സെപ്റ്റംബർ രണ്ട് ചരിത്രദിനം; നാവികസേനയുടെ പുതിയ പതാക ശിവജിയിൽ നിന്നു​ പ്രചോദനം ഉൾക്കൊള്ളുന്നു -മോദി

കൊ​ച്ചി: ത​ദ്ദേ​ശീ​യ​മാ​യി വി​മാ​ന​വാ​ഹി​നി ക​പ്പ​ൽ നി​ര്‍മി​ച്ച​തി​ലൂ​ടെ വി​ക​സി​ത രാ​ജ്യ​ത്തി​ലേ​ക്കു​ള്ള കു​തി​പ്പി​ല്‍ ഇ​ന്ത്യ ഒ​രു ചു​വ​ടു​കൂ​ടി മു​ന്നോ​ട്ടു​വെ​ച്ചി​രി​ക്കു​ക​യാ​ണെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ലോ​ക​ത്തി​ന്​ മു​ന്നി​ൽ ഇ​ന്ത്യ​യു​ടെ ക​രു​ത്താ​ണ്​ ഐ.​എ​ൻ.​എ​സ്​ വി​ക്രാ​ന്ത്. കൊ​ച്ചി ക​പ്പ​ൽ​ശാ​ല​യി​ൽ ന​ട​ന്ന ച​ട​ങ്ങി​ൽ ഐ.​എ​ൻ.​എ​സ് വി​ക്രാ​ന്ത് രാ​ജ്യ​ത്തി​നു സ​മ​ർ​പ്പി​ച്ച്​ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

സ​മു​ദ്ര മേ​ഖ​ല​യി​ൽ വെ​ല്ലു​വി​ളി​ക​ള്‍ ഉ​യ​ർ​ത്തു​ന്ന​വ​ർ​ക്കും രാ​ജ്യ​ത്തി​ന്‍റെ മ​റു​പ​ടി​യാ​ണ്​ വി​ക്രാ​ന്ത്. വി​ക്രാ​ന്ത് എ​ന്ന​ത്​ വെ​റു​മൊ​രു യു​ദ്ധ​ക്ക​പ്പ​ല​ല്ല. 21ാം നൂ​റ്റാ​ണ്ടി​ൽ ഇ​ന്ത്യ​യു​ടെ ക​ഠി​നാ​ധ്വാ​ന​ത്തി​ന്‍റെ​യും ക​ഴി​വി​ന്‍റെ​യും പ്ര​തി​ബ​ദ്ധ​ത​യു​ടെ​യും അ​ട​യാ​ള​മാ​ണി​ത്. വി​ക്രാ​ന്തി​ലൂ​ടെ ഒ​രു​ല​ക്ഷ്യ​വും ന​മു​ക്ക്​ അ​സാ​ധ്യ​മ​ല്ലെ​ന്ന് ലോ​ക​ത്തി​ന്​ മു​ന്നി​ൽ തെ​ളി​യി​ച്ചി​രി​ക്കു​ന്നു. ക​ട​ലി​ല്‍ വി​ക്രാ​ന്തും ആ​കാ​ശ​ത്ത് തേ​ജ​സും ഏ​തു വെ​ല്ലു​വി​ളി​ക​ളും നേ​രി​ടാ​ന്‍ ഇ​ന്ത്യ​യെ​ പ്രാ​പ്ത​മാ​ക്കി​യി​രി​ക്കു​ന്നു. കേ​ര​ള​മെ​ന്ന പു​ണ്യ​ഭൂ​മി​യി​ല്‍നി​ന്നും ഓ​ണ​ക്കാ​ല​ത്തു​ത​ന്നെ രാ​ജ്യ​ത്തി​ന്​ ഈ​ ​നേ​ട്ടം കൈ​വ​രി​ക്കാ​നാ​യി​ എ​ന്ന​ത്​ ആ​ഹ്ലാ​ദ​ക​ര​മാ​ണ്. ഒ​രു വെ​ല്ലു​വി​ളി​യും ഇ​ന്ത്യ​യെ സം​ബ​ന്ധി​ച്ചി​ട​ത്തോ​ളം പ്ര​യാ​സ​ക​ര​മ​ല്ല എ​ന്ന വി​ശ്വാ​സം രാ​ജ്യ​ത്ത്​ ഉ​ണ്ടാ​ക്കി​യി​രി​ക്കു​ന്നു.

വി​ക്രാ​ന്ത് സ​ര്‍വ​സ​ജ്ജ​മാ​യി ക​ട​ലി​ലേ​ക്കി​റ​ങ്ങു​മ്പോ​ള്‍ വ​നി​ത സൈ​നി​ക​രും അ​തി​നൊ​പ്പം ഉ​ണ്ടാ​കും. വ​നി​ത​ക​ള്‍ക്ക് സേ​ന​ക​ളി​ല്‍ കൂ​ടു​ത​ല്‍ അ​വ​സ​രം ന​ൽ​കു​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു. ത​ദ്ദേ​ശീ​യ ഉ​ൽ​പ​ന്ന നി​ര്‍മാ​ണം രാ​ജ്യ​ത്തി​നു മു​ത​ൽ​ക്കൂ​ട്ടാ​കു​മെ​ന്നും മോ​ദി പ​റ​ഞ്ഞു. സ്വ​യം പ​ര്യാ​പ്ത​ത​യു​ടെ പ്ര​തീ​ക​മാ​ണ് വി​ക്രാ​ന്തെ​ന്ന് ച​ട​ങ്ങി​ല്‍ സം​സാ​രി​ച്ച പ്ര​തി​രോ​ധ​മ​ന്ത്രി രാ​ജ്‌​നാ​ഥ്‌ സി​ങ്​ പ​റ​ഞ്ഞു. വി​ക്രാ​ന്ത് രാ​ജ്യ​സു​ര​ക്ഷ​ക്ക്​ മു​ത​ല്‍ക്കൂ​ട്ടാ​കും. പ്ര​തി​രോ​ധ ഉ​ൽ​പാ​ദ​ന മേ​ഖ​ല​യി​ല്‍ വ​ലി​യ വ​ള​ര്‍ച്ച നേ​ടാ​നാ​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ, മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, കേ​ന്ദ്ര​മ​ന്ത്രി​മാ​രാ​യ സ​ർ​ബാ​ന​ന്ദ സോ​നോ​വാ​ൾ, അ​ജ​യ് ഭ​ട്ട്, ദേ​ശീ​യ സു​ര​ക്ഷ ഉ​പ​ദേ​ഷ്ടാ​വ് അ​ജി​ത് ഡോ​വ​ൽ, നാ​വി​ക​സേ​ന മേ​ധാ​വി ആ​ർ. ഹ​രി​കു​മാ​ർ എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

നാവികസേനക്ക്​ പുതിയ പതാക

കൊ​ച്ചി: കൊ​ളോ​ണി​യ​ൽ ഭ​ര​ണ​കാ​ല​ത്തെ പ്ര​തീ​ക​ങ്ങ​ൾ പൂ​ർ​ണ​മാ​യും ഒ​ഴി​വാ​ക്കി ഇ​ന്ത്യ​ന്‍ നാ​വി​ക സേ​ന​ക്കാ​യി ത​യാ​റാ​ക്കി​യ പു​തി​യ പ​താ​ക പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​കാ​ശ​നം ചെ​യ്തു. ഐ.​എ​ൻ.​എ​സ് വി​ക്രാ​ന്ത് കൊ​ച്ചി​യി​ൽ ക​മീ​ഷ​ന്‍ ചെ​യ്യു​ന്ന വേ​ള​യി​ലാ​ണ് പ​താ​ക പു​റ​ത്തി​റ​ക്കി​യ​ത്. ശു​ഭ്ര​മാ​യ പ​ശ്ചാ​ത്ത​ല​ത്തി​ല്‍ ദേ​ശീ​യ​പ​താ​ക​യും ദേ​ശീ​യ മു​ദ്ര​യും നേ​വി​യു​ടെ അ​ട​യാ​ള​വും ഒ​ന്നി​ക്കു​ന്ന​താ​ണ് പു​തി​യ പ​താ​ക.

നാ​വി​ക​സേ​ന​യു​ടെ കൊ​ടി​യ​ട​യാ​ളം എ​ന്‍സൈ​ന്‍ എ​ന്നാ​ണ് അ​റി​യ​പ്പെ​ടു​ന്ന​ത്. വൈ​റ്റ് എ​ന്‍സൈ​നി​ൽ ഇ​പ്പോ​ള്‍ ര​ണ്ട് പ്ര​ധാ​ന ഘ​ട​ക​ങ്ങ​ൾ​ ഉ​ള്‍ക്കൊ​ള്ളു​ന്നു. മു​ക​ളി​ല്‍ ഇ​ട​ത് ദേ​ശീ​യ​പ​താ​ക, ​​ഫ്ലൈ​യി​ങ്​ സൈ​ഡി​ന്‍റെ മ​ധ്യ​ഭാ​ഗ​ത്ത് നീ​ല -സ്വ​ർ​ണ നി​റ​ത്തി​ൽ സു​വ​ർ​ണ ബോ​ര്‍ഡ​റി​ൽ​ അ​ഷ്ട​ഭു​ജം.

അ​തി​നു​ള്ളി​ൽ ഒ​രു ന​ങ്കൂ​ര​ത്തി​ന് മു​ക​ളി​ല്‍ വി​ശ്ര​മി​ക്കു​ന്ന സു​വ​ര്‍ണ ദേ​ശീ​യ ചി​ഹ്നം ഉ​ള്‍ക്കൊ​ള്ളു​ന്നു. ഛത്ര​പ​തി ശി​വ​ജി​യു​ടെ മു​ദ്ര​യി​ൽ​നി​ന്ന് പ്ര​ചോ​ദ​നം ഉ​ൾ​ക്കൊ​ണ്ടു​ള്ള ഘ​ട​ക​ങ്ങ​ൾ പു​തി​യ പ​താ​ക​യി​ലു​ണ്ട്. നീ​ല അ​ഷ്ട​ഭു​ജാ​കൃ​തി​യി​ലു​ള്ള ക​വ​ചം ഇ​ന്ത്യ​ൻ നാ​വി​ക​സേ​ന​യു​ടെ വ്യാ​പ്തി​യെ​യും ബ​ഹു​മു​ഖ പ്ര​വ​ർ​ത്ത​ന ശേ​ഷി​യെ​യും എ​ട്ട് ദി​ശ​ക​ളെ​യും പ്ര​തി​നി​ധാ​നം ചെ​യ്യു​ന്നു​വെ​ന്ന് നാ​വി​ക​സേ​ന പ​റ​ഞ്ഞു. ന​ങ്കൂ​ര​ചി​ഹ്നം ദൃ​ഢ​നി​ശ്ച​യ​ത്തി​ന്‍റെ പ്ര​തീ​ക​മാ​ണ്.

പ​താ​ക​യി​ൽ മാ​റ്റം നാ​ലാം ത​വ​ണ

കൊ​ച്ചി: രാ​ജ്യ​ത്തി​ന് സ്വാ​ത​ന്ത്ര്യം ല​ഭി​ച്ച ശേ​ഷം നാ​ലാം ത​വ​ണ​യാ​ണ് നാ​വി​ക​സേ​ന പ​താ​ക​യി​ൽ മാ​റ്റം വ​രു​ത്തു​ന്ന​ത്. 1879ല്‍ ​ബ്രി​ട്ടീ​ഷു​കാ​രാ​ണ് ഇ​ന്ത്യ​ന്‍ നാ​വി​ക ക​പ്പ​ലു​ക​ള്‍ക്ക് ആ​ദ്യ​മാ​യി പ​താ​ക ഏ​ര്‍പ്പെ​ടു​ത്തി​യ​ത്. അ​ന്ന് ഇ​ന്ത്യ​ന്‍ നാ​വി​ക​സേ​ന​ക്ക്​ ബ്രി​ട്ടീ​ഷ് പ​താ​ക​യാ​യി​രു​ന്നു. 1928ല്‍ ​അ​ത് മാ​റി. പ​താ​ക​യെ സെ​ന്‍റ്​ ജോ​ര്‍ജ് ക്രോ​സ് എ​ന്ന ചു​വ​ന്ന കു​രി​ശു​രൂ​പം കൊ​ണ്ട് നാ​ലാ​യി വി​ഭ​ജി​ക്കു​ന്ന ഡി​സൈ​ന്‍ നി​ല​വി​ല്‍ വ​ന്നു. നാ​ലി​ലൊ​ന്നു ഭാ​ഗ​ത്ത് ബ്രി​ട്ടീ​ഷ് പ​താ​ക ആ​ലേ​ഖ​നം ചെ​യ്യു​ക​യും ബാ​ക്കി വെ​ള്ള നി​റ​ത്തി​ലു​മാ​യി​രു​ന്നു. സ്വാ​ത​ന്ത്ര്യ​ത്തി​നു ശേ​ഷം അ​ത് മാ​റ്റി, പ​ക്ഷേ ബ്രി​ട്ടീ​ഷ് പ​താ​ക​യി​ല്‍നി​ന്ന് കാ​ര്യ​മാ​യ മാ​റ്റ​മു​ണ്ടാ​യി​ല്ല. 1950 മു​ത​ല്‍ 2001 വ​രെ​യു​ള്ള ഇ​ന്ത്യ​ന്‍ നാ​വി​ക​സേ​ന​യു​ടെ പ​താ​ക ഇ​ങ്ങ​നെ​യാ​യി​രു​ന്നു.

2001ൽ ​കേ​ന്ദ്ര സ​ർ​ക്കാ​ർ സെ​ന്‍റ്​​ ജോ​ർ​ജ് ക്രോ​സ് മാ​റ്റി നാ​വി​ക​സേ​ന​യു​ടെ ചി​ഹ്ന​വും ദേ​ശീ​യ​പ​താ​ക​യു​മ​ട​ങ്ങി​യ​താ​ക്കി. അ​ക്കാ​ല​ത്താ​ണ് പ​താ​ക​യി​ൽ നീ​ല നാ​വി​ക​സേ​ന ചി​ഹ്നം കൂ​ട്ടി​ച്ചേ​ർ​ത്ത​ത്.

എ​ന്നാ​ൽ, ക​ട​ലി​ന്‍റെ​യും ആ​കാ​ശ​ത്തി​ന്‍റെ​യും പ​ശ്ചാ​ത്ത​ല​ത്തി​ൽ പ​താ​ക തി​രി​ച്ച​റി​യാ​ൻ ബു​ദ്ധി​മു​ട്ടാ​ണെ​ന്ന വി​ല​യി​രു​ത്ത​ലി​നെ തു​ട​ർ​ന്ന്‌ 2004ൽ ​വീ​ണ്ടും സെ​ന്‍റ്​ ജോ​ർ​ജ്‌ ക്രോ​സ്‌ ഉ​ൾ​പ്പെ​ടു​ത്തി. 2014ലാ​ണ് അ​വ​സാ​ന മാ​റ്റം കൂ​ട്ടി​ച്ചേ​ർ​ത്ത പ​താ​ക​യാ​ണി​​പ്പോ​ൾ മാ​റ്റി​യ​ത്.