പൊളിറ്റ് ബ്യൂറോയിൽ പ്രായത്തിൽ ഔട്ടായി കാരാട്ട്, പകരം ധാവ്ലെ

മ​ധു​ര: സി.​പി.​എം പോ​ളി​റ്റ് ബ്യൂ​റോ​യി​ൽ​നി​ന്ന് പ്രാ​യ​പ​രി​ധി​യെ​തു​ട​ർ​ന്ന് ദ​മ്പ​തി​ക​ൾ ഒ​ഴി​ഞ്ഞു. അ​തേ​സ​മ​യം മ​റ്റൊ​രു ദ​മ്പ​തി​ക​ൾ എ​ത്തു​ക​യും ചെ​യ്തു. മു​ൻ ജ​ന​റ​ൽ സെ​ക്ര​ട്ട​റി​കൂ​ടി​യാ​യ പ്ര​കാ​ശ് കാ​രാ​ട്ടും ഭാ​ര്യ വൃ​ന്ദ കാ​രാ​ട്ടു​മാ​ണ് പ്രാ​യ​പ​രി​ധി മു​ൻ​നി​ർ​ത്തി സി.​പി.​എം മ​ധു​ര പാ​ർ​ട്ടി കോ​ൺ​ഗ്ര​സോ​ടെ പോ​ളി​റ്റ് ബ്യൂ​റോ​യി​ൽ​നി​ന്ന് ഒ​ഴി​ഞ്ഞ​ത്. എ​ന്നാ​ൽ, മ​ഹാ​രാ​ഷ്ട്ര​യി​ൽ നി​ന്നു​ള്ള അ​ശോ​ക് ധാ​വ് ലെ​യും ഭാ​ര്യ മ​റി​യം ധാ​വ് ലെ​യു​മാ​ണ് പി.​ബി​യി​ലെ​ത്തി​യ പു​തി​യ ദ​മ്പ​തി​ക​ൾ.

കി​സാ​ൻ സ​ഭ പ്ര​സി​ഡ​ൻ​റ് കൂ​ടി​യാ​യ അ​ശോ​ക് ധാ​വ് ലെ ​ക​ണ്ണൂ​ർ പാ​ർ​ട്ടി കോ​ൺ​ഗ്ര​സി​ലാ​ണ് പി.​ബി​യി​ൽ എ​ത്തി​യ​ത്. കേ​ന്ദ്ര ക​മ്മി​റ്റി അം​ഗ​മാ​യി​രു​ന്ന മ​റി​യം ധാ​വ് ലെ ​മ​ധു​ര പാ​ർ​ട്ടി കോ​ൺ​ഗ്ര​സോ​ടെ​യാ​ണി​പ്പോ​ൾ പി.​ബി​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്. വ​നി​ത​ക​ളാ​യ വൃ​ന്ദ കാ​രാ​ട്ടി​ന്റെ​യും സു​ഭാ​ഷി​ണി അ​ലി​യു​ടെ​യും ഒ​ഴി​വി​ലാ​ണ് മ​റി​യം ധാ​വ് ലെ​യും ത​മി​ഴ്നാ​ട്ടി​ൽ​നി​ന്നു​ള്ള യു. ​വാ​സു​കി​യും പി.​ബി​യി​ൽ എ​ത്തി​യ​ത്. ക​ർ​ഷ​ക​രു​ടെ ലോ​ങ് മാ​ർ​ച്ചി​ന്റെ മു​ഖ്യ സം​ഘാ​ട​ക​നാ​യി​രു​ന്നു അ​ശോ​ക് ധാ​വ് ലെ.