ ദിവസമാണ്​ പ്രത്യേക വിമാനത്തിൽ ബംഗളൂരുവിൽ എത്തിച്ചത്​. ഇവരുൾപ്പെടെ 25 പേർ രാജി വെച്ചേക്കുമെന്നാണ്​ റിപ്പോർട്ട്​.

ഈ ​മാ​സം 16നാ​ണ് മ​ധ്യ​പ്ര​ദേ​ശി​ല്‍ നി​യ​മ​സ​ഭ സ​മ്മേ​ള​നം തു​ട​ങ്ങു​ക. ഇ​തി​ല്‍ അ​വി​ശ്വാ​സ പ്ര​മേ​യം കൊ​ണ്ടു​വ​രാ​ൻ ബി.​ജെ.​പി​ നീ​ക്കം നടത്തുന്നുണ്ട്​. ജ്യോ​തി​രാ​ദി​ത്യ സി​ന്ധ്യയും അദ്ദേഹത്തി​​െൻറ പക്ഷത്തുള്ള എം.എൽ.എമാരും രാജിവെച്ച സാഹചര്യത്തിൽ കമൽനാഥ്​ സർക്കാറിന്​ ഭരണം നഷ്​ടമായേക്ക​ും.