Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightആ വാർത്ത പച്ചക്കള്ളം,...

ആ വാർത്ത പച്ചക്കള്ളം, നിരുത്തരവാദപരം -അമിതാഭ്​ ബച്ചൻ

text_fields
bookmark_border
ആ വാർത്ത പച്ചക്കള്ളം, നിരുത്തരവാദപരം -അമിതാഭ്​ ബച്ചൻ
cancel

ന്യൂഡൽഹി: തൻെറ രോഗാവസ്​ഥയെകുറിച്ച്​ ചാനലുകൾ പുറത്തുവിട്ട വാർത്ത പച്ചക്കള്ളവും നിരുത്തരവാദപരവുമാണെന്ന്​ നടൻ അമിതാഭ്​ ബച്ചൻ. കോവിഡ് ബാധിച്ച്​ മുംബൈ നാനാവതി ആശുപത്രിയിൽ ചികിത്സയിൽ കഴിയുന്ന ഇദ്ദേഹം രോഗമുക്​തനായതായി തെറ്റായ വാർത്ത നൽകിയതാണ്​ നടനെ ചൊടിപ്പിച്ചത്​. ടൈംസ്​ നൗ ചാനലിൻെറ പ്രസ്​തുത വാർത്ത ഉൾപ്പെടെ നൽകിയാണ്​ ട്വിറ്ററിൽ ബച്ചൻെറ പ്രതികരണം. 

കഴിഞ്ഞ ദിവസം നടത്തിയ പരിശോധനയിൽ ബച്ചന്​ കോവിഡ്​ നെഗറ്റീവ് ആയതായാണ്​ ടൈംസ്​ നൗ, ന്യൂസ്​ 18 തുടങ്ങിയ ചാനലുകൾ വാർത്ത നൽകിയത്. അദ്ദേഹം പൂർണ രോഗമുക്​തി നേടിയതായി ആശുപത്രി വൃത്തങ്ങളെ ഉദ്ധരിച്ചായിരുന്നു റിപ്പോർട്ടുകൾ. എന്നാൽ, 77കാരനായ താരം ഇക്കാര്യം രൂക്ഷമായ ഭാഷയിൽ നിഷേധിച്ചു. 

ജൂലൈ 11നാണ്​ താൻ കോവിഡ്​ പോസിറ്റീവ് ആയതായി ബച്ചൻ ട്വീറ്റ്​ ചെയ്​തത്​. പിന്നാലെ മകൻ അഭിഷേക് ബച്ചനും മരുമകൾ ഐശ്വര്യ റായിക്കും പേരക്കുട്ടിക്കും രോഗം സ്​ഥിരീകരിച്ചു. ഇതേതുടർന്ന്​ ബൃഹൻ മുംബൈ കോർപ്പറേഷൻ (ബി.എം.സി) മുംബൈയിലെ ഇദ്ദേഹത്തിൻെറ വസതിയായ ജൽസ അടച്ചിട്ടു. ഇവിടെയുണ്ടായിരുന്ന 30 ജീവനക്കാരെയും കോവിഡ്​ പരിശോധനക്ക്​ വിധേയമാക്കി.
 

Show Full Article
TAGS:amitabh bachchan aishwarya rai COVID-19 
Web Title - This News Is A Lie - Bachchan
Next Story