സി.ആർ.പി.എഫിലെ ഒമ്പത് ജവാന്മാർക്ക് കൂടി കോവിഡ്

ന്യൂഡൽഹി: സെൻട്രൽ റിസർവ് പൊലീസ് ഫോഴ്സിലെ (സി.ആർ.പി.എഫ്) ഒമ്പത് ജവാന്മാർക്ക് കൂടി കോവിഡ് 19. ഇതോടെ വൈറസ് ബാധ കണ്ടെത്തിയവരുടെ എണ്ണം 335 ആയി ഉയർന്നു. രോഗം ബാധിച്ച 121 പേർ നിലവിൽ ചികിത്സയിലാണ്. രണ്ട് പേർ മരണപ്പെട്ടു. 

രാജ്യത്ത് പുതിയതായി 5,609 പേർക്കാണ് കോവിഡ് വൈറസ് സ്ഥിരീകരിച്ചത്. ഇതോടെ ആകെ ബാധിതരുടെ എണ്ണം 1,12,359 ആയി. 63,624 പേർ ചികിത്സയിലാണെന്ന് കേന്ദ്ര ആരോഗ്യ, കുടുംബ ക്ഷേമ മന്ത്രാലയം അറിയിച്ചു.