ആവശ്യപ്പെടുന്നവർക്കെല്ലാം കോവിഡ്​ പരിശോധന നടത്തണമെന്ന്​ ഐ.സി.എം.ആർ

ന്യൂഡൽഹി: ആവശ്യപ്പെടുന്നവർക്കെല്ലാം കോവിഡ്​ പരിശോധന നടത്തണമെന്ന നിർദേശവുമായി ഇന്ത്യൻ കൗൺസിൽ ഒാഫ്​ മെഡിക്കൽ റിസേർച്ച്​ ( ​െഎ.സി.എം.ആർ) രംഗത്ത്​. ദേശീയ കോവിഡ് ടാസ്‌ക് ഫോഴ്‌സി​െൻറ നിർദ്ദേശപ്രകാരമാണ്​ ടെസ്റ്റിങ്​ ഓൺ ഡിമാൻഡിന്​ ഐ.സി.എം.ആർ മാർഗനിർദേശം നൽകിയത്​​. നടപടിക്രമങ്ങൾ സംസ്ഥാന സർക്കാരുകൾക്ക്​ തീരുമാനിക്കാമെന്നും അറിയിച്ചു. രോഗവ്യാപനം കൂടിയ നഗരങ്ങളിലും കണ്ടെയ്​മെൻറ്​ സോണുകളിലും ഉള്ള എല്ലാവർക്കും റാപ്പിഡ്​ ആൻറിജൻ ടെസ്റ്റുകൾ നടത്തണമെന്നും നിർദേശമുണ്ട്​. ഇൗ ടെസ്റ്റിൽ നെഗറ്റീവായവർക്ക്​ രോഗലക്ഷണമുണ്ടെങ്കിൽ ആർ.ടി.പി.സി.ആർ ടെസ്റ്റും നടത്തണം.

ശസ്​ത്രക്രിയ നിശ്ചയിച്ചവർക്ക്​ 14 ദിവസങ്ങൾ ഹോം ക്വാറൻറീൻ വേണം. കൊവിഡ് പരിശോധന വൈകുന്നതി​െൻറ പേരിൽ ഗർഭിണികൾക്ക് ചികിത്സ വൈകരുത്. പരിശോധനാ സൗകര്യം ഇല്ലാതെ ഗർഭിണികളെ റഫർ ചെയ്യരുതെന്നും സാമ്പിളുകൾ ശേഖരിച്ച് കൈമാറാൻ എല്ലാ ക്രമീകരണങ്ങളും നടത്തണമെന്നും ​െഎ.സി.എം.ആർ നിർദ്ദേശിച്ചു. അതോടൊപ്പം വിദേശ രാജ്യങ്ങളിലേക്കോ, മറ്റ്​ സംസ്ഥാനങ്ങളിലേക്കോ യാത്ര ചെയ്യുന്ന എല്ലാ വ്യക്​തികളും പ്രവേശന സമയത്ത്​ കോവിഡ്​ നെഗറ്റീവാണെന്ന്​ തെളിയിക്കണമെന്നതും നിർബന്ധമാക്കിയിട്ടുണ്ട്​.