Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡൽഹിയിൽ കലാപകാരികൾ...

ഡൽഹിയിൽ കലാപകാരികൾ വെടിയുതിർക്കുന്നതി​െൻറ പുതിയ ദൃശ്യങ്ങൾ പുറത്ത്​

text_fields
bookmark_border
ഡൽഹിയിൽ കലാപകാരികൾ വെടിയുതിർക്കുന്നതി​െൻറ പുതിയ ദൃശ്യങ്ങൾ പുറത്ത്​
cancel

ന്യൂഡൽഹി: വടക്ക്​ കിഴക്കൻ ഡൽഹിയിലെ കലാപത്തിനിടെ യമുന വിഹാറിൽ കലാപകാരികൾ ആശുപത്രി കെട്ടിടത്തി​​െൻറ ടെറസിൽ നി ന്ന്​ വെടിയുതിർക്കുന്നതി​​െൻറ ദൃശ്യങ്ങൾ പുറത്ത്​. മോഹൻ നഴ്​സിങ്​ ഹോം ആൻറ്​ ഹോസ്​പിറ്റൽ കെട്ടിടത്തിൽ നിന് നും റോഡിലുള്ളവർക്ക്​ നേരെ വെടിവെക്കുന്നതാണ്​ ദൃശ്യങ്ങളിലുള്ളത്​.

ഫെബ്രുവരി 24ന്​ നടന്ന വെടിവെപ്പ്​ ദൃശ് യങ്ങളാണ്​ എൻ.ഡി.ടി.വി പുറത്തുവിട്ടത്​. ഹെൽമെറ്റും കറുത്ത ജാക്കറ്റും ധരിച്ച അക്രമികൾ റോഡിലുള്ള ആൾക്കൂട്ടത്തിന്​ നേരെ വെടിയുർക്കുന്നതാണ്​ ദൃശ്യങ്ങൾ. അക്രമിയെ തിരിച്ചറിയാൻ കഴിഞ്ഞിട്ടില്ല.

മറ്റൊരു​ ദൃശ്യത്തിൽ ആശുപത്രിക്ക്​ സമീപത്തുള്ള റോഡിൽ വയറിന്​ വെടിയേറ്റ്​ രക്തത്തിൽ കുളിച്ചുകിടക്കുന്ന യുവാവി​​െൻറ ദൃ​ശ്യവും കാണാം. ഇത്​ ഉത്തർപ്രദേശിലെ ബ​ുലന്ദ്​ശഹറിൽ നിന്ന​​ുള്ള ഒാ​ട്ടോ ഡ്രൈവർ ഷാഹിദ്​ ഖാൻ അലവി (22)യാണെന്ന്​ തിരിച്ചറിഞ്ഞു. ഇയാൾ ആശുപത്രിയിൽ വെച്ച്​ പിന്നീട്​ മരണപ്പെട്ടിരുന്നു.

മുസ്​ലിം ഭൂരിപക്ഷ പ്രദേശമായ ചന്ദ്​ ബാഗിലും ഹിന്ദു ഏരിയയായ യമുന വിഹാറിലും നടന്ന അക്രമത്തി​​െൻറ ദൃശ്യങ്ങൾ കലാപം ആസൂ​ത്രിതമെന്ന ആരോപണ​ത്തെ ശക്തിപ്പെടുത്തുന്നതാണ്​. ചന്ദ്​ ബാഗിലും യമുന വിഹാറിലും വെടിവെപ്പ്​ നടത്തിയവരെ തിരിച്ചറിയാൻ പോലും പൊലീസിന്​ കഴിഞ്ഞിട്ടില്ല. ജാഫ്രാ ബാദിൽ പ്രതിഷേധക്കാർക്കുനേരെ വെടിവെച്ച ഷാരൂഖ്​ എന്നയാളെ മാത്രമാണ്​ വെടിവെപ്പ്​ നടത്തിയെന്ന പേരിൽ പൊലീസ്​ അറസ്​റ്റു ചെയ്​തിരിക്കുന്നത്​.

വടക്ക്​കിഴക്കൻ ഡൽഹിയിൽ മൂന്നു ദിവസങ്ങളിലായി നടന്ന അക്രമസംഭവങ്ങളിൽ 53 പേരാണ്​ മരിച്ചത്​. ഇതിൽ 12 പേരും മരിച്ചത്​ വെടിയേറ്റാണ്​. 97 പേർക്ക്​ വെടി​െവപ്പിൽ പരിക്കേറ്റിട്ടുണ്ടെന്നാണ്​ റിപ്പോർട്ട്​.

Show Full Article
TAGS:delhi riot Clashes gunshot Hospital Rooftop india news 
News Summary - New Video Of Delhi Clashes Shows Firing On Crowd From Hospital Rooftop -India news
Next Story