നാരായൺ റാണെ ബി.ജെ.പിയിലേക്ക്​; പുതിയ പാർട്ടി രൂപീകരിച്ചു

മുംബൈ: മഹാരാഷ്​ട്ര മുൻമുഖ്യമന്ത്രിയും മുൻ കോൺഗ്രസ്​ നേതാവുമായ നാരായൺ റാണെ പുതിയ പാർട്ടി രൂപീകരിച്ചു. വാർത്താ സമ്മേളനം വിളിച്ചാണ്​ റാണെ മഹാരാഷ്​ട്ര സ്വാഭിമാൻ പക്ഷ എന്നു പേരിട്ട പാർട്ടിയുടെ ഒൗദ്യോഗിക പ്രഖ്യാപനം നടത്തിയത്​. മഹാരാഷ്​ട്ര സ്വാഭിമാൻ പക്ഷ ബി.ജെ.പിയെ പിന്തുണക്കുമെന്ന്​ റാണെ അറിയിച്ചു. പാർട്ടി ഉടൻ തന്നെ രജിസ്​റ്റർ ചെയ്യും. അതിനുശേഷം കൊടിയും ചിഹ്​നവും പ്രഖ്യാപിക്കു​െമന്നും റാണെ പറഞ്ഞു. കർഷകരുടെയും ന്യൂനപക്ഷങ്ങളുടെയും സ്​ത്രീകളുടെയും വികസനത്തിനായാണ്​ പാർട്ടി പ്രവർത്തിക്കുക എന്നും റാണെ വ്യക്​തമാക്കി. 

കഴിഞ്ഞമാസമാണ്​ റാണെ കോൺഗ്രസിൽ നിന്ന്​ രാജിവെച്ചത്​. 2005ൽ ശിവസേനയിൽ നിന്ന്​ രാജിവെച്ചാണ്​ റാണെ കോൺഗ്രസിൽ ചേർന്നത്​. വാർത്താ സമ്മേളനത്തിൽ ശിവ സേനയെയും നേതാവ്​ ഉദ്ധവ്​ താക്കറെ​െയയും റാണെ നിശിതമായി വിമർശിച്ചു. 

ആരാണ്​ ഉദ്ധവ്​ താക്കറെ. മുഖ്യമന്ത്രി ദേവേന്ദ്ര ഫട്​നാവിസും എൻ.സി.പി നേതാവ്​ ശരത്​ പവാറും താനും ഒരുമിച്ച്​ കഴിഞ്ഞ ദിവസം ശിവാജി പാർക്കി​െല റാലിയിൽ പ​െങ്കടുത്തതിന്​ ഉദ്ധവ്​ താക്കറെ വിമർശിച്ചു. സർക്കാറിൽ അയാളു​െട പങ്കാളിത്തമെന്താണ്​​? നരേന്ദ്ര മോദിയെയും നോട്ട്​ അസാധുവാക്കലി​െനയും താക്കറെ വിമർശിക്കുന്നു. എന്നാൽ എന്തുകൊണ്ടാണ്​ അവരു​െട മന്ത്രിമാർ നിശബ്​ദരായിരിക്കുന്നത്​? മന്ത്രിസഭാ യോഗത്തിൽ അവരിൽ പലരും ഉറങ്ങാറാണ്​. എന്തിനാണ്​ ശിവസേന ബി.ജെ.പി സഖ്യകക്ഷിയായി കടിച്ചു തൂങ്ങുന്നതെന്നും റാണെ ചോദിച്ചു. 

സഖ്യകക്ഷിയായ ബി.ജെ.പിക്കെതിരെ രാജ്യസ്​നേഹവും ഗോരക്ഷയും പഠിപ്പിക്കാൻ വരേണ്ടെന്ന ശിവസേനയു​െട വിമർശനത്തിന്​ പിറകെയാണ്​ റാണെ  താക്കറെയെ വിമർശിച്ചത്​. 

12 വർഷമായി പാർട്ടി​െയ സേവിച്ചിട്ടും മുഖ്യമന്ത്രി സ്​ഥാന​ത്തേക്ക്​ പരിഗണിക്കാത്തതിനെ തുടർന്നാണ്​ റാണെ കഴിഞ്ഞ മാസം കോൺഗ്രസ്​ വിട്ടത്​. 1999ൽ ശിവസേനയിൽ പ്രവർത്തിക്കെ മുഖ്യമന്ത്രിയായിട്ടുണ്ട്​. ബാൽ താക്കറെയു​െട മകൻ ഉദ്ധവ്​ താക്കറെക്ക്​ പാർട്ടിയിൽ മുൻഗണന ലഭിക്കുന്നതിൽ അസ്വസ്​ഥനായ റാണെ ശിവസേനയിൽ നിന്ന്​ രാജിവെക്കുകയായിരുന്നു. ​ 2005 ജൂലൈ 26നാണ്​ കോൺഗ്രസിൽ ചേർന്നത്​. അതിനു ശേഷം കോൺഗ്രസ്​ സർക്കാറിൽ സംസ്​ഥാന റവന്യൂമന്ത്രി സ്​ഥാനം വഹിച്ചു. 

മഹാരാഷ്​ട്രയി​െല കൊങ്കൺ മേഖലിൽ ശക്​തമായ സ്വാധീനമാണ്​ റാണെക്കുള്ളത്​.