You are here

മിർവാഇസിനും നസീം ഗീലാനിക്കും വീണ്ടും എ​ൻ.​െ​എ.​എ നോട്ടീസ്​

10:49 AM
15/03/2019

ശ്രീ​ന​ഗ​ര്‍: പ്ര​മു​ഖ വി​ഘ​ട​ന​വാ​ദി നേ​താ​വാ​യ സ​യ്യി​ദ് അ​ലി ഷാ ​ഗീ​ലാ​നി​യു​ടെ മ​ക​ൻ നസീം ഗീലാനിക്കും ഹു​ർ​റി​യ​ത്ത്​ കോ​ൺ​ഫ​റ​ൻ​സ്​ ചെ​യ​ർ​മാ​ൻ മി​ര്‍വാ​ഇ​സ് ഉ​മ​ര്‍ ഫാ​റൂ​ഖി​നും​ ദേ​ശീയ അ​ന്വേ​ഷ​ണ ഏ​ജ​ൻ​സി വീണ്ടും ഹാജരാകൽ നോ​ട്ടീ​സ്​ അ​യ​ച്ചു. ഭീ​ക​ര​പ്ര​വ​ർ​ത്ത​ന​ങ്ങ​ളു​ടെ സാ​മ്പ​ത്തി​ക സ്രോ​ത​സ്സു​മാ​യി ബ​ന്ധ​പ്പെ​ട്ട അ​​ന്വേ​ഷ​ണ​ത്തി​​​െൻറ ഭാ​ഗ​മാ​യാണ്​ എൻ.​െഎ.എ നോട്ടീസ്​ അയച്ചത്​. മാർച്ച്​ 18, 19 തിയതികളിൽ ഡ​ൽ​ഹി​യി​ലെ എ​ൻ.​െ​എ.​എ ആ​സ്​​ഥാ​ന​ത്ത്​ ചോദ്യം ചെയ്യലിന്​ ഹാജരാകാനാണ്​ ആവശ്യപ്പെട്ടിരിക്കുന്നത്​.

മാർച്ച്​ 11 ന്​ ചോ​ദ്യം ചെ​യ്യ​ലി​നാ​യി ഹാ​ജ​രാ​കണമെന്ന്​ ആ​വ​ശ്യ​പ്പെ​ട്ട്​ ഇരുവർക്കും നേരത്തെ നോട്ടീസ്​ നൽകിയിരുന്നു. ഇതേ ദിവസം ഹാജരാകത്തതിനെ തുടർന്നാണ്​ വീണ്ടും നോട്ടീസ്​ അയച്ചത്​. 

തീവ്രവാദികൾക്ക്​ സാമ്പത്തിക സാഹായം നൽകിയെന്ന കേസിൽ അ​ന്വേ​ഷ​ണ​ത്തി​​​െൻറ ഭാ​ഗ​മാ​യി ഫെബ്രുവരി 26ന്​ ​മി​ർ​വാ​ഇ​സ്​ ഉ​ള്‍പ്പെ​ടെ​യു​ള്ള ക​ശ്മീ​രി നേ​താ​ക്ക​ളു​ടെ വീ​ടു​ക​ളി​ല്‍ എ​ൻ.​െ​എ.​എ റെ​യ്ഡ് ന​ട​ത്തി​യി​രു​ന്നു. റെയ്​ഡിൽ ലാപ്​ടോപ്പുകൾ, മൊബൈൽ ഫോണുകൾ, പെൻ ഡ്രൈവ്​, ഡി.വി.ആറുകൾ, മറ്റ്​ തരത്തിലുള്ള കമ്മ്യൂണിക്കേഷൻ സിസ്​റ്റങ്ങളും അന്വേഷണ ഉദ്യോഗസ്ഥർ കണ്ടെടുത്തിരുന്നു. 

ക​ശ്മീ​ര്‍ പൊ​ലീ​സി​​​െൻറ സ​ഹാ​യ​ത്തോ​ടെ ജ​മ്മു-​ക​ശ്മീ​ര്‍ ലി​ബ​റേ​ഷ​ന്‍ ഫ്ര​ണ്ട് ചെ​യ​ര്‍മാ​ന്‍ യാ​സീ​ന്‍ മാ​ലി​ക്, അ​ശ്‌​റ​ഫ് സെ​ഹ​റാ​യ്, ഷ​ബീ​ര്‍ ഷാ, ​സ​ഫ​ര്‍ ഭ​ട്ട്, മ​സ്​​റ​ത്ത്​ ആ​ലം തു​ട​ങ്ങി​യ​വ​രു​ടെ വീ​ടു​ക​ളി​ലും അ​ന്ന്​ പ​രി​ശോ​ധ​ന ന​ട​ത്തി​യി​രു​ന്നു. 
 

Loading...
COMMENTS