Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightപ്രവർത്തനങ്ങളെല്ലാം...

പ്രവർത്തനങ്ങളെല്ലാം നിയമപരം; അന്വേഷണവുമായി സഹകരിക്കും -ഹ്യൂമൻ വെൽഫെയർ ഫൗണ്ടേഷൻ​

text_fields
bookmark_border
പ്രവർത്തനങ്ങളെല്ലാം നിയമപരം; അന്വേഷണവുമായി സഹകരിക്കും -ഹ്യൂമൻ വെൽഫെയർ ഫൗണ്ടേഷൻ​
cancel

ഡൽഹി: തങ്ങളുടെ പ്രവർത്തനങ്ങൾ തികച്ചും സുതാര്യവും നിയമപരവുമാണെന്ന്​ സന്നദ്ധ സംഘടനകളുടെ കൂട്ടായ്​മയായ ഹ്യൂമൻ വെൽഫെയർ ഫൗണ്ടേഷൻ​ (എച്ച്​.ഡബ്ല്യു.എഫ്). അന്വേഷണത്തിൽ എൻ.ഐ.എയുമായും മറ്റ്​ സർക്കാർ ഏജൻസികളുമായും പൂർണമായി സഹകരിക്കുമെന്നും എച്ച്​.ഡബ്ല്യു.എഫ് ജനറൽ സെക്രട്ടറി ടി. ആരിഫലി വാർത്താ കുറിപ്പിൽ ​ അറിയിച്ചു.​ വ്യാഴാഴ്​ച​ നടന്ന എൻ.​െഎ.എ പരിശോധനയോട്​ പ്രതികരിക്കുകയായിരുന്നു അദ്ദേഹം.

വിദ്യാഭ്യാസം, ആരോഗ്യം, തൊഴിൽ, കുടിവെള്ള വിതരണം, അനാഥ സംരക്ഷണം, ദുരിതാശ്വാസ, പുനരധിവാസ പ്രവർത്തനങ്ങൾ തുടങ്ങിയയാണ് ഫൗണ്ടേഷ​െൻറ പ്രധാന പ്രവർത്തന മേഖലകൾ. ഫൗണ്ടേഷൻ അതി​െൻറ എല്ലാ പ്രവർത്തനങ്ങളും നിയമപരമായും ഭരണഘടന അധിഷ്​ഠിതമായുമാണ്​ നടത്തുന്നത്​. രാജ്യത്ത്​ രജിസ്റ്റർ ചെയ്​ത്​ പ്രവർത്തിക്കുന്ന നിരവധി എൻ.‌ജി.‌ഒകളുടെ കൂട്ടായ്​മയാണിത്​. ​രാജ്യത്തി​െൻറ വടക്കുകിഴക്കൻ മേഖലകളിലെ ദാരിദ്ര്യബാധിത പ്രദേശങ്ങളാണ് ഫൗണ്ടേഷ​െൻറ ശ്രദ്ധാകേന്ദ്രങ്ങൾ. സ്വയം സഹായ ഗ്രൂപ്പുകളിലൂടെയും വിവിധ പദ്ധതികളിലൂടെയും സ്ത്രീ ശാക്തീകരണത്തിനായി ഫൗണ്ടേഷൻ പ്രവർത്തിക്കുന്നുണ്ടെന്നും ആരിഫലി പറഞ്ഞു.

രാജ്യത്തി​െൻറ വിവിധ ഭാഗങ്ങളിൽ നിരവധി ആശുപത്രികളും സ്​കൂളുകളും ഡിസ്പെൻസറികളും ഫൗണ്ടേഷൻ വിജയകരമായി നടത്തുന്നുണ്ട്​. ഫൗണ്ടേഷ​െൻറ പ്രവർത്തനങ്ങൾ തികച്ചും സുതാര്യമാണ്​. അതി​െൻറ രേഖകൾ ശരിയായി ഓഡിറ്റ് ചെയ്​ത്​ ആദായനികുതി വകുപ്പിനും ചാരിറ്റി കമ്മീഷണർക്കും വർഷം തോറും സമർപ്പിക്കാറുമുണ്ട്​. ഫൗണ്ടേഷ​െൻറ സേവനങ്ങളെ പല മുതിർന്ന സർക്കാർ ഉദ്യോഗസ്ഥരും വകുപ്പുകളും ​പ്രശംസിച്ചിട്ടുണ്ടെന്നും നിരവധി രാഷ്ട്രീയ നേതാക്കൾ പ്രവർത്തനത്തിൽ ഭാഗഭാക്കാണെന്നും അദ്ദേഹം പറഞ്ഞു.

ഡൽഹിയിലെ അബുൽ ഫസൽ എൻക്ലേവിലെ ഹ്യൂമൻ വെൽഫെയർ ഫൗണ്ടേഷൻ ഒാഫീസിൽ വ്യാഴാഴ്ച രാവിലെ 7.30 നാണ്​ 15​ പേരടങ്ങുന്ന എൻ.​െഎ.എ സംഘം​ പരിശോധന നടത്തിയത്​. ഫൗണ്ടേഷൻ ട്രഷറർ മുഹമ്മദ് ജാഫറിനെയും ആക്ടിംഗ് ചീഫ് എക്സിക്യൂട്ടീവ് ഓഫീസർ പി.കെ. നൗഫലിനെയെയും ചോദ്യം ചെയ്യാനായി എൻ.​െഎ.എ കസ്റ്റഡിയിലെടുത്തിരുന്നു​. ഫയലുകളും ലാപ്ടോപ്പുകൾ, കമ്പ്യൂട്ടറുകൾ തുടങ്ങിയവയും അന്വേഷണസംഘം കൊണ്ടുപോയിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:human welfare foundationNGONIA RaidNIA
Next Story