ഇന്ത്യക്കാരുടെ ചെലവിൽ വാക്​സിൻ കയറ്റുമതി ചെയ്​തിട്ടില്ലെന്ന് അദാർ പൂനെവാല

ന്യൂഡൽഹി: ഇന്ത്യക്കാരുടെ ചെലവിൽ വാക്​സിൻ കയറ്റുമതി ചെയ്​തിട്ടില്ലെന്ന് സിറം ഇൻസ്​റ്റിറ്റ്യൂട്ട്​ സി.ഇ.ഒ അദാർ പൂനെവാല.

കോവിഷീൽഡ് വാക്​സിൻ നിർമ്മിക്കുന്ന കമ്പനിയാണ്​ സിറം ഇൻസ്​റ്റിറ്റ്യൂട്ട്​. രാജ്യത്ത്​ വാക്​സിൻ ക്ഷാമം നിലനിൽക്കു​േമ്പാഴും മറ്റ്​ രാജ്യങ്ങളിലേക്ക​ുള്ള​ വാക്​സിൻ കയറ്റുമതിയെ ന്യായീകരിച്ചുകൊണ്ടിറക്കിയ പ്രസ്​താവനയിലാണ് പൂനെവാല ഇക്കാര്യം വെളിപ്പെടുത്തിയത്​.​

2021 ജനുവരിയിൽ കമ്പനിയുടെ പക്കൽ ധാരാളം വാക്​സിൻ ഡോസുകൾ സ്​റ്റോക്ക്​ ഉണ്ടായിരുന്നു. ആ സമയത്ത്​ ഇന്ത്യയിൽ കോവിഡ്​ രോഗികൾ എണ്ണം കുറവായിരുന്നു. ആ കാലയളവിൽ ഇതര രാജ്യങ്ങൾ കോവിഡ്​ പ്രതിസന്ധി നേരിടുകയായിരുന്നു. അപ്പോഴാണ്​ സാധ്യമാകുന്ന രാജ്യങ്ങൾക്കെല്ലാം കേന്ദ്രസർക്കാറി​െൻറ പിന്തുണയോടെ ഞങ്ങൾ വാക്​സിനെത്തിച്ചത്​.

ഇപ്പോൾ ഞങ്ങൾ ഉൽപ്പാദനം വർദ്ധിപ്പിച്ചതിനൊപ്പം ഇന്ത്യക്ക്​ മുൻ‌ഗണനയും നൽകിയിരിക്കുകയാണ്​. രാജ്യത്ത് നടക്കുന്ന വാക്​സിനേഷൻ ഡ്രൈവിന്​ പൂർണ പിന്തുണ നൽകുകയും ചെയ്യുന്നു. അതെസമയം ലോകത്ത്​ ഏറ്റവും കൂടുതൽ ജനസംഖ്യയുള്ള രാജ്യങ്ങളിലൊന്നായ ഇന്ത്യയിൽ രണ്ടോ മൂന്നോ മാസം കൊണ്ട്​ വാക്​സിനേഷൻ പൂർത്തിയാക്കാൻ കഴിയില്ലെന്നും അദ്ദേഹം പറഞ്ഞു.

ലോകജനതക്ക്​ മുഴുവനും പ്രതിരോധ കുത്തിവയ്പ്പ് പൂർത്തിയാക്കാൻ 2-3 വർഷമെടുക്കും. ലോകത്തെ കോവിഡ്​ മുക്​തമാക്കാൻ ഞങ്ങളാൽ കഴിയുന്നതെല്ലാം ചെയ്യാനാണ്​ ആഗ്രഹിക്കുന്നതെന്നും അദ്ദേഹം വിശദീകരിച്ചു.